Gozwinus, deken te Keulen, en het kapittel van St. Pieter berichten aan Geiko, proost te Farmsum, en Emo, prior te Feldwerd, dat de opdracht aan Sigard van Mariengaarde en anderen betreffende de excommunicatie is opgeheven en het daarin gedane is vernietigd.

Gozwinus, Dei gratia major in Colonia decanus et archidiaconus, totumque capitulum ecclesie beati Petri viris venerabilibus Geiconi preposito in
Fermeshem et Emoni priori in Feldwirth salutem in Domino. Constitutis in presentia A. domini episcopi Monasteriensis et Pauli prepositi Floridi
Orti et quinque plebanorum de Fivelgonia, procuratoribus, de consensu ipsorum ita ordinatum est et terminatum, quod commissio ad Sigardum de
Orto sancte Marie et D. de Dokkum abbates et I. plebanum Trajectensis diocesis impetrata super excommunicatione, a domino Monasteriensi episcopo
in eundem prepositum Emonem et conventum Floridi Orti facta, a nobis penitus est cassata, et quicquid auctoritate ejusdem commissionis fuit
factum sive in citando sive in absolvendo sive ad interesse comdemnando, cassatum est et pronunciatum est non tenere. Procuratores quoque
predicti appellationi tam ad capitulum quam ad domnum archiepiscopum facte renunciaverunt. Reliquimus etiam negotium in eo statu, in quo fuit
tempore appellationis, quam magister Emo et prepositus dicit se ad sedem apostolicam interposuisse, de qua cognoscere non est nostre
auctoritatis, salvo jure utriusque partis. Ne ergo, quod aput nos de consensu procuratorum factum est sollemniter, maneat occultum, mandamus
vobis, quatinus convocato clero Fivelgonie, ea que supradicta sunt, et in conventu laicorum publice denuncietis, nullum ex hoc partibus
prejudicium generandum.

x

x

Fonds	Oorkondenboek Groningen en Drenthe
Nr	75
Olim	Naar het ms. in de universiteitsbibliotheek te Groningen (V q I). Ook gedrukt Mon. Germ. Script. XXIII, S. 503, en bij Feith en Acker Stratingh, blz. 96b.
Jaar	1224

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 75.