Pans Honorius beveelt de abten van Mariengaarde en Dokkum en den pastoor van Nijkerk de excommunicatie over Emo en zijn klooster op te heffen, wanneer dit niet door de bisschop van Münster geschiedt.

Honorius episcopus servus servorum Dei dilectis filiis de Orto sancte Marie et de Dokkum prioribus et magistro I. de Nova Ecclesia plebano
salutem et apostolicam benedictionem. Dilecti filii prepositus et conventus Floridi Orti sua nobis insinuatione monstrarunt, quod venerabilis
frater noster Monasteriensis episcopus in eos sine causa rationabili, nulla competenti monitione premissa, auctoritate propria excommunicationis
sententiam promulgavit contra statuta concilii generalis. Unde ipsi nostris dedimus litteris in mandatis, ut, si est ita, infra octo dies post
susceptionem eorum sententiam ipsam sine qualibet difficultate relaxet. Quocirca discretioni vestre per apostolica scripta mandamus, quatinus si
dictus episcopus mandatum nostrum neglexerit adimplere, vos extunc sufficienti ab eis juxta formam ecclesiae cautione recepta super hiis, pro
quibus est hujusmodi sententia promulgata, relaxetis eandem et injuncto eis, quod de jure fuerit injungendum, audiatis si quid fuerit questionis
et appelatione remota fine debito terminetis, facientes, quod decreveritis, auctoritate nostra firmiter observari. Datum Laterani VI Idus
Aprilis, pontificatus nostri anno VIII.

x

x

Fonds	Oorkondenboek Groningen en Drenthe
Nr	73
Olim	Naar het ms. in de universiteitsbibliotheek te Groningen (V q 1). Ook gedrukt Mon. Germ. Script. XXIII, S. 504, bij Feith en Acker Stratingh, blz. 97, en in de Papsturk. Westf. I, no. 316.
Jaar	1224
Datumcode	6IduApr

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 73.