| Nummer:ogd0069 | Datum:voor 8 april 1224 | Overlevering:Editie | Vindplaats:Oorkondenboek Groningen en Drenthe, nr. 69 |
Emo, abt van Wittewierum, klaagt bij Conradus, abt van Prémontré, over Herdricus, proost van Schildwolde.
Reverendo in Christo et venerabili domino et patri Conrado, Dei providentia Premonstra-tensi abbati, Emo Dei gratia dictus abbas Floridi Orti
salutem et tam devotam quam debitam cum orationum sinceritate obedientiam. Notum sit paternitati vestre, quod claustrum, quod Floridus Ortus
dicitur, in quo Deo auctore in regimine deservio, domino Gervasio antecessori vestro suisque successoribus optuli immeditate sancte
Premonstratensi ecclesie, circa fratrum meorum et domus cupiens vigere sollicitudinem. Affectu itaque meo pensato locum istum in filiam suscepit
et affectum suum spopondit circa eundem indesinenter vigere, et ne rem hanc aput posteros in oblivionem venire contingeret, suis voluit litteris
confirmare, quarum hic formam duxi breviter inserendam . . . . Harum intuitu litterarum supplico, ut filie vestre solitam impendere dignemini
pietatem, et contra pravorum violentias consilio et scripto vestra prompta sit defensio. Verum quia tribulatio proxima est, ad vos suspiro,
sperans quod injuriae meae vobis exposite vestram movere debeant pietatem. Quidam itaque Herdricus, dictus prepositus de Skeldwald, inordinate
vivens, factus officialis et exactor domini episcopi Monasteriensis, occasione continue procurationis decanatus nimis procurationem, quam foris
pretendit, per insolentias plurimas confundit, ut ei cui venando pecuniam se probavit, possit placere. Qui inter cetera, que ordini ingerit
scandala, cum se auctoritate vestra et capituli generalis ad eligendam paternitatem sensisset urgeri, me tamquam hujus coactionis cooperatorem
ab episcopo Monasteriensi in vindictam maliciose criminari et gravari persuasit. Cumque super injuria episcopi legitime sedem apostolicam
appellassem, dictus prepositus sive ex mandato episcopi sive non, contra privilegia ordinis et formam juris , me et fratres meos excommunicatos
denunciari fecit, humanitatis beneficium et vite necessaria ab aliis percipienda prohibendo, que etiam, sicut optime novit vestra discretio, in
articulo necessitatis juxta excommunicatis propter excommunicationem non sunt amputanda. Hanc igitur inauditam coram vobis, pater, depono
querelam, supplicans ut de Orto sancte Marie et de Dokkinge abbatibus viris religiosis detis in mandatis, qui si hec ita invenerint, plene
corrigant et ipsum ad resarcienda damna per eum fratribus data per penam suspensionis et excommunicacionis compellant, et nichilominus
sententiam excommunicacionis, quam contra ordinis privilegia tulit, nullam esse publice denuncient. Preterea supplico, quatinus super ordinis
disciplina adeo vestra invigilet discretio, ut sepedicto preposito Herdrico correcto, tantum vobis aput omnes in Frisia honoris accedat
incrementum, quantum dissolutio ipsius ordini ingessit opprobrium. Quod ut efficaciter promoveatur, fratrem meum, latorem presentium, canonicum
ad vos destinavi, rogans obnixe, ut ipsum tanquam filium recipiatis et in hiis, que ad domus nostre protectionem et sepedicti prepositi
correctionem spectant, secundum scientiam a Deo vobis datam benigne expediatis. Preterea obnixe flagito, ut auctoritate vestra et ordinis
imperiose pro reverentia summi pontificis domino episcopo Monasteriensi scribere velitis, ut me et fratres meos inculpate fame per Dei gratiam
aput omnes optimos tocius viciniae nostrae sine vexatione temerarie excommunicacionis Deo servire permittat , quoniam per Dei gratiam in tanta
libertate in Frisia constituti sumus, quod nec pullo galline violenter per suos nos poterit spoliare.
salutem et tam devotam quam debitam cum orationum sinceritate obedientiam. Notum sit paternitati vestre, quod claustrum, quod Floridus Ortus
dicitur, in quo Deo auctore in regimine deservio, domino Gervasio antecessori vestro suisque successoribus optuli immeditate sancte
Premonstratensi ecclesie, circa fratrum meorum et domus cupiens vigere sollicitudinem. Affectu itaque meo pensato locum istum in filiam suscepit
et affectum suum spopondit circa eundem indesinenter vigere, et ne rem hanc aput posteros in oblivionem venire contingeret, suis voluit litteris
confirmare, quarum hic formam duxi breviter inserendam . . . . Harum intuitu litterarum supplico, ut filie vestre solitam impendere dignemini
pietatem, et contra pravorum violentias consilio et scripto vestra prompta sit defensio. Verum quia tribulatio proxima est, ad vos suspiro,
sperans quod injuriae meae vobis exposite vestram movere debeant pietatem. Quidam itaque Herdricus, dictus prepositus de Skeldwald, inordinate
vivens, factus officialis et exactor domini episcopi Monasteriensis, occasione continue procurationis decanatus nimis procurationem, quam foris
pretendit, per insolentias plurimas confundit, ut ei cui venando pecuniam se probavit, possit placere. Qui inter cetera, que ordini ingerit
scandala, cum se auctoritate vestra et capituli generalis ad eligendam paternitatem sensisset urgeri, me tamquam hujus coactionis cooperatorem
ab episcopo Monasteriensi in vindictam maliciose criminari et gravari persuasit. Cumque super injuria episcopi legitime sedem apostolicam
appellassem, dictus prepositus sive ex mandato episcopi sive non, contra privilegia ordinis et formam juris , me et fratres meos excommunicatos
denunciari fecit, humanitatis beneficium et vite necessaria ab aliis percipienda prohibendo, que etiam, sicut optime novit vestra discretio, in
articulo necessitatis juxta excommunicatis propter excommunicationem non sunt amputanda. Hanc igitur inauditam coram vobis, pater, depono
querelam, supplicans ut de Orto sancte Marie et de Dokkinge abbatibus viris religiosis detis in mandatis, qui si hec ita invenerint, plene
corrigant et ipsum ad resarcienda damna per eum fratribus data per penam suspensionis et excommunicacionis compellant, et nichilominus
sententiam excommunicacionis, quam contra ordinis privilegia tulit, nullam esse publice denuncient. Preterea supplico, quatinus super ordinis
disciplina adeo vestra invigilet discretio, ut sepedicto preposito Herdrico correcto, tantum vobis aput omnes in Frisia honoris accedat
incrementum, quantum dissolutio ipsius ordini ingessit opprobrium. Quod ut efficaciter promoveatur, fratrem meum, latorem presentium, canonicum
ad vos destinavi, rogans obnixe, ut ipsum tanquam filium recipiatis et in hiis, que ad domus nostre protectionem et sepedicti prepositi
correctionem spectant, secundum scientiam a Deo vobis datam benigne expediatis. Preterea obnixe flagito, ut auctoritate vestra et ordinis
imperiose pro reverentia summi pontificis domino episcopo Monasteriensi scribere velitis, ut me et fratres meos inculpate fame per Dei gratiam
aput omnes optimos tocius viciniae nostrae sine vexatione temerarie excommunicacionis Deo servire permittat , quoniam per Dei gratiam in tanta
libertate in Frisia constituti sumus, quod nec pullo galline violenter per suos nos poterit spoliare.
x
| Fonds | Oorkondenboek Groningen en Drenthe |
|---|---|
| Nr | 69 |
| Olim | Naar het ms. in de universiteitsbibliotheek te Groningen (V q I). Ook gedrukt Mon. Germ. Script. XXIII, S. 501, en bij Feith en Acker Stratingh, blz. 93. |
| Jaar | 1224 |