| Nummer:ogd0056 | Datum:ca. 9 juni 1214 | Overlevering:Editie | Vindplaats:Oorkondenboek Groningen en Drenthe, nr. 56 |
Oliverius van Keulen schrijft aan den Graaf van Namen een brief, waarin hij mededelingen omtrent zijn kruisprediking doet o. a. te Bedum.
Illustri comiti Namucensi et nobili uxori ejus Oliverius Coloniensis scolasticus, apostolicae sedis legatus, salutem presentem et futuram. Cum
essem juxta Occeanum in fine provincie Coloniensis in diocese Monasteriensi feria sexta ante Pentecosten anno gratiae MCCXIV et pro reverentia
domni papae mecum essent abbates Cisterciensis, Premonstratensis et Cluniacensis ordinis et alii multi religiosi, feci decantari missam
sollempniter de sancta cruce. Principium sermonis mei erat: Absit mihi gloria. Cum multa hominum millia et mulierum, qui ad sermonem
convenerunt, sederent in prato extra villam Frisie, que dicitur Bethdum, et aer satis esset serenus, apparuit nubes candida et in ea crux alia
sine humana imagine ab aquilone, postea crux alia ad austrum ejusdem coloris et scematis, tercio crux magna inter illas et super illas, medio
colore colorata, habens formam humani corporis, ut videbatur, ad quantitatem hominis, cujus nuda erat forma, caput habens sursum et pedes
deorsum, caput inclinatum ad humerum et brachia non in directum extensa sed sursum elevata. Clavi per manus et pedes visibiliter apparebant eo
semate, quo apparet in ecclesia ab artifice parata. Et cum multi ad crucem recipiendam accurrerent, miles quidam, qui ante crucem recusaverat
accipere, tamen una cruce visa statim crucem accepit. Quidam de incolis terre hoc viso velociter ad me currebat dicens: Nunc Terre Sancta
recuperata est! quasi prophetica certitudine preteritum ponens pro futuro. Puella quaedam dives christianorum adoratura surrexit, sed compulsa
sedere a turba demonstravit matri sue et avie et multis circumsedentibus, qui multa veneratione sursum aspicientes adorabant, quamdiu signum
apparebat. Durabat haec visio per spatium competentis misse circa horam terciam. Hoc miraculum plures quam centum viderunt. Procedente tempore
in alia statione ejusdem terre apparuit crux sine forma humani corporis, habens colorem hiris, nota contra solem, quam vidit abbas de Valle
Sancti Petri et monacus ejus et plures de populo quam Bethdum. Deinde in alia statione in die sancti Bonefacii apud portum Frisie, qui Dochum
nominatur, ubi beatus Bonefacius martirio fuit coronatus, apparuit crux magna, qui eramus in statione amplius quam decem millia, ut creditur.
Albi coloris erat crux, quae paulatim movebatur in aere, acsi traheretur per funiculum, quasi iter demonstraret peregrinis navigaturis ad terram
promissionis inter Europam et Affricam. In gente ilia, in qua hec contigerunt, computantur 50000 signatorum, 8000 scutariorum et . . . . milia
loricatorum. Sciatis autem tot naves preparari ad expeditionem Jesu Christi, quod credimus de sola provintia Coloniensi amplius quam trecentas
naves onerarias profecturas, replendas viris bellatoribus, armis et victualibus ac instrumentis bellicis. Hec autem scribsimus vobis, quoniam ad
miliciam Jesu Christi vobis salubriter et Terre Sancte, ut speramus, utiliter signati estis, obnixe rogantes, ut cruce signatis propitii sitis
et judicibus, quos apud Namurcum constituimus, favorabiles. Valete.
essem juxta Occeanum in fine provincie Coloniensis in diocese Monasteriensi feria sexta ante Pentecosten anno gratiae MCCXIV et pro reverentia
domni papae mecum essent abbates Cisterciensis, Premonstratensis et Cluniacensis ordinis et alii multi religiosi, feci decantari missam
sollempniter de sancta cruce. Principium sermonis mei erat: Absit mihi gloria. Cum multa hominum millia et mulierum, qui ad sermonem
convenerunt, sederent in prato extra villam Frisie, que dicitur Bethdum, et aer satis esset serenus, apparuit nubes candida et in ea crux alia
sine humana imagine ab aquilone, postea crux alia ad austrum ejusdem coloris et scematis, tercio crux magna inter illas et super illas, medio
colore colorata, habens formam humani corporis, ut videbatur, ad quantitatem hominis, cujus nuda erat forma, caput habens sursum et pedes
deorsum, caput inclinatum ad humerum et brachia non in directum extensa sed sursum elevata. Clavi per manus et pedes visibiliter apparebant eo
semate, quo apparet in ecclesia ab artifice parata. Et cum multi ad crucem recipiendam accurrerent, miles quidam, qui ante crucem recusaverat
accipere, tamen una cruce visa statim crucem accepit. Quidam de incolis terre hoc viso velociter ad me currebat dicens: Nunc Terre Sancta
recuperata est! quasi prophetica certitudine preteritum ponens pro futuro. Puella quaedam dives christianorum adoratura surrexit, sed compulsa
sedere a turba demonstravit matri sue et avie et multis circumsedentibus, qui multa veneratione sursum aspicientes adorabant, quamdiu signum
apparebat. Durabat haec visio per spatium competentis misse circa horam terciam. Hoc miraculum plures quam centum viderunt. Procedente tempore
in alia statione ejusdem terre apparuit crux sine forma humani corporis, habens colorem hiris, nota contra solem, quam vidit abbas de Valle
Sancti Petri et monacus ejus et plures de populo quam Bethdum. Deinde in alia statione in die sancti Bonefacii apud portum Frisie, qui Dochum
nominatur, ubi beatus Bonefacius martirio fuit coronatus, apparuit crux magna, qui eramus in statione amplius quam decem millia, ut creditur.
Albi coloris erat crux, quae paulatim movebatur in aere, acsi traheretur per funiculum, quasi iter demonstraret peregrinis navigaturis ad terram
promissionis inter Europam et Affricam. In gente ilia, in qua hec contigerunt, computantur 50000 signatorum, 8000 scutariorum et . . . . milia
loricatorum. Sciatis autem tot naves preparari ad expeditionem Jesu Christi, quod credimus de sola provintia Coloniensi amplius quam trecentas
naves onerarias profecturas, replendas viris bellatoribus, armis et victualibus ac instrumentis bellicis. Hec autem scribsimus vobis, quoniam ad
miliciam Jesu Christi vobis salubriter et Terre Sancte, ut speramus, utiliter signati estis, obnixe rogantes, ut cruce signatis propitii sitis
et judicibus, quos apud Namurcum constituimus, favorabiles. Valete.
x
| Fonds | Oorkondenboek Groningen en Drenthe |
|---|---|
| Nr | 56 |
| Olim | Naar de uitgave van Röhricht in Westd. Zeitschr. X, S. 169. Ook gedrukt Mon. Germ. Script. XXIII, S. 473 noot 29. |
| Jaar | 1204 |