Gude vrend, ons hebben geclaget Ludeken Clandt ende Doken ter Borch over enen onrechten doem offte kennyngen den gy gedoempt
solden hebben tusschen em ende Gerardus ten Barge van wegen den (van) dren gebroders als heer Abeke
Reloff ende Wigbolt Ewessuma Alsoe hebben Ludeken ende Doke vorscr. de sake beropen ende beborget by
vyff olde marck ande lande ende ons llaten juu daer up weten ende gebeden vander lande ende onsen wegen
by eenre penen van teyn olde schilde dat gy van stonden an de sake up de beropinge staen laten ende
Ludeken ende Doken vorgen. ongemoit laten. All want up de naesten warff ter lande ende onsen verclaringe
Voert so dagen wy juu up in de stad up de vorscr. warff byder vorscr. penen juwen doem tegen Ludeken
ende Doken vorgen. toe verantworden ende enen borgen to mote setten. Den boden gevet de brieff weder
byder vorscr. penen. Ghescreven onder onsen Stad ende lande Secreet up onsen liever vrouwen avent visitacionis.
int jaer van twe.
Unsen guden vrend
Take Hylbrants to Santweer.
Hoefftmans inder tijd
in Groningenn.
DORSO : Beropinge contra Tako Hylbrants.
??

x

x

Archief	Groninger Archieven
Fonds	Omm. arch.
Toegangsnummer	2
Inventarisnr.	0051
Regestnr.	149
Jaar	1502
Datumcode	vVisMar

x

x

x

Materiaal	papier