| Nummer:oar099 | Datum: | Overlevering:Origineel | Vindplaats:Omm. arch., inv.nr. 0023, reg. 099 |
Wy borgermestere ende Raed der Stad Groningen bekennen ende tugen myt dessen openen breve dat wy up datum desses
breves up onsen Raedhuuse mytten praelaten ende hoefftlingen van Hunsinge ende Ffywelinge landen dair to geramet
ende die daer tegenwordich weren verdragen ende overgekomen sint dat men dat olde verbond helde ende holde
alst tot dessen dage geholden is Ende dat elk dat den anderen dat een halff jaer to voren upseggen mach wannert
em geliefft mytter stad lande offte Amptes zegele Ende offte de lande begeren ende hebben wyllen So sullen ende
wyllen wy em dat verbond bezegelen myt onsen stad zegell als vorscr. is. Ende up desse verdracht sullen de praelaten
ende hoefftlingen die meente onderwysen ende berichten dat sie up desse tyt omme onsen bede ende andere noetsaken willen
een koepschot geven sullen ende wyllen Te weten enen krumstert vander koe ende van elken osse die een juck
gedragen hefft Ende als dat schot uutkomet ende die meente wyllich daer to is So loven wij borgermestere ende
Raed vorgen. den Ommelanden vorscr. sie na dessen dage niet bet myt enigen schote to beswaren noch to over-
vallen Ten weer sake dat de stad ende lande orbar ende noet duchte wesen scot te geven Ende weert sake dattet
verbont tot enigen tyden upgesecht ende gescreven worde so sall desse brieff dan daer mede doet wesen
sunder argelist In Orkonde hebben wy onsen stad secreet hiir an gehangen Ghegeven ende overdragen inden jair
ons heren dusent vierhundert ende tsoventich des wondesdages na sunte Johans dage to mydzomer.
breves up onsen Raedhuuse mytten praelaten ende hoefftlingen van Hunsinge ende Ffywelinge landen dair to geramet
ende die daer tegenwordich weren verdragen ende overgekomen sint dat men dat olde verbond helde ende holde
alst tot dessen dage geholden is Ende dat elk dat den anderen dat een halff jaer to voren upseggen mach wannert
em geliefft mytter stad lande offte Amptes zegele Ende offte de lande begeren ende hebben wyllen So sullen ende
wyllen wy em dat verbond bezegelen myt onsen stad zegell als vorscr. is. Ende up desse verdracht sullen de praelaten
ende hoefftlingen die meente onderwysen ende berichten dat sie up desse tyt omme onsen bede ende andere noetsaken willen
een koepschot geven sullen ende wyllen Te weten enen krumstert vander koe ende van elken osse die een juck
gedragen hefft Ende als dat schot uutkomet ende die meente wyllich daer to is So loven wij borgermestere ende
Raed vorgen. den Ommelanden vorscr. sie na dessen dage niet bet myt enigen schote to beswaren noch to over-
vallen Ten weer sake dat de stad ende lande orbar ende noet duchte wesen scot te geven Ende weert sake dattet
verbont tot enigen tyden upgesecht ende gescreven worde so sall desse brieff dan daer mede doet wesen
sunder argelist In Orkonde hebben wy onsen stad secreet hiir an gehangen Ghegeven ende overdragen inden jair
ons heren dusent vierhundert ende tsoventich des wondesdages na sunte Johans dage to mydzomer.
x
| Archief | Groninger Archieven |
|---|---|
| Fonds | Omm. arch. |
| Toegangsnummer | 2 |
| Inventarisnr. | 0023 |
| Regestnr. | 099 |
| Register Feith | 1470.015 |
| Jaar | 1470 |
| Datumcode | EpNatJoh |