Wy Borghermesteren ende raedt in Groeningen betuegen myt desen openen breve dat voer uns sint ghekomen Mester
Sweer Hoenrixs Nesse syn huesfrouwe ende bekanden voer hoer ende hoeren arffgenamen dat se hebben verkoft upghedragen ende over
ghegeven Albert Krabbe Anna syn huesfrouwe ende hoeren arffgenamen dre kamers myt der hoffsteden achter ende voer myt alle hoer
thobehoeren gelegen by dat bolwarck tusschen Steentill poerthe ende Poel poerthe daer Johan towslager an dat oesten up
de horne van de ganck ende de huessitten armen up dat noerden an geswettet sinnen van den sulven ganck ook mit
sodane pacht alse mester Sweer ende Nesse vorgen. uuth dersulver kamer der huessitten grundt hebbende sinnen Voert noch sess kameren staende by dat Kattendeep tusschen den poorten vorgen. myt sodanige hofften achter desulve kameren up der stadt
grunden staende daer Albert ende Anna vergen. ende hoer arffgenamen jaerlykes de pacht der stadt van sullen betalen to wethen
soeven arens gulden min een krumstert anders vry en veerdich tho leveren en tho wharen ende hoeren vryen willen
daermede tho doende voer ene summe van penningen de mester Sweer ende Nesse vergen. bekanden dat hem vull
ende all is betaelt Sunder arghelist Dat Oerkunde wy myt unsen stadt Seghell Ghegeven inden Jaeren unses heren
dussent vyffhundert vyff en tzestich den dreen twintichsten dach novembris Doe Olde Johan Wyfrinck
Johan Thedema, Derck Schaffer ende Reynt Alberda Borghermesteren weren unser stadt.

x

x

Archief	Groninger Archieven
Toegangsnummer	2241
Inventarisnr.	0154
Register Feith	1565.091
Jaar	1565
Datumcode	2311

x

x

x

Materiaal	perkament