1549 den achteynden february
Wy Borghermesteren ende Raedt yn Groeninghen betueghen myt desen openen breve dat vor uns sint ghekomen
Mester Johan Ulgar Marissinck provisoer Jurgen Jargen, Geerdt Buyninck ende Albart van Setteren voechden
ynder tijdt van des Hilligen .............Gheestes convent binnen unser Stadt ende bekanden vor hem ende hoeren
nakomelyngen dat se hebben verkofft upgedraghen ende overgegeven Egbart Maler ende synen arffgenamen een
hues myt all syn tho behoeren voir ende achter uuth up der Stadt waterynge staende ynde Kat Ripe ande zuydersydt
daer Johan Dolynghe upt oesten ten ende Hinrick Tuernholt upt westen naest an gheswettet syn vry ende quydt
arffliken ende ewliken tho bruyken ende the besitten vor ene summe gheldes de de provisoer ende voechden vorgh.
bekanden dat hem vull ende all ys betaelt. Beholtliken den provisor ende voechden vors. ende hoeren
nakomelynghen uuth den vors. huse een ende twyntich arnsgulden jaerlike Renten teyn unser Stadt stuvers als nu
ghanckbaer syn vor den gulden als een Stadt Recht ys jaerlixs tho betaelen Myt vorwerden dat Egbart vorgh. ende
syne arffgenamen dese vorger. Renten alle tydt ............aff ende quydt kopen als myt hundert arensgulden vors.
paymentes ......... ende mytter vuller Rente dat restandt so voert gelyken Ende dat vors, hues tho leveren up
Paeschen Anno etc. vifftich naestkomende Sunder argelist dat oerkunde wy myt unser Stadt Segell Gegeven
Inden Jaer unses heren dusent viffhundert negen ende veertich den achteynden february do Eltet tho Lellens
Everdt Mepsche Reijnt Albarda ende Albart Jargen Borgermesteren weren unser Stadt.

x

x

Archief	Groninger Archieven
Toegangsnummer	2241
Inventarisnr.	0140
Register Feith	1549.011
Jaar	1549

x

x

x

Materiaal	perkament