Ik Godfridus provisoer des Hillighen Gheestes in Groninghen bekenne ende tughe in dessen openen
breve dat ik by consente mynre voghede als Hermannus Kuster ende Wilhelmus Hiddinck ende mede
by consente der brodere ende sustere des conventes hebbe voirwysselt enen acker landes alzo groet
en klene alzo he gheleghet uppe de oesterzijd van Kempekensberghe uppe de oesterziid des weghes
dair by gheleghen is Ludeleeff Zycking ende Grete Heynghe uppe de zuder ziid ende Ludiken Wattens
uppe de noert zyde ende strecket zick up oester poerte wechte teghen Ludiken Wattens voirs. voir wel
ken acker landes Ludiken den convente to den Hillighen Gheeste weder over ghegheven ende voir
wisselt hevet enen acker landes gheleghen teghen den cruce uppe west ziit des weghes dair
by gheleghen is de Hillighen Gheestes acker uppe de noertzyde ende Albert Yarghes uppe de zuud
zyde ende desse wissel sal vast ende stede wesen to ewighen daghen. In een tuuchnisse der wair
heyt hebbe ick Her Godert voirs. des Hillighen Gheestes zeghel beneden ghehangen an dessen
breff. Ghegheven int jaer uns heren dusent vierhundert en achtenviertich inden mytvasten.

x

x

Archief	Groninger Archieven
Toegangsnummer	2241
Inventarisnr.	0043
Register Feith	1448.016
Jaar	1448
Datumcode	Midvas

x

x

x

Materiaal	perkament