Wy Borgemeistere ende Raet in Groningen bekennen ende tugen mit dessen openen breve dat
voir ons is ghecomen Johan nye Hovynghe van Egheste ende bekande dat he voir em ende
voir sine erffgenamen hefft vercofft ende vri ende quyt up ghedraghen Hermanne van Hoerne den
backer ende sinen erffgenamen een steenhues mit all sinen toe behoer achter ende voir ende mit den
menneweghe achter den voirscr. steenhuse mit allen rechte ende egendome eweliken ende erffliken
toe bruken ende toe besitten voir ene summe gheldes die Johan voirscr. bekande dat em vul ende
all betaelt is Beholden Johanne voirscr. syns holten huses dat achter den voirscr. steen
huse ghelegen is in Gaddinghe strate Ende beholden den priesters toe den Aekerke ander
halven gulden jairliker renthe ende dre schillinghe renthe ende vierdehalff pennyngh renthe
inden voirscr. steenhuse Ende beholden Johanne den Witten ende sinen erffgenamen inden selven steenhuse
vyff schillinghe renthe paymentis als in Groningen gangk ende gave is jairlix toe boren
als een Stadrecht is Beholden ok Johanne van Beylen ende Johanne Gaykinghe ende ok
Johanne nye Hovynghe voirscr. brukinghe des voirscr. menneweghes Dit voirscr. steenhues
mit sinen toebehoer voirscr. is ghelegen inde wester side van Heerstrate dair Johans steen
hues van Beylen naest byleghet up de zuetside. Dit Orkunde wy mit onser Stad ze
gele Ghegeven inden Jair onss heren dusent vierhundert dre ende twintich op midde vasten
do Reynolt Hugingh Bruen Clinge Henric ter Bruggen ende Ditmer Rengers Borger
meistere weren onser Stad.

x

x

Archief	Groninger Archieven
Toegangsnummer	2241
Inventarisnr.	0029
Register Feith	1423.004
Jaar	1423

x

x

x

Materiaal	perkament