Johan Rabberynck te Zuetberge bekent te hebben verkocht .aan het klooster ter Apel zijn erf en goed in de mark te Berge, onder L'lmpne gelegen ‘Rabberynck erve’ geheeten.

Copia littere de ... praedio a Iohanne Rabberynck in
Zuetberge.
Ic Johan Rabberynck tho Zuetberge bekenne ende belyge in
dessen openen bezegelden breve voir my ende myn erffgenamen dat ick hebbe
vercofft ende vercope stedes vastes erffcopes demen Ersamen Gheist
lyken heren broder Jacob priori ende gemenen Conventualen Ordenss
des hillighen Crucis tho Apell ende all oren nakomelingen myn erve
ende guet inder marck tho Berge ende onder der cloecken tho Emp
ne belegen hues, hoeff. heyde, weyde, hoelt, toerff niet daer aff
uuth ghescheyden Rabberynck erve ende guet gheheyten so
allst Henrick myn vader ende Hermen myn broder den god genadich
sy hebben gebruket ende ick Johan vorscr. van mynen susteren ende broders
kynderen vorscr. oer andeell hebben gecofft, vry onbekummert to
wachten ende to waeren voir alle ansprake, sunder heren tynse ende
vierdehalff mudde roggen jaerlix renthe dye Johan Sickynck tho
Zuetberge daer uuth hevet, welker vierdehalff mudde roggen
jaerlix renthe voirscr. staen tho lose soventich armsgulden pay
ment allss inder tyd der lose ganbar is inden lande van Drenthe
voir ene summe geldes dye my Johan vorsr. vull all ende wall tho wyllen
betaelt is. So ick dancke priori ende conventui vorscr. gueder betalinge Ende
love voir my ende myn erffgenamen dyt alinge erve ende guet voirscr.
myt all synen tho behoer vry onbekummert van allen renthen
ende schulden allss voirscr. to wachten ende to waeren voirall dy ge
ne dye daer myt rechte mogen upspreken sunders priors ende conventen
voirscr. hinder ende schaeden. Weert zake hyr boven gheschege hinder
off schade wo et yo to queme sall ende mach prior ende convent vorscr. verhalen
up ende uuth all mynen guederen dye ick nu hebbe off noch mach
krygen, myt beyden rechten woe ende waer priori ende conventui vorscr.
dat best genoget sunder my Johan voirscr. ende myner erffgenamen
wederseggen ende ovelen moet. Voert kenne wy Johan Vrylinck
ende Roleff Ubbynck tho Noertberge ende Roleff Nyenhuyssynck
tho Zuetberge voir ons ende onsse erffgenamen allss rechte sakewol
ders ende waerborgen weertzake priori ende conventui vorscr. hinder off
schaede schege in leveringe off waerschap desses erves ende gue
des voirscr. wo et yo to queme ende gheen verseet ende verhaell van
Johan voirscr. ende synen guederen kunden becomen sodanen schaeden
ende hinder van ons Johan ende freyden Roleffen vorscr. ende uuth onssen gue
deren dye wy nu hebben off noch mogen krygen, sollen verhalen
ende inwynnen gelick alss uuth Johans vercopers voirscr. guederen
sunders ons ende unsser erffgenamen weder seggen ende ovelen moet ende
hebben priori ende conventui voirscr. den Stock daer van gelecht als
lantrecht ys inden lande van Drenthe voir den buren to Berge
als Johan Vrylinck ende Roleff Alberdynck beyde buer tho Ber
ge sunder alle argelyst In Orkunde der waerheit alle punten
alls voirscr. stede vast voir uns ende unsse erffgenamen tho holden heb
be wy Johan Rabbersmck sakewolder ende Johan Vrylinck, Roleff
Ubbynck ende Roleff Nyenhuysinck waerborgen voirscr. ge
beden den vroman Gherd Stuven Schuiten tho Empne
dessen breeff voir ende over ons ende onsse erffgenamen to bezegelende
Weelker ick Gherd Schulte voirscr. bekenne my gheerne daer
to hebben ende hebbe myn segell wytlyken beneden an dessen breeff
gehangen Ghegeven int jaer ons heren dusent vyffhundert
ende vyfftene up onsser liever vrouwen Avent Annuncitionis
gloriose virginis Marie.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	1
Fol.nr.	fol. 081r
Regestnr.	169
Jaar	1515
Datumcode	vAnnMar

x

x