Johannes Gelmuiden, abt en prelaat van Lidlum en generaal-visitator van de premonstratenzer kloosters in de Nederlanden van Sassen, en Henricus Kessel, abt en prelaat van Doekum als vader-abt van het convent te Barte in Ohestfryslandt, verklaren dat zij de in de Ommelanden gelegen goederen van het opgeheven klooster Barte incorporeren bij het convent te Schildwolde; dat zij Nicolaus Gelmuiden, abt en prelaat van Oldencloester in de Marna, opdragen om Schilwolde in het bezit van genoemde goederen te stellen, verder vragen zij luitenant en hoofdmannen het convent van Schildwolde bij te staan.

Johannes Gelmuidenn Abbet unde prelath des Godes huyss tho Lidlum in Westfryslandt ende generall visita-
tor vann derm Conventenn Ordinis Praemonstratensium in den Nederlanden vann Sassenn gelegenn ende Henri-
cus Kessel Abbet und Praelath des Godts huyss ende Convents Sancti Bonifacij voergemelten ordens binnen
der Stadt Dockum alss Pater Abbas des Godts huiss ende Convents tho Barte in Ohestfryslandt gele-
genn dohenn kundt unde bekennenn mitz ende in krafft van desenn Nadem unsen unde ydermennichlicken
kentlick ende bewust is dat de Gravenn und Herenn tho Osthfrijlandt het verscr. Convent vann Barte
gelyck alle andere Godts huyserenn in hoerenn gebiede meestdeels gebloetet, verwoestet ende denn Religi-
osenn hin und her noch swindende alle hoere dienstenn in der kerckenn tho dohenn verbodenn hebbenn, und
noch verbedenn Und dat derwegenn itlicke desselvigenn Convents kinderen ende Religiose Jufferenn doer
Iver unde de leeffte tot Godt ende de Religie gedrunghenn sinnenn hoer Convent vann Barte te verla-
tenn, ende sick in denn Umlandenn van Groenninghen tho Schilwolde alss dat naeste des verscr. Ordenns
Conventh under de protectie und bescharmungh der Co. Ma. tho Hispanien unser aller Gnedich-
stenn Herenn tho begeven ende hoere landenn ende guiderenn in denn verscr. Umalndenn gelegen aldaer intho bren-
ghenn, tho transporterenn ende over to geven up dat se darvann underholt hebbenn, Godt denn herenn de
nenn unde den armenn mitdeylenn moegenn So isth dat wy na regell und statutenn unser ordenn des
Comraissie, last ende bevell hebbende, dar voer te seenn dat alsulcke geestlicke ennde gemortificeerde gui-
der nyet veralieneert, verfremdet ende ad illicitos usus gekeert werdenn, mit raedt Rechtes erfarene de ge-
legentheit deser sakenn erwegenn ende desmen darin behoert ghe...su.ereert hebbenn, ende voer guidt ennde
billick angeseen dat de verscr. Conventualenn ende Religiose Jufferenn who voer verhaelt mit h..re guideren
verto^enn und Bick wederum begeven hebbenn. Approberenn derhalvenn, ratificerenn ende holdenn vann
weerdenn ende in der macht allent wat se hyrin tot vorderungh der Religionn gedaenn. Ende in krafft
vann dienn incorporerenn ende bekrefftigenn wij voer onsa unsen nakomelinghenn Abtenn Praelatenn unde
visitatorenn in denn Convente van Schildwolde verscr. alle sodane landenn ende guiderenn alss se in den verscr.
Umlanden under Cor Ma s gebede gelegenn hebbenn, ende mit ingebracht, so dat deselvenn by ende
in meergedachten Convente van Schilwolde ende hoerenn successorenn soellenn blyven, hoere eygenen
arven und guiderenn gelyck tot alimentatie ende underholt der verscr. Jufferenn ende Convents kinderenn
vann Barth de nu tho Schilwolde sinnen ende der verscr. orsakenn halvenn dar noch komenn ende sick
begeven moegenn, Ordinerende vorts mede denn werdigenn und wallgeleertenn herenn Nicolaum Gel-
muidenn Abbet und praelath tho Olden Cloester in de Marna um in unsen namenn unde van unsent
wegenn denn verscr, Convente vann Schilwolde mit flyte dienstich -und behulpelich tho synn ende tho vervorde
renn, dat se de verscr. landenn ende [...]derenn moegenn genetenn, ende darvann in de possession gestellt worden
Ende biddenn oethmoedich denn [...] [...]nn Gestrenghen Ernvhestenn und Hochwysenn Herenn Lieutenant
unde Hoevetmannen sampt andere Oeverheit vann wegenn Co Ma se in deser rechtverdiger
sakenn denn Convente vann Schilwolde assistentie dohenn und vorderlick synn wollenn, so idt rechts we-
genn eget unde behoert. Sunder argelist Dat orkundenn wy Abbatenn und praelatenn up-gemelt mit
unse handenn, unde Conventes zegelenn an dessen breeff gehanghenn ende Gegeven inn Jare unses He-
ren und salichmakers Jesu Christi dusent vyffhundert sess unde tsoeventich den dartichstenn dach Ja-
nuarij.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	201
Regestnr.	1119
Olim	Losse kloosterstukken, inv.nr. 20, reg. 114. Reg. Feith 1576.82.
Jaar	1576
Datumcode	3001

x

x

x

Commentaar	Met de zegels en handtekeningen van Johannes Gelmuiden en Henricus Kessel

x

Materiaal	perkament