Focko Gaukes en Ludolphus Mersema verklaren dat zij een landruil tot stand gebracht hebben tussen Gerhardus Zandis, proost van Kuesemer, en Boyke Luppema, waarbij de eerste zal krijgen het aandeel van Boyke en zijn broer Sywert in het Roekessemameer in de Wijck te Oldekercke met het recht van overpad over hun landerijen, en de tweede zal krijgen twee grazen land in een venne en een vierendeel land ten noorden van de Heerweg.

Wy Ffocko Gaukes ende Ludolphus Mersema bekennen ende betuegen myt dessen openen brieve woe
wy hebben gemaeket verlyket ende uutgesproeken tuschen den Erwerdigenn heren Gerhardus
Zandis provest toe Kuesemer Convente eens ende Boyke Luppema anderdesdeels Soe dat up
ons van oer beydenn enckels stede vaste ende onverbroekenn toe holden is begheven beroeren-
de water ende landewyssel in fformen naebescreven Inden eerstenn sal die provest van
Boykenn vorscr. hebbenn ende beholdenn voer syn Convente ende oeren naekoemelingen in en
ewych wyssell voer Soedaene naebescreven landen Boykens anpart meers myt Sywert
syn breeders anpart soe sie dat tsaemen liggende hebbenn in Roekessema meer in die
Wyck toe Oldekercke myt en vrye up tochte up oer landenn als sie daer vyschen welck
vorscr. Sywerdes anpart Boyke vorscr. den vorscr. provest ende Convente sal vry leveren
ende waeren myt dat syn voer em ende synen arffgenaemen voer alle anspraeke int ewych
hyr weder en tegens sal Boyke vorscr. hebbenn ende beholden voer em ende synen arffgenaemen
van den vorscr. provest ende Convente in en ewych wederwyssel Inden eerstenn twe grae-
se landes gelegenn in en ffenne by Westerzyt lohan Bloets hues by zuedersyt den Heerwech
daer die watersloet naest ter zwetten licht up die westerzyt ende her Ffrederick praeben-
daet toe Oldekercke up die oesterzyt Noch en stucke landes omtrent en verndel soe lut-
tick ende groet dat licht by noerderzijt den Heerwech daer Boyke vorscr. sulffs naest ter
zwetten licht up die westerzyt ende noerdereynde ende ick Pfocko Gaukes vorscr. up die
oestersyt. Oeck dat vry ende veerdich leveren ende waeren als Boyke vorscr. sal doen int
ewich sunder argelist. In oerkunde der waerheit Soe hebbenn wy Ffocko ende Ludolphus
vorscr. gebedenn den Ersamenn Abel Harkema toe Nyekercke dessen brieff edder uutspraeke voer
ons wyllenn besegelen, Des ick Abel vorscr. alsoe hebbe gedaenn ende myn Segel om oers verscr. bede
wylle an dessenn brieff gehangenn Daer ick by an ende over tuegesluyden der Segelacienn
hebbe geroepenn her Egbert toe Oldekercke ende Sicko Hayema Inden laer ons heren XTT een-
endedartich Des Saterdaeges voer den Soendach Cantate

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	209
Regestnr.	1030
Olim	Losse kloosterstukken, inv.nr. 26, reg. 107. Reg. Feith 1531.3.
Jaar	1531
Datumcode	SaCantat

x

x

Commentaar	Met het zegel van Abel Harkema

x

Materiaal	perkament