Meyt Bunnema, grietman in het Oesterdeel van Vredewolt, doet uitspraak in het geschil tussen Gheert, proost te Kuesemer, en Johan Crabbe over het veen van Ponkemaheerd, dat volgens laatstgenoemde ten onrechte gebruikt wordt door de proost, omdat de oorspronkelijke eigenaren Paebe en Elska, Wysso en Reyne niet gerechtigd waren het veen aan de proost te verkopen - het was immers verpand aan Hyllo Hayens die zijn recht heeft overgedragen aan Johan Crabbe - waarbij de proost en het convent van Kusemer in de eigendom van het omstreden veen bevestigd worden.

In der schelinge tuschen dem Erwerdigen heren Gheert provest toe Kuesemer van wegen sinre Convente eens ende Johan Crabbe anderdeels Ten eersten clagede Johan up den erwerdigen provest vorscr. omme soedanige ffeen als toe Poukema
heert hoert ende gelegen is dat die provest ende syn Convente nu bruekende synt hoepet ende meent het den provest men verset were die Roede voer ses aerns gulden noch hyr boeven hoepet Johan voerscr. dat Paebe Elska syne huusfrouwe Wysso ende
ende (sic) Reyna syn huusfrouwe dat ffeen nyet sullen moegen verkoepen offte vergheven want het Hyllen Hayens toe onderpande stunt hues hoff lant sant ffeenlant Roglant soe Poukema heert gelegen was welck Hyllo johan Crabben vorscr. voert vercoft
hevet nae inholt die brieven daer van synt sprekende oeck die brieve lueden solden weert saeke dattet goet ende lant toe koep solde wesenn soe solde Hyllo vorscr. die naeste daer roe wesen unde daer boeven Hyllo voirscr. Johan Crabbe dat soe vercoft hevet
by wylle Paebe Elske Wysso ende Reyne vorscr. ende Johan daer nye besegelde brieve van gegeven in allen als Hyllen brieven vermelden Noch hyr en boeven desse vorscr. persoenen Johan Crabben den egendoem vercoft hebben van hues hoff lant sant ende ffeenlant
ende al dat ghene dat men noch bevragen kan dat toe den vorscr. Poukema heert gehoert hevet myt Hebelen acker myt syn toebehoert ende konde die provest vorscr. by brengen dat daer gelt up gedaen were soldmen em guetlyck weder
gheven want hie hoepet syne brieve die oldeste synt Ende oeck hoepede Johan des Conventes brieve geenre weerden sullen wesen Angesien oer egen Conventes man ende priester die brieve besegelt heft ende gheen grietmans noch lantSegel
en is. Daer die erwerdige provest ende syn convente kortlycken weder up antworden. Ten eersten die provest ende syn convente dat ffeen gecoft hebben van swarte Allert doe in Nyeberth woennachtich ende rustlyck ende
vredelyck gebrueket ende beseten boeven vyffteyn iaeren Ende oeck Iohan sick daer in verdacht hadde want Iohan dat boulant solde menen welck die provest vorscr. sick nyet onderwynt. Oeck Paebe int selve convent is gestorven
unde dat Convent myt brieve ende Segel bewysset hevet Oeck meer myt notarius hant ende daer toe myt twe tuegen hie dat vorscr. Convente tselve ffeen vercoft hevet ende tot synen wyllen wal betaelt is myt syne huusfrouwe Elske
vorscr. daer toe her Wylhem die brieve nicht besegelt heft als doe een Convents kynt meer doe als en pastoer int Nyeberth dat dorch bede wylle Paeben ende Elsken vorscr. Oeck wal dusent brieve in Vrieslant van lant ende sant
roerende synt die geen grietmans Segel hebben ende allike wal bindich synt. Hyromme dem provest myt syn Convente Johans claege nicht hynderlyck sal wesen unde syne brieve inder macht sullen hoeren ende die provest myt
syne Convente em holdenn in vrye besyt als vorscr.. Hyr up hebbe ick grietman oer den enen den anderen ende den darden rechtdach gelecht en ytlick up syn beste bewijs. Up welcke Rechtdaegen voerscr. die erwer
dige provest voer Rechte hevet gebracht enen besegelden koepbrieff inholdende woe Paebe Wyssema ende Elske syn echte huusfrouwe voer oer ende oeren arffgenamen vercoft hebben Allert Claessoen Engelen syn huusfrouwe ende oeren
arffgenamen ses Roede landes in Poukema heert anghaende noert van den Slachte zuedwert in die landtscheydinge daer by gelandet doe weren Pape ende Elske up die Oester ende Allert vorscr. selve up die wester syden etc. Allert
Engele offte oeren arffgenamen oeren vryen wylle daer mede toe doene gheestlyck offte warlyck persoenen Beoerkundet unde besegelt vanden ersamen heren Wylhem doe int Nyeberth pastoer myt noethattigen tuegen als
Stenne Yelkema ende Ede Yelkema acta in den iaere van elven des donderdaeges voer vastelavent. Noch hevet die provest voer Recht gebracht enen besegelden koepbrief Inholdende woe Yko gharmersoen he-
vet voer em ende synen arffgenamen (in marge: vercoft Allert Claessoen Engele syn huusfrou ende oeren arffgenamen) al syn ffeen hie doe liggende had by Elske Wysema anghaende by Elsken ffeen tot Reyt Ffroukema ffeen soe veer Reyt doe graven hadde tot ewygen daegen myt ene vrie uutmen
ninge etc. Beoerkundet ende besegelt vanden ersamen heren Wylhem doe in Nyeberth pastoer ende wert bevestiget myt noethachtigen tuegen als Emo Yeltatema Eno Hemmens ende Menno Sickema
In den iaere van elven smaendaeges voer meye. Oeck hevet die provest noch voer rechte gebracht enen besegelden brieff Inholdende woe Allert Claessoen ende Enghele syn huusfrouwe vercoft hebben
voer oer ende oeren arffgenaemen dem Erwerdigen provest ende syn Convente vorscr. al dyt ffeen voergenoemt daer desse vorscr. twe brieven van luedende synt ende sprekende myt al heerlickheyde ende so-
lempniteten gelyck vorscr. ende wattet lant beter is dan die provest Allert vorscr. daer voer gegeven hevet dat hebben Allert ende Enghele den provest ende Convente gegeven toe ene memorie oerer olderen zie-
len etc. Beoerkundet ende besegelt vanden ersamen heren Wylhem doe pastoer int Nyeberth myt bevestinge der tuegen als Emo Yeltatema ende Wessel Schoemaeker Inden iaere van darteyne vridae
ges nae Gereonis et Victoris martirum. Daer toe hevet die provest vorscr. noch enen besegeldenn brieff voer rechte gebracht. Inholdende woe pabe Wysema ende Elska echtelueden voer oer ende oeren arffgenamen den
provest ende syne Convente vorscr. noch vercoft hebben drie Roeden landes liggende in oer lant up die Oester syde ewelyck ende arfflick daer die provest myt syn Convente sulffs by gelandet synt up die Westerzyt
unde Paebe ende Elska sulffs up die Oesterzyt dem provest ende syne Convente dyt vorscr. lant vry leveren unde waeren voer al anspraeke. Beoerkundet ende besegelt vanden ersamen heer Wylhem doe pastoer in
Nyeberth daer by toe tuege synt geroepen unde gebeden heer Aernt Peters capellaen toe Oldekercke publicus notarius heer Fferderick vicarius toe Oldekercke heer Gheert van Borcken vicarius to Suthor-
rum ende mester Harmen van Warendorp. Inden iaere van twyntich sdonderdaeges voer paesche achten. Noch hevet de provest vorscr. voer Rechte gebracht enen besegelden brieff inholdende woe Pabe
Wysema ende Elska syn huusfrouwe noch vercoft hebben voer oer ende oeren arffgenaemen den provest ende syn convente vorscr. twe Roeden landes liggen in oer heert landes daer die provest ende syn convente sulffs by gelandet
synt up die Wester ende Paebe ende Elska vorscr. sulffs up die oestersyden dem provest vorscr. unde syn Convente oeren vryen wyllen daer mede toe doene. Geoerkundet ende besegelt vanden ersa,men heren Wylhem
doe pastoer in Nyeberth Tuege daer by an ende over synt gewest alse Ludolphus Mersema ende Menthie Johans Scroers huusfrouwe Inden iaere van Seventeyn sdynxdaeges voer Ambrosy Episcopi
et confessoris. Oeck hevet die provest vorscr. noch voer Recht gebracht enen besegelden brieff inholdende woe Paebe Wysema ende Elska syn echte huusfrouwe vercoft hebben voer oer ende oeren arffgenamen
dem provest ende syne Convente vorscr. enen ackerlandes gehieten Hebbelen acker den Paeben vorscr. an gearvet is van Sybbelen saliger gedachten syn Nychte gelegen up Oesterzyt Poukemalant daer
Bocko Hylkens up die Oesterzyt naest by gelandet is up ende uut anghaende noert vanden Maetsloet suedwert streckende an die lantscheydinge myt fenne ende ffeen als die doe gelegen was mytten
vachten (sic) vry ende veerdich den acker voerscr. weder in toe lossen doe nae datum over ses jaeren altyt toe vryemarcket. Beoerkundet ende besegelt van heren Wylhem pastoer in Nyeberth Tuege der segelacie
als Beernt Ghieltes ende Focko Peters Inden iaere vier ende twyntich sdynxdaeges nae Dyonisy episcopi et martiris. Noch hyr en boeven hevet die provest vorscr. voer Rechte gebracht enen besegelden koepbrief
inholdende woe Pabe Wysema ende Elska syn huusfrouwe noch hebben vercoft voer oer ende oeren arffgenamen dem Convente van Kuesemer twe roede ffeens angaende van dat ffeen ende gelegen naest by die oesterzijt
des Conventes feen. Beoerkundet ende besegelt vanden ersamen heren Johan Hopper pastoer int Oldeberth Tuege des segels Johan Scroer ende Hyncko van Nyenhuese up daege Theodori Martiris
Anno etc. drie ende twyntich Up welcke brieven vorscr. Johan crabbe vorscr. gestraft hevet. Ten eersten hie hoepet ende meent hie Older Setbrieven ende Renthebrieven sal hebbenn dan die
provest ende syne Convente vorscr. Soe Hyllo Hayens em die vercoft hevet Oeck syn selves Rentebrief vormeldet ende syn koepbrieff hie den egendoem van Elske Wysso ende Reyne syn huusfrouwe gecoft
hevet myt al tghene men noch bevraegenn kan dat toe den vorscr. heert hoert hevet. Oeck in Hylcke fforworden gheen bedroch sal wesen want Wysso ende Reyne vorscr. den helffte landes in Hylcke fforworden
over gegeven were ende Wysso ende Reyne vorscr. nyet in des Conventes brieve belyet offte consent gegeven hebben. Ten anderenn Elske Wysso ende Reyne vorscr. noch gesecht solden hebben alt lant die provest
daer hevet men Settema solde wesen die roede voer ses aernsgulden ende doch behaelde koep solde wesen want sie boeven den helffte becoft solden wesen doch nae verbunde Stadt ende lande gheen behael koep
sal wesenn. ten dardenn oer eghen Conventes man die breven besegelt solde hebbenn ende die provest vorscr. Johan copien gesant solde hebben welck contraerie den principael soldenn wesen. oeck dyt lant
syn recht nicht were geschien nyet upgeboeden nae vermeldinge onse lantrechte

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	208
Regestnr.	1029
Olim	Losse kloosterstukken, inv.nr. 25, reg. 106. Reg. Feith 1528.32.
Jaar	1531
Datumcode	JpValent

x

x

Commentaar	Met het zegel van Vredewold

x

Materiaal	perkament