Johan Renghers van den Poste, ridder en heer te Schermar, en Agneza Renghers van Laere, vrouwe te Schermar, verklaren met toestemming van hun kinderen Dethmar Renghers, Eylke Onsta voor hun dochter Ode, Melchior, Johan en Jasper Renghers en van de eigenerfden van Schermar te hebben overgedragen aan de orde van het H. Kruis de kerspelkerk te Schermar en de kapel te Lutteke Harckstede met de "wemen", kosterijen en vicarieen, alsmede landen ten behoeve van een klooster ter ere van het H. Kruis en S. Helena.

In den Namen godes und der Werdigher hilligher drewoldicheit umme des almechtighen godes eer und deenste toe vorbreden bekennen und betughen Wy Johan Renghers
van den Poste Ritter Here toe Schermar unde Agneza Renghers van Laere vrouwe toe Schermar echte lude myt doseen openen breve vor onss und voer onssen erffgenamen dat wy myt
willen und myt gueden vorbedachten mode unde Consente onsser kinderen Dethmar Renghers Eylke Onste Ode syn huisfrouwe onsse dochter Melchior Johan Jaspar Renghers onsse sones
Unde der eghen Erverder buren toe Schermar In de ere des werdighen hillighen Cruces onsse kerspelkercke to Schermar tot onsser aller zaligheit vor onss vor onsse Olderen unde vor onsse
nakomelinge gegunt overgegheven und to gesta... der werder Orden des hilligen Cruces onsse kerspelkercke to Schermar und Capelle to Lutteke Harckstede myt den wedemen
Costerien und Vicarien myt all eren lande holte hoylan.. venen wu und wair de gelegen mogen wesen Dair to geven wy der Selffter Orden und Crucebroderen van onssen properliken
guden twe weren landes als wy gekofft hebben ...amens und van Hyben synen sone und van Ludeken Remkens de by enen gelegen syn int nortwest van der kercken
toe Schermar tusschen der kercken lande und onsser ... to Schermar dat wy nu sulves bruken beholdelick onss und onssen erffgenamen unde nakomelingen den kerckpat de
daer doergeit und voirt dor der hilligen landt to den kerc.... ic toe als de affgegraven is und bepotet vry und verdich erffliken toe bruken Dair to hebben wy hem noch gegeven
ene were landes int Zuitoest van der kercken lande vorscr. ....chan Huls nu up wonet myt den huse und myt all synen tobehore Dair to geven wy hem onsse Erve dat Hinrick Meyners
bruket soe groit als dat is gelegen an den lande dat Johan vorscr. bruket an Mencke Oemckens lande mytten boulande vene Hoylande unde Reydtlande van boven to den Ee toe
Dair to noch een werlandes in dat gaerlandt an der hillig.. ..erlandt gelegen dat Ic van saligen heren Eden hadde toe vollest ener vicarien toe Schermar to maken mytten huse hoffsteden
unde gairden dat Johan Kanerlinck bruket Mede ge...en onsse wyndemole by Schermar gelegen to setten by hem na eren willen myt worworden dat wy und onsse erffge
namen van der molen vorscr. up onsse ke... to Scherm.. malen sollen hebben Des sul wy em gunnen de stede vry to bruken dair de moele nu up steet ter tyt dat se de moele
myt gaeden mogen versetten Und ...nnet in toll .... den de moelen affstaen willen und onss wederovergeven soe mogen Convent vorscr. doch vry dair up malen laeten
Off oec dat Convent vorscr. de mole bek... willen soe ... wy off onsse nakomelingen off yummant anders dair nyne ander moelen setten den Convent to onwillen und toe scaeden
All dyt vorscr. guet sal komen wesen .... blyven ene Cloister .... ffunderen in de Ere des Werden hilligen Cruces und der hilligen keyserynnen Sancte Helenen und der Olden Patronen
der selver kercken und er Olden ... choven und Sancte Annen und Trium magorum Sanctorum Quiriaci et Iheronimi und Sancti Anthonij Sanctorum Gregorij und Joseph
Sanctorum undecim milium virginum ....d Saterd.... vor den dat de werdige mester und Prior Generalis dosser werdiger Orden vorscr. sall onss vogen und setten und nomen
een Erbar Ghestlick Cloister Welk ...or sall to de ... trouwe upseen hebben und to verwaren myt guden personen to der Eren godes alst behorlick is. Unde de prior toe Schermar
sall al dair altoes kerckhere wesen .... und de kerspelslu... also bewarn und bewaren laten als een guet kerckhere schuldich is to done in den leven und in den dode unde den kerspelluden
nicht vorder noch hoger to besig.... dan de karckhere plach to done na gewooente des kerspels Des sollen wy mitten kerspelluden hon wedergeven und doen myt offer myt lyden
und myt denste und anders in ... daede als gewontlick is Men dat kerspel sall vry wesen van der wedemen van den hilligen husen offte nye tymmere dat de
heren wolden tymmeren yenige hu... to done dan wat ellick myt gueden willen in godes ere wille doen omme bede wille behalven to der kercken und Clocktorn sollensse doen myt arbeide
als gewontlick is de staende helpen toe holden und to verbeteren. Hyr is to uthgesproken dat de heren van desser steden gheenreleye guet vorgenomet sollen vortijen vermynren
offte vervroemden yn yenigerwu...ten were in mitter butinge meer altyt verbeteren na erer macht bynamen Clocken Kelcken und holt Velt oec in yenigen tyden welck god ver
bede dat den heren vorscr. desse stede alse onnutte bevelle dat de neet solde denen tot enen Cloister. Soe sollen se de selve stede myt all dat se dair ontfangen hebbe und all dat se dar mochten
up getymmert hebben uns und unssen kerspell vry und werdich myt sodane beschine van der Orden als onss noit mach wesen weder overgheven Up dat dan dosse gude heren dyt
werck de bet ter eren godes mogen willen brenghen soe hebben wy Johan Ritter und Agneza vrouwe echtelude vorscr. hem gelovet toe vorsein und to helpen dat erste yare mitter
kost up dat selve dat hem ontbreken mochte van der kercken. Noch hebben wy hem gelovet van horen holte unde reesscappe enen torn up de kercke laten tymmeren buten horen scaden
Voert hebben wy hem gegunt und togestaen sodane visscherie als wy hebben in der tyt up Laeremeer up Sappenmeer in Westerbruecker hammericke und in Luttike Harcksteder
meren mit unss to bevisschen. Und weer dat zake ... niet mede vyssceden soe sullen se nochtant mogen visschen uns dan mede toe bedenckene na eres selves willen Des
ghunnen wy em oec onsse wateringe unde schipsloet ant h... hoff mede to brukene ter tyt dat se selven enen schypsloet dor eer selves landt graven. In Orkonde der waerheit aller
puncten vorscr. unde vestenissen desser ffundacien unde gaven ... hebben wy Johan Renghers Ritter vorscr. und Neze vrouwe vorscr. vor onss und onsse kinderen und all onsse Ervent unde
EINDE TWEEDE BLAD

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	210
Regestnr.	775
Olim	Losse kloosterstukken, inv.nr. 27, reg. 55. Reg. Feith 1489.23.
Jaar	1489
Datumcode	Matthe

x

x

x

Commentaar	Met de zegels van Dethmar Renghers van den Poste en Egbert Renghers van den Poste; de zegels van Johan Renghers van den Poste, Eylke Onsta en Ffocke Renghers van den Poste zijn verloren

x

Materiaal	perkament