Proost Mathias, priores Margareta en de gemene conventualen van Gracia Sunte Marie ther Schildwolde geven vidimus van een akte van 1458 oktober 20.

Wy broeder Mathias Provest, suster Margareta Priorissa
und vort ghemenen Conventualen des Cloesters in gracia Sancte
Marie thoe Schilwolde Premonstreten orden bekennen ende be-
tuigen vermits dessen openen breve voer ons und alle onse
nacomelingen, dat wandags die Ersame broeder Eggardus
Provest onses convents vors. dor Godt genade, und ghemene
Convente dair selves by consente onser eerwerden Prelaten Abtes
van Premonstreten, und syner mede voerstander Abten des generael
capittels, und oick by guetduncken consente und willen des
Eerweerdigen heren Tymanni Abbet ter tydt toe Wittewierum, de
commissarius over desse saeke gesat was, und visitator ons
Conventen vors. omme kentlicke noet thoe stoppen, und omme
orber onses Convents voirs. hevet verkoft nae inholt der scrif-
ten dar up gemaeckt ene voerwoestede stede ofte erve gehieten
Apel in Westerwolde, van welcken erve onse Convente voirs. geen
profit off nutticheit in menschen leven gecomen en was,
noch oock hope was daer aff vordel toe krigen, eenen eer-
baren priester Heren Jacob Wiltinck geheten, den God genade,
die dat voert mitte sinen guede und hulpe gueder korten hevet
gebrocht an den orden des hilligen cruces, welcker vors. kopes
\regelnr 1; bewijs und breve mit mer cleynoden und gueden op deselve stede
Apel in der capelle und slaephuse leyder verbrant sint van
welcken koepe nochtans waerachtige copien und scriften onser
hant notarii publici off beholden sint waer uth coepes breves
gemaket nae wyse nae bescreven geludet hebben: [---]

[VOLGT kla0387+]

[---] Want dan onse Provest, Priorissa und Convent vors. alle puncten
des breves vors. kentlick sint, und die geistlicke luden op der
steden Apel vors. woenschtich in geen tyden ygen van ons oft
jemande van onser wegen eder onse naecoemelingen ansprake
tho lyden oft bedrogen te worden, soe hevet de Ersame geeste-
licke broder Henrick van den Berge Prior, und Convente toe
Apel orden des hilligen cruces omme quaet thoe vermyden,
und alle recht toe stercken, begert die breve, nae den waer-
achtigen copien toe vernijen. Angemerckt dan dat vermytd des
breves die waerheit des kopes nicht breken en sal, soe hebben
wy broeder Mathias provest, Suster Margaretha Priorissa,
und vort gemene conventualen vors. vor ons und alle onse
naecomelingen sodanen koep und verdrach nae allen inholde
des vorgescreven verdragen und breves gelovet stede vast und
onverbroecken to eweigen tyden toe holden,utgesproeken dat
Prior und Convent van Apell vors. und oiren naecoemelingen
sullen thoe ewigen tyden ons und onse nakomelingen ver-
laten van ansprake und betalinge der X olde vleemschen
die sie hevet den Bouren van Werdinge in Drenthe, alle jar op
meydach, de dat Convent toe Apel betalen sal und onse Conven
vry ledich und loes van wesen sal, und hebben gebeden den
Erwerdig geestlicken heren Tymannum Abbet thoe Wittewi-
rum dessen briefff mit ons thoe besegelen, dat ick frater
Tymannus gekoren Abbet vors. want my alle puncten vors.
kondich sint gerne omme beden willen beyder parttigen
gedaen hebben. Orkunde mynes segels an dessen brieff gehan-
gen, und wy broeder Mathias Provest, Suster Margaretha
Priorissa und gemener Convente toe Schiltwolde vors. hebben
segele onses amptes und Conventes in ein tuich der waer-
heit aller punten vors. by segel des Erwerdigen Abtes van
Wittewirum vors. voer ons ende alle onse nacomeling witlicken
an dessen brieff gehangen Datum anno Domini millesimo
quadringentesimo septuagesimo sexto, Petri ad Cathedram.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	206
Regestnr.	598
Olim	Reg. Feith 1458.20 en 1476.34.
Jaar	1476
Datumcode	CatPet

x

x

x

Materiaal	papier