Ubbo, commandeur, Bertold, prior, Remmeko, keldermeester, Liuppo, hofmeester te Wijtwerd, heer Haert, Poppo, keldermeester, Frederich, hofmeester te Ernstheem, heer Elteck, Hayko, hofmeester te Maarhuizen, en de commanderij te Wijtwerd nemen in hun klooster op Aldert Hayensone uit Ranum, zijn vrouw Ebele en de zoon van Ebele.

Wy broder Ubbo Commendur her Bertold prior broder Remmeko kelner broder Luippo hoffmester to Wytwerth her Haert broeder Poppo
kelner broder Frederich hoffmester to Ernstahem her Eltek broder Hayko hoffmaster to Marrahusum Ende de meyne conventes lude to
Wytwerth doen kundich ende oepenbaer allen luden de dessen breef zyen off hoern lesen Dat wy hebben an ghenoemen in onsen orden to
Wytwerth Aldert Hayen sone to Ranum ende Ebelen siin wyff ende Ebelen hoer sone in maner als hiir na ghescreven staet Int dat eerste
dat se sullen hebben eten ende drincken ende alle conventes recht lut anders broders ende sullen gheen conventes werk doen mer Ebele doet
se ghen conventes spinnen so en sal se gheen reyl of doeec hebben van den convent Voert meer so sullen de conventes lude Ebelen hoeren
sone to scole holden ende leren laten ende een preester werden laten buten Alderdes ende Ebelen schaden Item so sullen Aldard ende Ebelen
hebben elk enen sunderlinghe kamer by hem self Des hebben Aldert ende Ebele ghegeven gode ende sunte Johannes ende den convent to
Wytwerth hoer hus ende hoer heem myt al syn to bihoer ende al hoer lant by halven teyn juke landes Item de dre juc landes inde Hemhellen
bider norder syde Item twe juc in de horna ende eyn in de nya fallich ende veer juc in Sippa fenne bider norder side Ende de vorsc. teyn juc
landes de moghen Alderd ende Ebele ende hoer sone bruken also langhe als se leven erven up mal andren ende de leste up den Convent
Hiir hebben an ende over wezen Lyuppa ende Tyart wedmans to Ranum wedmans wysa to gheroepen ende ghebeden In een tuch
der warheyd so hebben wy broder Ubba commendur broder Remmeko kelner ende de meyne conventes lude onse conventes seghel an dessen
breef ghehanghen Gheven int jaer ons heren M^o.CCCC^o. ende dertich up sunte Gregorius dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	244
Regestnr.	136
Olim	Arch. Klooster Wijtwerd, inv.nr. 12, reg. 54. Reg. Feith 1430.12.
Jaar	1430
Datumcode	Gregor

x

x

Commentaar	Met het conventszegel

x

Materiaal	perkament