| Nummer:kfh260 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0039, reg. 260 |
Wij Borgemesteren ende Raedt der stadt Groeninghen
bekennen ende betuigen mit ende in dessen onsen openen
breve dat wij voer ons ende onse nacomelinge hebben
vorpachtet ende in ende mit dessen unsen openen breve
vorpachten den werdigen ende geestlicken heren
Goesen van Halen Pater ende den gemenen broderen
des fraterhuises achter sunte Walburge kercke in
unser stadt ende hoeren naecomelingen den wall buten
ende an unser stadtmuere int Oesten achter sunte
Meertens scjole gelegen beginnende suedewaert
an dat Nije huus dat de sulve Pater ende brodrenn
in korten Jaeren vorleden bij unsen consent ende
willen op den sulven wall hebben angelacht strecken
de Noertwertt an dat hoeveken dat bij dat som
merhuisken dat salige Eilbert Jarges daer ge
timmert hevet recht achter Sunte Walburge kercke
bueten onser stadt muere is gelegen so de sulve
Pater ende broderen dat nu bevreden ende beschuetten
soelen streckende Oestwartt an unse stadt grafft
westwert an unse stadt muere tachtentich jaeren
lanck na datum desse brieves naestvolgende sunder
opsegghen also dat desulve Pater ende broederen vorscr.
op den sulven wall moegen timmeren ende Poeten
ende anders in enige manier oerbaeren tott hoeren
noettrufft ende guet gevallen Oick moigen sie
timmeren an onsen Stadtmuere na des rades
ontkenninge so hem dat best denen sall tott
onderholdinge onser borgeren ende inwoneren ende ander
gueden luiden van bueten kinderen de by hem ont
holden worden voor Twee hundert enckede golden
overlantsche rinsche gulden min Vier guet van
golde ende valuatien ende schwaer genoech van
gewichte de wij bekennen dat uns tott onser
stadt behoeff vull ende wall vanden selven
Pater ende broders vorscr. sint voernoeget ende betaelt
ihn Eisen Jarges handen den wij vander selver unsen
stadt weghe die schuldich weren so die sulve Eise
dat voer ons becande beholden dat offte de Pater
ende broederen vorscr. op den vorscr. wall timmerende
worden enige huisen soelen sie de Vensteren mit
yseren trailien maken ende die doren bevesten tott
onser ontkenninge hier is mede inbevorwordet ende
den Pater ende broderen voirsc. toegesacht ende gelovet
dat tendes de tachtentich jaeren voirscr. offte in
enige tho komende tiden wij borgermeistere ende Raedt
voirscr. offte onse nacomelinge den wall vorscr. niet
weder soelen an ons nemen wij en hebben dan ersten
eer wij den wall vorscr. antasten den Pateren ende bro-
deren offte hoeren nacomelingen vorscr. betalt
ende wall vernoeget Int eerste Twee hondertt min
veer golden Overlantsche rinsche gulden als vorscr.
sint daer tho allent dat daer nu op getimmert
ende gepotet is ende in thokomende tiden getimmert
ende gepotet offte anders vorbetertt sall worden
dat dan staen sall an kenninge Twier guider man-
nen ene van ons offte unsen naecomelingen ende ene van
den Pater ende broderen vorscr. offte hoere nacomelinger
dair tho genomen also wes de twee guide mannen
dan seggen dat dat timmer poeten ende verbeteren
Wortt is dat salmen oick eerst bij de Twehondert
golden rinsche gulden min veer vorscr. opleggen ende
betaeltn ende als dan wolden dan noch de Pater
ende broderen ofte hoere nacomelingen Woirts onse
Borgemeisteren ende Raedt voirscr. offte unse naco-
melingen vor den sulven vorscr. wall geven ende
betalen dat ein ander dan geven will soelen
sie alle tidt de naeste sin voer jemant anders
mit sulcken voirworde oftet oirloch offte Vede
worde ende onse stadt behovede dese voirscr. wall
tho bruicken om der Viande will dat mogen de stadt
vrij onbekroent vruicken dan als de Vede over is
soelent die Pater ende broderen in der tidt tallen tiden
weder mogen bruiken alst vorscr. is Sunder alle
arch ende list hier in tho trecken Ihn Oerkunde der
waeheitt hebben wij onsen stade grote segell witliken
an dessen brieff gehangen Gegeven int Jaer onsses
heren duisent vijffhondert ende twintich op sunte
Pauli bekeringe avent Doe Peter Sickinge, Luloff
Conrades, Roleff Huinghe ende Clauwes Schaffer
borgemesteren weren unss stadt.
Gecollationeert end accordiert By my Popco Everardus secretaris
1-31-78- (oorspr. slecht leesbaar.)
bekennen ende betuigen mit ende in dessen onsen openen
breve dat wij voer ons ende onse nacomelinge hebben
vorpachtet ende in ende mit dessen unsen openen breve
vorpachten den werdigen ende geestlicken heren
Goesen van Halen Pater ende den gemenen broderen
des fraterhuises achter sunte Walburge kercke in
unser stadt ende hoeren naecomelingen den wall buten
ende an unser stadtmuere int Oesten achter sunte
Meertens scjole gelegen beginnende suedewaert
an dat Nije huus dat de sulve Pater ende brodrenn
in korten Jaeren vorleden bij unsen consent ende
willen op den sulven wall hebben angelacht strecken
de Noertwertt an dat hoeveken dat bij dat som
merhuisken dat salige Eilbert Jarges daer ge
timmert hevet recht achter Sunte Walburge kercke
bueten onser stadt muere is gelegen so de sulve
Pater ende broderen dat nu bevreden ende beschuetten
soelen streckende Oestwartt an unse stadt grafft
westwert an unse stadt muere tachtentich jaeren
lanck na datum desse brieves naestvolgende sunder
opsegghen also dat desulve Pater ende broederen vorscr.
op den sulven wall moegen timmeren ende Poeten
ende anders in enige manier oerbaeren tott hoeren
noettrufft ende guet gevallen Oick moigen sie
timmeren an onsen Stadtmuere na des rades
ontkenninge so hem dat best denen sall tott
onderholdinge onser borgeren ende inwoneren ende ander
gueden luiden van bueten kinderen de by hem ont
holden worden voor Twee hundert enckede golden
overlantsche rinsche gulden min Vier guet van
golde ende valuatien ende schwaer genoech van
gewichte de wij bekennen dat uns tott onser
stadt behoeff vull ende wall vanden selven
Pater ende broders vorscr. sint voernoeget ende betaelt
ihn Eisen Jarges handen den wij vander selver unsen
stadt weghe die schuldich weren so die sulve Eise
dat voer ons becande beholden dat offte de Pater
ende broederen vorscr. op den vorscr. wall timmerende
worden enige huisen soelen sie de Vensteren mit
yseren trailien maken ende die doren bevesten tott
onser ontkenninge hier is mede inbevorwordet ende
den Pater ende broderen voirsc. toegesacht ende gelovet
dat tendes de tachtentich jaeren voirscr. offte in
enige tho komende tiden wij borgermeistere ende Raedt
voirscr. offte onse nacomelinge den wall vorscr. niet
weder soelen an ons nemen wij en hebben dan ersten
eer wij den wall vorscr. antasten den Pateren ende bro-
deren offte hoeren nacomelingen vorscr. betalt
ende wall vernoeget Int eerste Twee hondertt min
veer golden Overlantsche rinsche gulden als vorscr.
sint daer tho allent dat daer nu op getimmert
ende gepotet is ende in thokomende tiden getimmert
ende gepotet offte anders vorbetertt sall worden
dat dan staen sall an kenninge Twier guider man-
nen ene van ons offte unsen naecomelingen ende ene van
den Pater ende broderen vorscr. offte hoere nacomelinger
dair tho genomen also wes de twee guide mannen
dan seggen dat dat timmer poeten ende verbeteren
Wortt is dat salmen oick eerst bij de Twehondert
golden rinsche gulden min veer vorscr. opleggen ende
betaeltn ende als dan wolden dan noch de Pater
ende broderen ofte hoere nacomelingen Woirts onse
Borgemeisteren ende Raedt voirscr. offte unse naco-
melingen vor den sulven vorscr. wall geven ende
betalen dat ein ander dan geven will soelen
sie alle tidt de naeste sin voer jemant anders
mit sulcken voirworde oftet oirloch offte Vede
worde ende onse stadt behovede dese voirscr. wall
tho bruicken om der Viande will dat mogen de stadt
vrij onbekroent vruicken dan als de Vede over is
soelent die Pater ende broderen in der tidt tallen tiden
weder mogen bruiken alst vorscr. is Sunder alle
arch ende list hier in tho trecken Ihn Oerkunde der
waeheitt hebben wij onsen stade grote segell witliken
an dessen brieff gehangen Gegeven int Jaer onsses
heren duisent vijffhondert ende twintich op sunte
Pauli bekeringe avent Doe Peter Sickinge, Luloff
Conrades, Roleff Huinghe ende Clauwes Schaffer
borgemesteren weren unss stadt.
Gecollationeert end accordiert By my Popco Everardus secretaris
1-31-78- (oorspr. slecht leesbaar.)
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0039 |
| Regestnr. | 260 |
| Register Feith | 1520.008.1 |
| Jaar | 1520 |
| Datumcode | vConPau |