| Nummer:kfh238 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0118, reg. 238 |
Ick Alte Fukers ende Elys myn echte huusvrouwe, bekennen ende betugen myt dessen openen breve voer ons ende onsen erffgenamen, dat wy by gesunden
lyven, rypen berade ende vryen wylle hebben verkofft upgedragen ende overgegeven, dragen up ende geven over Here Johanne vander Oldekercke
Pater ende Rectoer des clerckhuuses by Sunte Walburgen kercke in Groningen, toe behoeff des selven huuses ende broderen aldaer, ende
oeren nakomelinghen, onser beyder aenpart, van dat derde part van Wemeringhe guet, vry behoelden eyn halff mudde teent roggen
Den heyligen geest Al dyt guet voerscr. myt lande myt sande huusinghe ende hoeven maeden ende weyde lant waer ende schaer toe
hoelte toe vene, toe bussche toe broeke ende myt synen alynghen toebehoer, als dat de meyger van Alten ende Elys voerscr. nu ter tyt
bruket ende pleget toe bruken, nyet uut genomen hebben wy verkoefft ende overgegeven den pater ende broders voerscr. ende oeren
nakomelingen de god in der steden deenende werden, vry ende quyt eweliken ende erffliken, toe bruken toe besitten ende oeren vryen
Wyllen daer mede toe doen. Ende hyr van hefft Claves Lussche om beede wyllen Alten ende Elys voerscr. van all desse gueden
voerscr. den pater ende broderen vorscr, den stock gelecht In den lande van Drenthe nae rechte ende gewoente des landes als wy
Alte ende Elys voerscr. belyen myt desse besegelde breeff. Daer aen ende over hebben geweest als bueren van Peel, Wyllem Tammynghe
Henrick Dyllynghe, Johan Lussche, ende meer gueder mannen genoch. Sunder al argelist. Ende want wy nuu ter tyt selves
gheyn Segel en voeren, soe hebben wy Alte ende Elys vorscr. gebeeden Johannes Papinck Schulte tho Anlo dessen breff over ons tho
besegelen. Ende Ick Johannes Papinck Schult tho Anlo hebbe omme beyder beeden wyllen Alte ende Elys vorscr. dessen breeff
besegelt. Ghegeven inden Jaer ons heren dusent vyfhundert ende drie up Sunte Lucien Avent.
in dorso: littera nostra de Alte Fukers resignatione.
lyven, rypen berade ende vryen wylle hebben verkofft upgedragen ende overgegeven, dragen up ende geven over Here Johanne vander Oldekercke
Pater ende Rectoer des clerckhuuses by Sunte Walburgen kercke in Groningen, toe behoeff des selven huuses ende broderen aldaer, ende
oeren nakomelinghen, onser beyder aenpart, van dat derde part van Wemeringhe guet, vry behoelden eyn halff mudde teent roggen
Den heyligen geest Al dyt guet voerscr. myt lande myt sande huusinghe ende hoeven maeden ende weyde lant waer ende schaer toe
hoelte toe vene, toe bussche toe broeke ende myt synen alynghen toebehoer, als dat de meyger van Alten ende Elys voerscr. nu ter tyt
bruket ende pleget toe bruken, nyet uut genomen hebben wy verkoefft ende overgegeven den pater ende broders voerscr. ende oeren
nakomelingen de god in der steden deenende werden, vry ende quyt eweliken ende erffliken, toe bruken toe besitten ende oeren vryen
Wyllen daer mede toe doen. Ende hyr van hefft Claves Lussche om beede wyllen Alten ende Elys voerscr. van all desse gueden
voerscr. den pater ende broderen vorscr, den stock gelecht In den lande van Drenthe nae rechte ende gewoente des landes als wy
Alte ende Elys voerscr. belyen myt desse besegelde breeff. Daer aen ende over hebben geweest als bueren van Peel, Wyllem Tammynghe
Henrick Dyllynghe, Johan Lussche, ende meer gueder mannen genoch. Sunder al argelist. Ende want wy nuu ter tyt selves
gheyn Segel en voeren, soe hebben wy Alte ende Elys vorscr. gebeeden Johannes Papinck Schulte tho Anlo dessen breff over ons tho
besegelen. Ende Ick Johannes Papinck Schult tho Anlo hebbe omme beyder beeden wyllen Alte ende Elys vorscr. dessen breeff
besegelt. Ghegeven inden Jaer ons heren dusent vyfhundert ende drie up Sunte Lucien Avent.
in dorso: littera nostra de Alte Fukers resignatione.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0118 |
| Regestnr. | 238 |
| Register Feith | 1503.016 |
| Jaar | 1503 |
| Datumcode | vLucie |