| Nummer:kfh166 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0112, reg. 166 |
Wij Otto ter Manzowe borgher in Groningen ende gerharduus Boldewini Guveit to Zuedlaren bekennen ende tughen mit dessen openen breve dat wy
als ghekoren dedinges lude van beyden parten ene stede vaste sone ghemaket hebben tusschen die eerbere personen heren Johan van Munster
pater des clerchuses by sunte Walburge kerke in Groningen ende sinen broderen aldair an die ene zijd ende Everde van Gulick ende siner huysvrou-
wen die eerfgename is to saligen Helprick Wolderingen to Gheten achterlatene guede an die andere sijd In maniren hier nae bescreven
Int eerste sullen die pater ende brodere des clerchuses voirscr. ende oer naecomelinghen holden ende hebben al alsodane venelant mit al sinen toebehoeren als salige Helprick voirscr. liggene hadde inden twen eersten slagen in Gheter marke oestwert over dat dyep, Dair van
liggen elven roden breet ende een verendeel van ener roden inden voirsc. eersten slaghe dair dat cloester van Assen naest by ghelandet is
op die Noert zijd, ende Johan Eppinghe to Gheten op die zuijd zijd, Ende neghen roden breet ligghen inden voirscr. anderen slaghe, dair
dat cloester van Assen voirscr. naest by ghelandet is op die Noert sijd ende een deel vander kerken land to Gheten acht op die zuijd-
sijd. Dit voerscr. veneland mit alle sinen toebehoer droech Evert voirscr. op ende ghaff over voer em ende sine eerfgenamen den pater ende
broeders des clerchuses voerscr. ende oeren nacomelinghen ewelicken ende eerflicken to besitten ende to ghebruken ende oeren vtyen willen
dair mede to done. Hijer en teghens hebben die pater ende broeders des clerckhuses voirscr. voer em ende oer nacomelingen weder over
gegheven Everde voirscr. ende sinen eerfgenamen al alsodane recht ende toesegghen als sie moghen ghehat hebben op achtijen roden veen,
lands die salige Helprijke hebben toe gehoert ende ligghen inder selver marck oestwert over dat dyep inden zudersten sleeck
Desse voirscr. achtyen roden veenlands sullen Evert ende sinen eerfgenamen eerfliken ende ewelicken besitten ende ghebruken ende oeren vryen
willen dair mede doen sonder der broedere voersc. bekronen offt beletten Hyer toe sal Evert voirscr. hebben ene summe van ghelde als
wy dedinges lude uut ghesproken hebben die hie voer ons bekande dat em voll ende all wal betaelt is So dat hie den broderen voirscr.
danket gueder betalinge Ende tot wat tyden god sinen lieven willen doet mit Everde ende siner huusvrouwen voirscr. so sullen sie die bro-
ders voirscr. in oer memorien boeck scriven ende bidden voer em als sie ghewoentlick sint te done voer hoer waldaders Hyer van al dat
voirscr. is hebben beiden parten voirscr. malckanderen den Stock gelecht inden lande van Drenthe als lantrecht is Daer an ende over
weren als buren Gheter marke her Diric kercher to Gheten Johan Eppinghe Roloff Hovinghe ende meer gueder lude genoech
In een orkunde der waerheit hebben wy dedinges lude voirscr. omme beden willen beyder parten voirscr. onse segelen beneden an dessen
breef gehanghen Gegeven inden iaen ons heren dusent vierhondert tweendeseventich op sunte Odulphus dach des hilligen confessers
Dorso: De terra cespitali a Johanne Wolderinge.
als ghekoren dedinges lude van beyden parten ene stede vaste sone ghemaket hebben tusschen die eerbere personen heren Johan van Munster
pater des clerchuses by sunte Walburge kerke in Groningen ende sinen broderen aldair an die ene zijd ende Everde van Gulick ende siner huysvrou-
wen die eerfgename is to saligen Helprick Wolderingen to Gheten achterlatene guede an die andere sijd In maniren hier nae bescreven
Int eerste sullen die pater ende brodere des clerchuses voirscr. ende oer naecomelinghen holden ende hebben al alsodane venelant mit al sinen toebehoeren als salige Helprick voirscr. liggene hadde inden twen eersten slagen in Gheter marke oestwert over dat dyep, Dair van
liggen elven roden breet ende een verendeel van ener roden inden voirsc. eersten slaghe dair dat cloester van Assen naest by ghelandet is
op die Noert zijd, ende Johan Eppinghe to Gheten op die zuijd zijd, Ende neghen roden breet ligghen inden voirscr. anderen slaghe, dair
dat cloester van Assen voirscr. naest by ghelandet is op die Noert sijd ende een deel vander kerken land to Gheten acht op die zuijd-
sijd. Dit voerscr. veneland mit alle sinen toebehoer droech Evert voirscr. op ende ghaff over voer em ende sine eerfgenamen den pater ende
broeders des clerchuses voerscr. ende oeren nacomelinghen ewelicken ende eerflicken to besitten ende to ghebruken ende oeren vtyen willen
dair mede to done. Hijer en teghens hebben die pater ende broeders des clerckhuses voirscr. voer em ende oer nacomelingen weder over
gegheven Everde voirscr. ende sinen eerfgenamen al alsodane recht ende toesegghen als sie moghen ghehat hebben op achtijen roden veen,
lands die salige Helprijke hebben toe gehoert ende ligghen inder selver marck oestwert over dat dyep inden zudersten sleeck
Desse voirscr. achtyen roden veenlands sullen Evert ende sinen eerfgenamen eerfliken ende ewelicken besitten ende ghebruken ende oeren vryen
willen dair mede doen sonder der broedere voersc. bekronen offt beletten Hyer toe sal Evert voirscr. hebben ene summe van ghelde als
wy dedinges lude uut ghesproken hebben die hie voer ons bekande dat em voll ende all wal betaelt is So dat hie den broderen voirscr.
danket gueder betalinge Ende tot wat tyden god sinen lieven willen doet mit Everde ende siner huusvrouwen voirscr. so sullen sie die bro-
ders voirscr. in oer memorien boeck scriven ende bidden voer em als sie ghewoentlick sint te done voer hoer waldaders Hyer van al dat
voirscr. is hebben beiden parten voirscr. malckanderen den Stock gelecht inden lande van Drenthe als lantrecht is Daer an ende over
weren als buren Gheter marke her Diric kercher to Gheten Johan Eppinghe Roloff Hovinghe ende meer gueder lude genoech
In een orkunde der waerheit hebben wy dedinges lude voirscr. omme beden willen beyder parten voirscr. onse segelen beneden an dessen
breef gehanghen Gegeven inden iaen ons heren dusent vierhondert tweendeseventich op sunte Odulphus dach des hilligen confessers
Dorso: De terra cespitali a Johanne Wolderinge.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0112 |
| Regestnr. | 166 |
| Register Feith | 1472.001 |
| Jaar | 1472 |
| Datumcode | Odulph |