| Nummer:kfh092 | Datum: | Overlevering:Origineel | Vindplaats:Arch. Klerken- en fraterhuis, inv.nr. 0174, reg. 092 |
Ick Egbert Maes borgher in Groningen bekenne ende tughe myt dessen openen breve voer my ende mynen
erffgenamen dat ick hebbe up ghedraghen ende overghegheven draghe op ende gheve over myt vrijen wil
len ende rijpen beraede heren Johanne vanMonster pater ende den ghemenen broderen des clerchuses by
sunte Walburge kerke in Groningen tot des sulves huses behoeff de dree overlandessche rinsche
gulden renthe daer de breeff aff spreket daer desse breff doer ghetoghen is jaerlix toe boeren
ende toe maenen nae uutwisinghe ende inholt des breeffs vorgen. Mit vorwerden dat de broders
vorscr. ende oer nacomelinge sullen een opseen hebben op de delinge de de susters int olde Convent
in Groningen doen sullen twewerff des jaers voer saleghe Wemelen mijn echte huusfrouwe ende
voer my wanner god sinen willen myt my ghedaen hevet als dat ick ghestorven bin dat de de
linghe niet en werde versumet ende dat se niet en verslappe Ende den breff van der selver delinge
sprekende beseghelt myt des vorscr. Convents zeghel den ick Egbert vorscr. den broders vorscr. hebbe over
ghelevert sullen sij ewelicke holden ende bewaren Voert sullen de broders vorscr. alle jaer twee
memorien ende beghancknisse holden in hoer oratorium in oer huus elke memorie myt enen cleynen
pond wasses dat men daer voert an dachlix onder misse bernen sal ende lesen dan vigilie ende misse
De erste memorie sal man holden voer Wemelen vorscr. des sondages voer onser liever vrouwen
lichtmisse ende de ander op myn jaertijd wanneer god sinen lieven willen myt my ghedaen hefft
Ende oeck soe beghere ick Egbert vorscr. van den preesters des vorscr. clerchuses dat se mijnre ende mynre
huesfrouwen willen ghedachtich wesen in hoeren daghelixen missen als ick dat van hem betrou
we Voert meer weert sake dat men desse vorscr. renthe affkoffte ende lossede nae uutwisinge
des breffs vorscr. so sullen de broders vorsr. dat ghelt weder belegghen als alsoedanige renthe
sunder al Arghelist. In Orkonde der waerheit heb ic Egbert vorscr. mijn segel beneden an des
sen breff ghehangen Ghegeven inden jaer ons heren dusent vierhondert dreendesestich des sater
daghes na des hillighen sacramentsdach.
erffgenamen dat ick hebbe up ghedraghen ende overghegheven draghe op ende gheve over myt vrijen wil
len ende rijpen beraede heren Johanne vanMonster pater ende den ghemenen broderen des clerchuses by
sunte Walburge kerke in Groningen tot des sulves huses behoeff de dree overlandessche rinsche
gulden renthe daer de breeff aff spreket daer desse breff doer ghetoghen is jaerlix toe boeren
ende toe maenen nae uutwisinghe ende inholt des breeffs vorgen. Mit vorwerden dat de broders
vorscr. ende oer nacomelinge sullen een opseen hebben op de delinge de de susters int olde Convent
in Groningen doen sullen twewerff des jaers voer saleghe Wemelen mijn echte huusfrouwe ende
voer my wanner god sinen willen myt my ghedaen hevet als dat ick ghestorven bin dat de de
linghe niet en werde versumet ende dat se niet en verslappe Ende den breff van der selver delinge
sprekende beseghelt myt des vorscr. Convents zeghel den ick Egbert vorscr. den broders vorscr. hebbe over
ghelevert sullen sij ewelicke holden ende bewaren Voert sullen de broders vorscr. alle jaer twee
memorien ende beghancknisse holden in hoer oratorium in oer huus elke memorie myt enen cleynen
pond wasses dat men daer voert an dachlix onder misse bernen sal ende lesen dan vigilie ende misse
De erste memorie sal man holden voer Wemelen vorscr. des sondages voer onser liever vrouwen
lichtmisse ende de ander op myn jaertijd wanneer god sinen lieven willen myt my ghedaen hefft
Ende oeck soe beghere ick Egbert vorscr. van den preesters des vorscr. clerchuses dat se mijnre ende mynre
huesfrouwen willen ghedachtich wesen in hoeren daghelixen missen als ick dat van hem betrou
we Voert meer weert sake dat men desse vorscr. renthe affkoffte ende lossede nae uutwisinge
des breffs vorscr. so sullen de broders vorsr. dat ghelt weder belegghen als alsoedanige renthe
sunder al Arghelist. In Orkonde der waerheit heb ic Egbert vorscr. mijn segel beneden an des
sen breff ghehangen Ghegeven inden jaer ons heren dusent vierhondert dreendesestich des sater
daghes na des hillighen sacramentsdach.
x
| Archief | Groninger Archieven |
|---|---|
| Fonds | Arch. Klerken- en fraterhuis |
| Toegangsnummer | 1237 |
| Inventarisnr. | 0174 |
| Regestnr. | 092 |
| Register Feith | 1463.001 |
| Jaar | 1463 |
| Datumcode | SpSacram |