| Nummer:hjki0469 | Datum: | Overlevering:Origineel | Vindplaats:Arch. Hoge Justitiekamer, inv.nr. 0469 |
Herman Clant ende Ludtghert Schaffers echte luden bekennen ende betughen myts dessen opene
besegelden breff voer uns ende unsen arffghenamen dat wij hebben verkoft u[pghedraghen ende overghegheven
vrow Lubbert van Coeverde ende hoeren arffghenamen twe ende dartich Emder gulden jaerlyke ende arfflijke
rente jaerlykes ende alle jaren unverjaert tho manen ende vrij schadeloes myt allen rechten tho boeren
up visitationis Marie uuyt ende over veer ende dartich grasen ossen weyde tho Dorquert gheleghen de
Roleff Luynghe van uns in de huyre hevet voert uuyt ende over unse beyder ander landen ende goederen
hoe ende waer de gheleghen moeghen wesen van allen ghene uutbesundert voer ene summa van pennyghen als naemptlyken veerhondert Emder gulden, dartch Gronnygher stuvers voer enen yderen
ghulden gherekent de wij echte luyden voerscreven bekennen van vrow Lubbert van Coeverde toe vuller noeghe untfanghen tho hebben myt den bescheyde dat wij Herman Clant offte Ludtghert
Schaffers offte emant van unsen arffghenamen toe allen tyden vant uns ghelenet moeghen . offte wanner
uns de affloesse een half jaer tho voeren verwijttighet ende anghesecht is soellen soedane twe ende
dartich Emder gulden jaerlyke rente weder vrij ende quijdt koepen myt veerhondert Emder gulden dartich
Gronnygher stuvers offte payment dat daer goedt voer is voer enen yderen ghulden gherekent ende
myt twe ende dartich Emder gulden renthe alles sunder arghelist offte enijghe exceptie van recht hyr teghens
tho gebruken. In oerkunde desser waerheyt soe heb ick Herman Clant desse breff myt myn
eghen handt ghescreven ende tho merer bevestenysse myn eghen segel wytlyken an dessen
b.... .......hen voer mij ende myn huysfrowe ende unsen beijde. ....ghenamen. Ghegheven yn
.... dusent vyffhondert ses ende tsestich .............. .ulij. Herman Clant
.yn segell ende hant.
Zegel verloren.
Gecancelleerd.
besegelden breff voer uns ende unsen arffghenamen dat wij hebben verkoft u[pghedraghen ende overghegheven
vrow Lubbert van Coeverde ende hoeren arffghenamen twe ende dartich Emder gulden jaerlyke ende arfflijke
rente jaerlykes ende alle jaren unverjaert tho manen ende vrij schadeloes myt allen rechten tho boeren
up visitationis Marie uuyt ende over veer ende dartich grasen ossen weyde tho Dorquert gheleghen de
Roleff Luynghe van uns in de huyre hevet voert uuyt ende over unse beyder ander landen ende goederen
hoe ende waer de gheleghen moeghen wesen van allen ghene uutbesundert voer ene summa van pennyghen als naemptlyken veerhondert Emder gulden, dartch Gronnygher stuvers voer enen yderen
ghulden gherekent de wij echte luyden voerscreven bekennen van vrow Lubbert van Coeverde toe vuller noeghe untfanghen tho hebben myt den bescheyde dat wij Herman Clant offte Ludtghert
Schaffers offte emant van unsen arffghenamen toe allen tyden vant uns ghelenet moeghen . offte wanner
uns de affloesse een half jaer tho voeren verwijttighet ende anghesecht is soellen soedane twe ende
dartich Emder gulden jaerlyke rente weder vrij ende quijdt koepen myt veerhondert Emder gulden dartich
Gronnygher stuvers offte payment dat daer goedt voer is voer enen yderen ghulden gherekent ende
myt twe ende dartich Emder gulden renthe alles sunder arghelist offte enijghe exceptie van recht hyr teghens
tho gebruken. In oerkunde desser waerheyt soe heb ick Herman Clant desse breff myt myn
eghen handt ghescreven ende tho merer bevestenysse myn eghen segel wytlyken an dessen
b.... .......hen voer mij ende myn huysfrowe ende unsen beijde. ....ghenamen. Ghegheven yn
.... dusent vyffhondert ses ende tsestich .............. .ulij. Herman Clant
.yn segell ende hant.
Zegel verloren.
Gecancelleerd.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0469 |
| Jaar | 1566 |
| Datumcode | ...... |