| Nummer:hjk067 | Datum: | Overlevering:Origineel | Vindplaats:Arch. Hoge Justitiekamer, inv.nr. 1439, reg. 067 |
Wij borgermestere ende Raed in Groningen betugen mit dessen openen breve dat voer ons is ghekomen
Reenke Wobbema up Grote Gast ende bekande voer oer ende oren erffgenamen dat se hevet verkoft upghedragen ende overgegeven Berend Vriese ende synen erffgenamen vijffte halven arnssen gulden erffliker renten teyn
onser stad stuvers voer datum desses breves gemuntet ofte payment dat daer gued voer is voer elken gulden
gherekent jaerlix to sunte Lamberts dage to betalen vry schadeloze gelt ofte dat mit botbreven
in to manen ofte anders mit wat rechte Berend vorscreven des best belevet to manen ende to boren uut ende
over Here IJgens saliger ghedachten na ghelaten halven heert landes ghelegen up Grote Gast de
welke halve heert landes Reenken vorscreven anghearvet is van oren broder Heer Ygens vorscreven vry ende
quyt erffliken ende ewliken to bruken ende to besitten voer ene summe geldes de Reenke vorscreven bekande dat
oer vul ende al is betaelt ende desse vorscreven renten vry erffliken to waren. Hyr is to ghesproken dat Reenke
vorscreven ende ore erffgenamen desse vorscreven vijftenhalven gulden renten mogen weder aff vry ende quijt kopen tot
allen tyden wanneer oer des best belevet mit vijffendetseventich arnsen gulden vorscreven payments ende mitter
vuller renten sunder argelist. Dat orkunde wy mit onser stad segel. Ghegeven inden jaer ons heren dusent vijff
hundert ende soventeyne up sunte Willibrordus dach do Peter Sickinge, Coert Koenrades, Reynt Dyverts
ende Lubbert Klant borgermestere weren onser stad.
Zegel verloren.
DORSO : Berend Vriese.
Reenke Wobbema.
Ick undergescreven bekenne dat my die binnen
gescreven hovetsomma als vyff unde tsoventich arens
gulden uuth den koepschatte van Johan Heinens ver-
koffte landes is afflossett den 29 .....
anno 95.
m.a.h. Dyt boven gescreven bekenne yck
Hyndryck Roeberts ontfangen toe
hebben.
Reenke Wobbema up Grote Gast ende bekande voer oer ende oren erffgenamen dat se hevet verkoft upghedragen ende overgegeven Berend Vriese ende synen erffgenamen vijffte halven arnssen gulden erffliker renten teyn
onser stad stuvers voer datum desses breves gemuntet ofte payment dat daer gued voer is voer elken gulden
gherekent jaerlix to sunte Lamberts dage to betalen vry schadeloze gelt ofte dat mit botbreven
in to manen ofte anders mit wat rechte Berend vorscreven des best belevet to manen ende to boren uut ende
over Here IJgens saliger ghedachten na ghelaten halven heert landes ghelegen up Grote Gast de
welke halve heert landes Reenken vorscreven anghearvet is van oren broder Heer Ygens vorscreven vry ende
quyt erffliken ende ewliken to bruken ende to besitten voer ene summe geldes de Reenke vorscreven bekande dat
oer vul ende al is betaelt ende desse vorscreven renten vry erffliken to waren. Hyr is to ghesproken dat Reenke
vorscreven ende ore erffgenamen desse vorscreven vijftenhalven gulden renten mogen weder aff vry ende quijt kopen tot
allen tyden wanneer oer des best belevet mit vijffendetseventich arnsen gulden vorscreven payments ende mitter
vuller renten sunder argelist. Dat orkunde wy mit onser stad segel. Ghegeven inden jaer ons heren dusent vijff
hundert ende soventeyne up sunte Willibrordus dach do Peter Sickinge, Coert Koenrades, Reynt Dyverts
ende Lubbert Klant borgermestere weren onser stad.
Zegel verloren.
DORSO : Berend Vriese.
Reenke Wobbema.
Ick undergescreven bekenne dat my die binnen
gescreven hovetsomma als vyff unde tsoventich arens
gulden uuth den koepschatte van Johan Heinens ver-
koffte landes is afflossett den 29 .....
anno 95.
m.a.h. Dyt boven gescreven bekenne yck
Hyndryck Roeberts ontfangen toe
hebben.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 1439 |
| Regestnr. | 067 |
| Jaar | 1517 |
| Datumcode | Willeb |