| Nummer:hjk057 | Datum: | Overlevering:Origineel | Vindplaats:Arch. Hoge Justitiekamer, inv.nr. 0307, reg. 057 |
Ick Snelle Doens up de Venne ende Renike myn echte huysfrouwe bekennen unde betugen myt dessen openen bezegelden breve voir onss unde all onsse erffgenamen dat wy hebben verkofft unde overgegeven demen Ersamen gheistliken
heren broder Jacob van Wynckel priori unde ghemenen Conventualen tho Apell unde all oren nakomelingen dye
dree golden rynsche gulden jaerlix renthe daer desse breeff van spreket daer desse breeff doer ghetoghen
is vry erfflick tho bruken in allen maneren als dye sulve breeff daer aff inholt ende uuthwyset. Wert
zake priori ende conventui voirscreven in thokomeden tyden enych hynder offt indracht gheschege der dree
golden gulden voirscreven dat se na uuthwysinge dess principael breves daer nyet bekomen off krygen konen
woer yo queme so sall prior unde convent verscreven so dane dree golden gulden jaerlix renthen voirscreven manen unde
inwynnen schadeloss ghelt uuth allen off een deell onsser guederen, landen unde renthen dye Ick Snelle
unde Renike voirscreven nu hebben off noch mogen krygen waer prior unde convent voirscreven se dye beest bekomen
mogen off waer em dess beest gelevet myt allen rechten unde up allen steden sunder onss Snellen unde Reniken voirscreven ende onsser beyder erffgenamen weder seggen off ovelen moet vry erfflick tho warenne als verscreven
sunder alle argelyst. Hyr weren an unde over voir degens unde tuges lude dye ersame voirsichtige
heer Boldewyn kercheer tho Gherlswer unde heer Melle praebendaet unde vicarius tho Loppersum unde
meer gueder luede genoch. In Orkunde aller punten voirscreven stede vast onverbroken tho ewygen tyden
tho holden hebbe Ick Snelle ende Renike voirscreven gebeden demen ersamen wysen meister Ludeken onssen
kercheren tho Steum dessen breeff voir unde over onss Snellen ende Reniken ende onsse beyde erffgenamen tho besegelen. Welker Ick meister Luyken kercheer voirscreven bekenne my gheerne hebben gedaen omme bede
wyllen beyder parten unde hebbe myn segell wyllychliken beneden an dessen transfix breeff gehangen
inden jaer onss heren dusent vyffhundert unde elvene up sunte Lambers avent dess hilligen mertelers.
Zegel sur double queue, verloren.
Gecancelleerd.
DORSO : Littera quatenus habemus
annue III florenas aureos in
Leermanss a colono nostro
Snellen ex praedio Eggerik
Ripperda.
??
heren broder Jacob van Wynckel priori unde ghemenen Conventualen tho Apell unde all oren nakomelingen dye
dree golden rynsche gulden jaerlix renthe daer desse breeff van spreket daer desse breeff doer ghetoghen
is vry erfflick tho bruken in allen maneren als dye sulve breeff daer aff inholt ende uuthwyset. Wert
zake priori ende conventui voirscreven in thokomeden tyden enych hynder offt indracht gheschege der dree
golden gulden voirscreven dat se na uuthwysinge dess principael breves daer nyet bekomen off krygen konen
woer yo queme so sall prior unde convent verscreven so dane dree golden gulden jaerlix renthen voirscreven manen unde
inwynnen schadeloss ghelt uuth allen off een deell onsser guederen, landen unde renthen dye Ick Snelle
unde Renike voirscreven nu hebben off noch mogen krygen waer prior unde convent voirscreven se dye beest bekomen
mogen off waer em dess beest gelevet myt allen rechten unde up allen steden sunder onss Snellen unde Reniken voirscreven ende onsser beyder erffgenamen weder seggen off ovelen moet vry erfflick tho warenne als verscreven
sunder alle argelyst. Hyr weren an unde over voir degens unde tuges lude dye ersame voirsichtige
heer Boldewyn kercheer tho Gherlswer unde heer Melle praebendaet unde vicarius tho Loppersum unde
meer gueder luede genoch. In Orkunde aller punten voirscreven stede vast onverbroken tho ewygen tyden
tho holden hebbe Ick Snelle ende Renike voirscreven gebeden demen ersamen wysen meister Ludeken onssen
kercheren tho Steum dessen breeff voir unde over onss Snellen ende Reniken ende onsse beyde erffgenamen tho besegelen. Welker Ick meister Luyken kercheer voirscreven bekenne my gheerne hebben gedaen omme bede
wyllen beyder parten unde hebbe myn segell wyllychliken beneden an dessen transfix breeff gehangen
inden jaer onss heren dusent vyffhundert unde elvene up sunte Lambers avent dess hilligen mertelers.
Zegel sur double queue, verloren.
Gecancelleerd.
DORSO : Littera quatenus habemus
annue III florenas aureos in
Leermanss a colono nostro
Snellen ex praedio Eggerik
Ripperda.
??
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0307 |
| Regestnr. | 057 |
| Jaar | 1511 |
| Datumcode | vLamber |