Nummer:hjk055 | Datum: | Overlevering:Origineel | Vindplaats:Arch. Hoge Justitiekamer, inv.nr. 0037, reg. 055 |
Wij heer Wolter Upten Dijck commenduer Heer Johan Snelle preester heer Lambert Hagedoerne broder Hermen Backer ende
voert de gemene conventsluden des hillighen huses to Wijtwert bekennen ende betuege mit dessen open breve voer ons
ende onse nacomelingen des convents verscreven dat wij hebben vercoft opghedragen ende overghegeven dragen up ende geven over
Ludeken Hornken ende sijnen erfghenamen een stucke landes van soeven ackers mit een heem daer Ludeken Hornken
verscreven an de oestersijt ende an de westersijt ter swette lijcht strecket an beijden enden an een wech ende is groet dre iuck
ende bet een stucke landes een iuck groet myn achtien roden dat Dijdde hebben sal ende van ons gecoft heft ende
betaelt heft daer Dijdde an de oestersijt bij ter swette lijcht ende dat convent verscreven an de westersijt desse verscreven twe stucke
landes mit diken ende uterdiken als daer to hoeren Ende dit verscreven lant in voertiden Hermen Kuper vercoft was van
onsen convent verscreven ende nu mit Hermen weder bij ons gecomen is als onse proevener dit verscreven lant vrij tho waren
voer alle anspraeck. Voert bekennen wij verscreven con ventsluden Ludeken verscreven dat wij vercoft in de passie weken laest verleden Ludeken Hornken verscreven ende syn erfghena men negen acker landes belopet dordehalf iuck ende ses tijch blote
stocken daer Ludeken an de oestersijt ende an de wester sijt ter swette lijcht mijt dijken ende uterdijken als daer tho
hoert vrij ende quijt tho waren. Noch bekennen wy convents luden verscreven dat Ludeken Hornken verscreven omtrent tien iaren
een stucke landes bij heer Rolef Hornkens tijden ende heer Geert Priors tijt ghecoft heft ende de commelduer tho
Oesterwirum besegelt ende convent van Wijtwert besegelt hebben ende syn meijger gebruket mit dijken ende uterdij ken
daer Ludeken bij gelandet is an de oestersijt ende Dijdde an de westersyt ende strecket noertwert anden dijkes voet
ende suueetwert anden notwech desse vierstucke landen verscreven bekennen wij conventsluden verscreven Ludeken verscreven ons van Ludeken
Hornken nu ende in voertijden to behoef onses convents verscreven vol ende al is betaelt ofte oeck inige breven in voertijden ghemaket mochten wesen tusschen den convent ende Ludeken verscreven ende besegelt van dessen verscreven landen sullen al doot ende
to nete wesen mit dessen breef ende dessen breef in macht the holden ende in weerden tho bliven in al als verscreven is sunder
argelist. In oerkunde der waerheit soe hebben wij convents luden verscreven onsen conventssegel bineden an dessen breef ghehangen inden iaren ons heren dusent vijfhundert ende tyn des vrijedaghes voer Maria Magdalena.
??
voert de gemene conventsluden des hillighen huses to Wijtwert bekennen ende betuege mit dessen open breve voer ons
ende onse nacomelingen des convents verscreven dat wij hebben vercoft opghedragen ende overghegeven dragen up ende geven over
Ludeken Hornken ende sijnen erfghenamen een stucke landes van soeven ackers mit een heem daer Ludeken Hornken
verscreven an de oestersijt ende an de westersijt ter swette lijcht strecket an beijden enden an een wech ende is groet dre iuck
ende bet een stucke landes een iuck groet myn achtien roden dat Dijdde hebben sal ende van ons gecoft heft ende
betaelt heft daer Dijdde an de oestersijt bij ter swette lijcht ende dat convent verscreven an de westersijt desse verscreven twe stucke
landes mit diken ende uterdiken als daer to hoeren Ende dit verscreven lant in voertiden Hermen Kuper vercoft was van
onsen convent verscreven ende nu mit Hermen weder bij ons gecomen is als onse proevener dit verscreven lant vrij tho waren
voer alle anspraeck. Voert bekennen wij verscreven con ventsluden Ludeken verscreven dat wij vercoft in de passie weken laest verleden Ludeken Hornken verscreven ende syn erfghena men negen acker landes belopet dordehalf iuck ende ses tijch blote
stocken daer Ludeken an de oestersijt ende an de wester sijt ter swette lijcht mijt dijken ende uterdijken als daer tho
hoert vrij ende quijt tho waren. Noch bekennen wy convents luden verscreven dat Ludeken Hornken verscreven omtrent tien iaren
een stucke landes bij heer Rolef Hornkens tijden ende heer Geert Priors tijt ghecoft heft ende de commelduer tho
Oesterwirum besegelt ende convent van Wijtwert besegelt hebben ende syn meijger gebruket mit dijken ende uterdij ken
daer Ludeken bij gelandet is an de oestersijt ende Dijdde an de westersyt ende strecket noertwert anden dijkes voet
ende suueetwert anden notwech desse vierstucke landen verscreven bekennen wij conventsluden verscreven Ludeken verscreven ons van Ludeken
Hornken nu ende in voertijden to behoef onses convents verscreven vol ende al is betaelt ofte oeck inige breven in voertijden ghemaket mochten wesen tusschen den convent ende Ludeken verscreven ende besegelt van dessen verscreven landen sullen al doot ende
to nete wesen mit dessen breef ende dessen breef in macht the holden ende in weerden tho bliven in al als verscreven is sunder
argelist. In oerkunde der waerheit soe hebben wij convents luden verscreven onsen conventssegel bineden an dessen breef ghehangen inden iaren ons heren dusent vijfhundert ende tyn des vrijedaghes voer Maria Magdalena.
??
x
Archief | Groninger Archieven |
---|---|
Fonds | Arch. Hoge Justitiekamer |
Toegangsnummer | 136 |
Inventarisnr. | 0037 |
Regestnr. | 055 |
Register Feith | 1510.039 |
Jaar | 1510 |
Datumcode | VaMarMag |