| Nummer:hjk038 | Datum: | Overlevering:Afschrift | Vindplaats:Arch. Hoge Justitiekamer, inv.nr. 0146, reg. 038 |
Ulffardus Jacobi kerckher thenn Damme ende
Commissarius myns Gnedighen hern van
Munster Bekenne openbaer ennd betuge in
unnd vermidtz dessenn openen brieve vor als
weme dath voir my sint gekomen de Ersame
her Willem zalige Laurens Steenmeslers
soene them Damme, Griete synn moeder ende
Catryne Greten dochter myne karspels luide
unnd bekandenn tzamptlickenn mit vrien willen
guede vorbedachten moede end elck van hem
besunderlinghe voir ehm ende alle ohre arffgenamen
dat se eendrachtichlickenn haddenn verkofft
upgedragenn end over gegheven In eenen stedenn
vastenn erffkope Goedenn Meertens
ten Damme Aeuke synre echter huesfrouwe
ende hoere twier arffgenamen dre grase landes
gelegenn by den damme ande oester syde
van de Broederenn daer Swane Hoormens ende
oer kindernn an de suyder syde Slochter hilligenn
an de noerder zyde naest ter swettenn
sint gelandet ende mittenn oestenn ende strecken
de ahn een cleyn wech soals Griete vurscr.
dat in vortydenn hevet behylcket ende denn
kindernn vann oerenn vader milder gedachte
nisse is angearvet. Item anderhalven arens
guldens jaerlicker rente jaerlickes ende
unveriaerth alle jaer tho hebben ende als
vrie Rente tho boerenn tho elcker sunte Gre-
gorius daghe up in over end uut oerenn
huese unde huess stede staende end gelegenn
yndenn Damme ahnde noerder zyde des
buiten delffs strate an de wester zyde van
Symen Goltsmits huess. Voer ene summa
vann penonghenn de her Willem, Griete
end Catryne voirgenoempt bekandenn dath
ehm vandenn ergenoemptenn Goedenn ende
Aeukenn die laetstenn penninck mith denn
ersten vull all ennd wall tho willen were
vernoeget ennd betaelt Hier is matelicken
mede yn verwordet dath de ergemelte her
Willem. Griete ennd Catrina offte alle oere
arffgenamen moegenn desse vurscr. dre grase
landes unnd de anderhalvenn arens gulden
jaerlicker rente voirgen. weder vry ende quyt
inlossenn ennd affkopenn vanden erghe-
noempten Goedenn ennd Aeukenn offte
ohrenn arffgenamen In dat seste jaer
nha dach end data dusses brieves ende
ehr nicht mit anderhaiff hundert arens
guldenn ende mitter vuller renten den
arens guldenn tho rekenenn unnd tho be-
talenn mith teyn Groninger stuvers voir
data dusses breves gemuntet daer die
ses unnd twintich aff doenn offte gelden
einenn enckeldenn goldenn Rinsen gulden
ende dat mith vrien schadelosen gelde
Ende weert saeke de opgemelte her Willem
Griete ende Catrijne offte oere arffgenamen
die dre grase landes unnd de
anderhalff arens guldenn renten vorscr.
nicht wider in en loesden ende aff en
dedenn int seste jaer nha dach unnde
data dusses brieves mith paeymenth
als voirgenoempt is. So soelenn de anderhalff
Arens guldenn jaerlicker Rentenn voirscr.
aff ende dodt wesenn unnd de vorgenoepte [sic!]
drie grase landes soelenn in unnd mith
krafft dusses brieves ewelickenn ende
arffliekenn wesenn verkofft ende vertegen
Also dath her Willem Griete ende Catryne
voirgen. offte oere arffgenamen noch nemandt van
oerer aller wegenn nummermehr nadenn
daeghe beth egendoem edder anspraeke
up de drie grase landes hebbenn noch
holdenn en soelenn Sonder Goede ende
Aeuke ende ohre arffgenamenn moegen
dat voirscr. landt bruickenn besittenn vor
wisselenn vorhuerenn verkopenn Erven
nha hoeren eigenn Willenn des loevede
Her Willem Grete eend Katryne voirgen.
voir em ende orenn arffgenamen dat lant
vry ende vehrdich tho leverenn end tho
warenn voir alle anspraeke ende bewa-
ringe vann Renten emandt voir dessen
daghe daer op mochte hebbenn offte bren-
gene ende sunderlinge voer de suster
ende swager de nu tho Embden woenen
ock ghene anspraeke vorder tho hebben
dann dusse brieff vormeldet Goedenn
ennd Aeuke unnd ohre arffgenamen ore
handt schadeloes tho holdenn in allenn
Rechtenn tho allen tydenn Wanneer
des tho doende iss. Sonder alle argelist
ende nye vondenn hier over end ahn
sint ghewest als tuegenn daer tho gebedenn
die Ersame hernn her Berent Vicarius ende
her Siaerdt prebendaet tenn Damme des tot
orkunde hebbe ick Ulffardus Cureet vurscr.
mynen Ingesegell umme bede her Willems
Griete ennd Catryne vurscr. witlicken ahn
dessenn brieff gehangenn. Ghegeven inden
jaer unses hereen dusent vierhundert negen
ennd tnegentich up Sunte Gregorius Avont.
Deze oorkonde is geinsereerd in een sententie van Johan Hiddinge verordente rechter te
Scharmer inzake Edtzardt Rengers c.s. tegen Hilbrandt Fraeylema over een heerd en land
te Oldersum anno 1566 in een authentiek afschrift van Pinksteravond 1589.
Commissarius myns Gnedighen hern van
Munster Bekenne openbaer ennd betuge in
unnd vermidtz dessenn openen brieve vor als
weme dath voir my sint gekomen de Ersame
her Willem zalige Laurens Steenmeslers
soene them Damme, Griete synn moeder ende
Catryne Greten dochter myne karspels luide
unnd bekandenn tzamptlickenn mit vrien willen
guede vorbedachten moede end elck van hem
besunderlinghe voir ehm ende alle ohre arffgenamen
dat se eendrachtichlickenn haddenn verkofft
upgedragenn end over gegheven In eenen stedenn
vastenn erffkope Goedenn Meertens
ten Damme Aeuke synre echter huesfrouwe
ende hoere twier arffgenamen dre grase landes
gelegenn by den damme ande oester syde
van de Broederenn daer Swane Hoormens ende
oer kindernn an de suyder syde Slochter hilligenn
an de noerder zyde naest ter swettenn
sint gelandet ende mittenn oestenn ende strecken
de ahn een cleyn wech soals Griete vurscr.
dat in vortydenn hevet behylcket ende denn
kindernn vann oerenn vader milder gedachte
nisse is angearvet. Item anderhalven arens
guldens jaerlicker rente jaerlickes ende
unveriaerth alle jaer tho hebben ende als
vrie Rente tho boerenn tho elcker sunte Gre-
gorius daghe up in over end uut oerenn
huese unde huess stede staende end gelegenn
yndenn Damme ahnde noerder zyde des
buiten delffs strate an de wester zyde van
Symen Goltsmits huess. Voer ene summa
vann penonghenn de her Willem, Griete
end Catryne voirgenoempt bekandenn dath
ehm vandenn ergenoemptenn Goedenn ende
Aeukenn die laetstenn penninck mith denn
ersten vull all ennd wall tho willen were
vernoeget ennd betaelt Hier is matelicken
mede yn verwordet dath de ergemelte her
Willem. Griete ennd Catrina offte alle oere
arffgenamen moegenn desse vurscr. dre grase
landes unnd de anderhalvenn arens gulden
jaerlicker rente voirgen. weder vry ende quyt
inlossenn ennd affkopenn vanden erghe-
noempten Goedenn ennd Aeukenn offte
ohrenn arffgenamen In dat seste jaer
nha dach end data dusses brieves ende
ehr nicht mit anderhaiff hundert arens
guldenn ende mitter vuller renten den
arens guldenn tho rekenenn unnd tho be-
talenn mith teyn Groninger stuvers voir
data dusses breves gemuntet daer die
ses unnd twintich aff doenn offte gelden
einenn enckeldenn goldenn Rinsen gulden
ende dat mith vrien schadelosen gelde
Ende weert saeke de opgemelte her Willem
Griete ende Catrijne offte oere arffgenamen
die dre grase landes unnd de
anderhalff arens guldenn renten vorscr.
nicht wider in en loesden ende aff en
dedenn int seste jaer nha dach unnde
data dusses brieves mith paeymenth
als voirgenoempt is. So soelenn de anderhalff
Arens guldenn jaerlicker Rentenn voirscr.
aff ende dodt wesenn unnd de vorgenoepte [sic!]
drie grase landes soelenn in unnd mith
krafft dusses brieves ewelickenn ende
arffliekenn wesenn verkofft ende vertegen
Also dath her Willem Griete ende Catryne
voirgen. offte oere arffgenamen noch nemandt van
oerer aller wegenn nummermehr nadenn
daeghe beth egendoem edder anspraeke
up de drie grase landes hebbenn noch
holdenn en soelenn Sonder Goede ende
Aeuke ende ohre arffgenamenn moegen
dat voirscr. landt bruickenn besittenn vor
wisselenn vorhuerenn verkopenn Erven
nha hoeren eigenn Willenn des loevede
Her Willem Grete eend Katryne voirgen.
voir em ende orenn arffgenamen dat lant
vry ende vehrdich tho leverenn end tho
warenn voir alle anspraeke ende bewa-
ringe vann Renten emandt voir dessen
daghe daer op mochte hebbenn offte bren-
gene ende sunderlinge voer de suster
ende swager de nu tho Embden woenen
ock ghene anspraeke vorder tho hebben
dann dusse brieff vormeldet Goedenn
ennd Aeuke unnd ohre arffgenamen ore
handt schadeloes tho holdenn in allenn
Rechtenn tho allen tydenn Wanneer
des tho doende iss. Sonder alle argelist
ende nye vondenn hier over end ahn
sint ghewest als tuegenn daer tho gebedenn
die Ersame hernn her Berent Vicarius ende
her Siaerdt prebendaet tenn Damme des tot
orkunde hebbe ick Ulffardus Cureet vurscr.
mynen Ingesegell umme bede her Willems
Griete ennd Catryne vurscr. witlicken ahn
dessenn brieff gehangenn. Ghegeven inden
jaer unses hereen dusent vierhundert negen
ennd tnegentich up Sunte Gregorius Avont.
Deze oorkonde is geinsereerd in een sententie van Johan Hiddinge verordente rechter te
Scharmer inzake Edtzardt Rengers c.s. tegen Hilbrandt Fraeylema over een heerd en land
te Oldersum anno 1566 in een authentiek afschrift van Pinksteravond 1589.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0146 |
| Regestnr. | 038 |
| Register Feith | 1566.026 |
| Jaar | 1499 |
| Datumcode | vGregor |