| Nummer:hjk028 | Datum: | Overlevering:Origineel | Vindplaats:Arch. Hoge Justitiekamer, inv.nr. 1546, reg. 028 |
Wy Borgermeistere ende Raed in Groningen betugen myt dessen openen breve dat vor ons is gekomen Sibrant to Engelum
ende bekande vor em ende syne erffgenamen dat he hevet verkoefft upgedragen ende overgegeven Herman Koeck ende synen
erffgenamen ses arnemsen gulden jaerliker ende erffliker renten gudes geldes als nu ter tyt in onsen stadt ganckachtich synt
jaerlix des santganges to betalen offte scadeloes gelt myt botbreven in to manen To boren ende to manen uut alle Sibrants
vorscr. guet huusinge lant sant myt alle synen to behoeren soe als he dat to Engelum in Hummers liggen hevet ende anders
oeck waer dat gelegen is vry ende quyt erffliken daer uut to waeren Voer ene summe geldes de Sibrant vorscr. bekande dat
em vuil ende all is betalt Hyr is to gesproken dat Sybrant vorscr. offte syne erffgenamen desse vorscr. ses gulden rente mogen we-
der aff vry ende quyt kopen tot allen santgangen wanner om des genoget myt hondert gulden vorscr. payments ende myt
ter vuller rente sunder argelist. Dat Orkunde wy myt onsen stadt segell Ghegeven in den jaer ons heren dusent
vierhondert vierendetnegentich des dinxdages na alle godes hilligen dage Doe Gharmet Allema, Eppe Allema,
Herman Lewe ende Johan Scaffer Borgermeistere waeren onser stadt.
DORSO : Herman Koeck Ick Lubbert Ulgher bekenne mits desen ontfangen to hebben uth handen van den Eerb. Popko Everardi Secretarium thein Daler heer komende van de vijfte pant van twe breven daer dit de ene aff is actum anno 1575 den 23 april.
Zegel verloren
Gecancelleerd.
ende bekande vor em ende syne erffgenamen dat he hevet verkoefft upgedragen ende overgegeven Herman Koeck ende synen
erffgenamen ses arnemsen gulden jaerliker ende erffliker renten gudes geldes als nu ter tyt in onsen stadt ganckachtich synt
jaerlix des santganges to betalen offte scadeloes gelt myt botbreven in to manen To boren ende to manen uut alle Sibrants
vorscr. guet huusinge lant sant myt alle synen to behoeren soe als he dat to Engelum in Hummers liggen hevet ende anders
oeck waer dat gelegen is vry ende quyt erffliken daer uut to waeren Voer ene summe geldes de Sibrant vorscr. bekande dat
em vuil ende all is betalt Hyr is to gesproken dat Sybrant vorscr. offte syne erffgenamen desse vorscr. ses gulden rente mogen we-
der aff vry ende quyt kopen tot allen santgangen wanner om des genoget myt hondert gulden vorscr. payments ende myt
ter vuller rente sunder argelist. Dat Orkunde wy myt onsen stadt segell Ghegeven in den jaer ons heren dusent
vierhondert vierendetnegentich des dinxdages na alle godes hilligen dage Doe Gharmet Allema, Eppe Allema,
Herman Lewe ende Johan Scaffer Borgermeistere waeren onser stadt.
DORSO : Herman Koeck Ick Lubbert Ulgher bekenne mits desen ontfangen to hebben uth handen van den Eerb. Popko Everardi Secretarium thein Daler heer komende van de vijfte pant van twe breven daer dit de ene aff is actum anno 1575 den 23 april.
Zegel verloren
Gecancelleerd.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 1546 |
| Regestnr. | 028 |
| Jaar | 1494 |
| Datumcode | MpOmnSan |