| Nummer:hjk013 | Datum: | Overlevering:Afschrift | Vindplaats:Arch. Hoge Justitiekamer, inv.nr. 0157, reg. 013 |
Wij Johan Grijp, Yemme Syardes ende Hermen Lewe nu ter tyt
over Rechters in Gronynghen betuyghen myt dessen openen breve
dat voer ons quemen claegende der Erbaren here heren Wolter kelner
van Aedwerdt, Goesen van Dulck, Ebel Ukuma ende Hereke Sijckumma
vulmachtych vander buer weghen van Northorrum op Abelen
tho Ffaen ende van Nyerkercke om de wester tochte
wal van Oxwerder Tochte woe dat se de ein ontbruckende
weren de em thoe behoerde daer Abele ende Rumpt vorscr.
vulmachtych weder op antworden ende seeden dat de vorscr.
tochte wal oer thoe behoerde ende nemen an dat wal toe bewij-
sen. Soe hebben wy vorscr. over rechters Abelen ende Rumpt
vorscr. ghelecht enen dach voer den anderen ende den darden
dach dat thoe bewijses als de angenomen hadden der se tot genen
tijden voer ons ghebracht hebben. Soe hebben wij vorscr.
over rechters ghekent voer recht ende voer enen doem dat
de buren van Northorrum moeghen bruken de vorscr. Tochte
wal tot ewijghen daegen tot to hoijen offte toe etten elck neffen
sijn lant beholden de buren van Ffaen ende Nyer Kercke de
eerde thoe nemen vande vorscr. tochte wal oer waterynghe
daer mede thoe stoppen tot allen tyden alst hem noet is den
minste schaede thoe doen. Sunder argelyst dyt oerkonden wij Johan
IJemme ende Harmen overRijchters vorscr. myt onse segele an
dessen doem gehangen gedoemet ende over ghegheven inden
jaer ons Heren dusent vijerhundert ende tachtentijch up
sunte Elisabets avent.
Copie uuthen prijncepael verseghelde doem offte
breeff van woerde tot woerde mijt den prijnce-
pael accorderende oerkonde ick Tonnys Gherryts
myt mijn hant ende pitzier.
??
over Rechters in Gronynghen betuyghen myt dessen openen breve
dat voer ons quemen claegende der Erbaren here heren Wolter kelner
van Aedwerdt, Goesen van Dulck, Ebel Ukuma ende Hereke Sijckumma
vulmachtych vander buer weghen van Northorrum op Abelen
tho Ffaen ende van Nyerkercke om de wester tochte
wal van Oxwerder Tochte woe dat se de ein ontbruckende
weren de em thoe behoerde daer Abele ende Rumpt vorscr.
vulmachtych weder op antworden ende seeden dat de vorscr.
tochte wal oer thoe behoerde ende nemen an dat wal toe bewij-
sen. Soe hebben wy vorscr. over rechters Abelen ende Rumpt
vorscr. ghelecht enen dach voer den anderen ende den darden
dach dat thoe bewijses als de angenomen hadden der se tot genen
tijden voer ons ghebracht hebben. Soe hebben wij vorscr.
over rechters ghekent voer recht ende voer enen doem dat
de buren van Northorrum moeghen bruken de vorscr. Tochte
wal tot ewijghen daegen tot to hoijen offte toe etten elck neffen
sijn lant beholden de buren van Ffaen ende Nyer Kercke de
eerde thoe nemen vande vorscr. tochte wal oer waterynghe
daer mede thoe stoppen tot allen tyden alst hem noet is den
minste schaede thoe doen. Sunder argelyst dyt oerkonden wij Johan
IJemme ende Harmen overRijchters vorscr. myt onse segele an
dessen doem gehangen gedoemet ende over ghegheven inden
jaer ons Heren dusent vijerhundert ende tachtentijch up
sunte Elisabets avent.
Copie uuthen prijncepael verseghelde doem offte
breeff van woerde tot woerde mijt den prijnce-
pael accorderende oerkonde ick Tonnys Gherryts
myt mijn hant ende pitzier.
??
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0157 |
| Regestnr. | 013 |
| Jaar | 1480 |
| Datumcode | vElisab |