| Nummer:hjk009 | Datum: | Overlevering:Origineel | Vindplaats:Arch. Hoge Justitiekamer, inv.nr. 0239, reg. 010 |
Wy borgermesteren ende raet in Gronyngen betugen mit dessen openen breve dat voer ons is gekomen
Reijner Jarichs ende bekande voer em
ende sine erffgenamen dat he hevet verkofft opgedragen ende overgegeven Herman Potter
ende sinen erffgenamen de helffte van Krusumma huus
mit de halve rechtinge ende heerlicheiden Ehde mit viertich grase landes ende alle sinen
tobehoren daer Herman vorscr. de ander helffte
ende wederscheit oeck van tobehoert gelegen inden karspel vander Hogherkercke vrij
ende quyt erfflicken ende ewlicken mit allen
rechte ende eygendome to bruken ende to besitten ende vry to waeren voer ene summe
geldes de Reyner vorscr. bekande dat em vull
ende al is betaelt. Beholden inde vorscr. des huuses ende landes mit sinen tobehoeren
den convente van Essen teyn arnemsche gulden rente
teyn onser stadt vlegers voer datum desbreves gemuntet Offte payment dat daer guet
voer is voer elken gulden gerekent welke
teyn gulden rente vorgen. Reyner vorscr. offte sine erffgenamen sullen aft kopen ende
vrymaken Hermanne vorgen. offte sine erffgenamen tusschen dit
ende midtwinter naestkomende over een jaer Geschiedes niet bynnen der vorscr. tijt so
sullen Hermen vorscr. ende sine erffgenamen op de vorscr. rente
blyven sitten Ehde korten Reyner vorscr. daervoer twehundert gulden vorscr. payments
sonder argelist Dat orkonde wy mit onser
Stadt zegell Ghegeven in den jaer ons heren dusent vierhondert eenendetsoventich des
wondesdages na sunte Meertens dach inden
winter Doe Ulgar van Nort dycke Gosen van Dulk Johan Rengers Scaffers ende Sweder
Kater borgermestere waeren onser stadt.
Reijner Jarichs ende bekande voer em
ende sine erffgenamen dat he hevet verkofft opgedragen ende overgegeven Herman Potter
ende sinen erffgenamen de helffte van Krusumma huus
mit de halve rechtinge ende heerlicheiden Ehde mit viertich grase landes ende alle sinen
tobehoren daer Herman vorscr. de ander helffte
ende wederscheit oeck van tobehoert gelegen inden karspel vander Hogherkercke vrij
ende quyt erfflicken ende ewlicken mit allen
rechte ende eygendome to bruken ende to besitten ende vry to waeren voer ene summe
geldes de Reyner vorscr. bekande dat em vull
ende al is betaelt. Beholden inde vorscr. des huuses ende landes mit sinen tobehoeren
den convente van Essen teyn arnemsche gulden rente
teyn onser stadt vlegers voer datum desbreves gemuntet Offte payment dat daer guet
voer is voer elken gulden gerekent welke
teyn gulden rente vorgen. Reyner vorscr. offte sine erffgenamen sullen aft kopen ende
vrymaken Hermanne vorgen. offte sine erffgenamen tusschen dit
ende midtwinter naestkomende over een jaer Geschiedes niet bynnen der vorscr. tijt so
sullen Hermen vorscr. ende sine erffgenamen op de vorscr. rente
blyven sitten Ehde korten Reyner vorscr. daervoer twehundert gulden vorscr. payments
sonder argelist Dat orkonde wy mit onser
Stadt zegell Ghegeven in den jaer ons heren dusent vierhondert eenendetsoventich des
wondesdages na sunte Meertens dach inden
winter Doe Ulgar van Nort dycke Gosen van Dulk Johan Rengers Scaffers ende Sweder
Kater borgermestere waeren onser stadt.
x
| Archief | Groninger Archieven |
|---|---|
| Fonds | Arch. Hoge Justitiekamer |
| Toegangsnummer | 136 |
| Inventarisnr. | 0239 |
| Regestnr. | 010 |
| Jaar | 1476 |
| Datumcode | EpMartin |