| Nummer:hag260 | Datum: | Overlevering:Origineel | Vindplaats:H.A. Gruys, inv.nr. 260 |
Wy Borgemester ende Raidt in Groninghen betugen myt desen openen breve dat voer ons synt gekomen
de Erbare Clawess Scaffer Borgemester ande ene syde ende de Erbare unde walgeleerte mester Bunne Alberda
provisoer Wyllum Wicheringe, Lubbert Koninck, Claes Hinricks vogede inder tyt in dat convent
des hilligen geestes ende becanden saemtlike voer oer ende oeren erffgenamen ende nacomtlingen dat se een stede
vaste erffwyssel van landen myt malckanderen gedaen ende gemaket hebben in formen ende maneren
hyr nabescreven Inden ersten so dracht up ende gyft over in een stede wyssel ende coep de Ersame Clawes
vorscr. voer hem ende syne erffgenamen den vogeden vorscr. ende oeren nacomelingen tot behoeff ende profyt
des vorscr. convents ene venne landes gelegen buten der Ae poerte neven Doinghe horn over
daer Hinrick Hopenbinder myt tyn grase landes ingelegen ys na luede synre zegel ende breve
streckende westwert up Hogerkercken deep ende wech int oesten Roloff Huynge int zueden
mester Iohan van Beylen upt noerden naest by geswettet synt noch bet veer grase landes buten
de selve poerte daer salige Peter Iarges kinderen ende Gert Wychgeringe achte grase by hebben
liggen ende Deetghen Mepsche upt noerden ende dat convent vander Apel upt zueden ende Wygbolt
Lewe upt westen naest by gezwettet synen. Hyr en tegens so dragen up ende geven over provisoer ende voghe
den vorscr. voer oer ende oere nacomelingen den Erbaren Clawes vorscr. ende zyne erffgenamen een stucke
landes gelegen tendes buten den hogenwal byden Groenenborch so als Albert de meyer dat
nu inde huere hevet ende bruket bet vyff grase landes streckende byden hogen wal langes daer
de hogee (sic) wal int zueden by licht dat Albert oick inde huere hevet beholtelick Albert Papens ende
Grete zyn echte huesfrouwe dyt vorscr. landt inde huere oer levent lanck upsodane huere als
oer dat de vogeden vorscr. voerhuert hebben na vermeldinge segel ende breve de se daer van hebben
beholtlick oick dat vorscr. convent tot ewygen dagen een wech doer dyt vorscr. landt omme oer
reyt hoey ende rys daer uut to halen als hem dat van noeden ys sunder wederseggen oick sint
vorworden dat de parten vorscr. sullen desse wyssel malckanderen vry leveren ende waren voer alle
ansprake Ende hyr van sullen provisoer ende vogeden Clawes vorscr. stoick leggynge doen so wanner
het dat begert Sunder argelist Dat orkunde wy myt onsen Stadtz Segel gegeven inden iare onses heren dusent
vyffhundert veer ende twintich vrydages na Valentini do Peter Sickinge Luloff Coenrades Reint Duers ende Lub-
bert Clant Borgemestere weren onser Stadt.
DORSO : Item de stocklegginge desen breves hebben gedaen Willem Wycheringe ende Clawes Hinricksoen alle vulmachtich van des provisoers ende ander voegeden wegen dair by is gewest Hilbrant Roltman Evert Coenrades Derck Coenrades Iacob Luetyens Jan Tengnagel ende Hansken Drent ende Hermen Drent alle Egenarveden ende bueren van Helpman Actum in meester Jan Baertscherer hues by dat karchoff Sondages letare anno XXIIIIo
Claes Schaffer De Oevelgunne.
Beschreven zegelstaart.
de Erbare Clawess Scaffer Borgemester ande ene syde ende de Erbare unde walgeleerte mester Bunne Alberda
provisoer Wyllum Wicheringe, Lubbert Koninck, Claes Hinricks vogede inder tyt in dat convent
des hilligen geestes ende becanden saemtlike voer oer ende oeren erffgenamen ende nacomtlingen dat se een stede
vaste erffwyssel van landen myt malckanderen gedaen ende gemaket hebben in formen ende maneren
hyr nabescreven Inden ersten so dracht up ende gyft over in een stede wyssel ende coep de Ersame Clawes
vorscr. voer hem ende syne erffgenamen den vogeden vorscr. ende oeren nacomelingen tot behoeff ende profyt
des vorscr. convents ene venne landes gelegen buten der Ae poerte neven Doinghe horn over
daer Hinrick Hopenbinder myt tyn grase landes ingelegen ys na luede synre zegel ende breve
streckende westwert up Hogerkercken deep ende wech int oesten Roloff Huynge int zueden
mester Iohan van Beylen upt noerden naest by geswettet synt noch bet veer grase landes buten
de selve poerte daer salige Peter Iarges kinderen ende Gert Wychgeringe achte grase by hebben
liggen ende Deetghen Mepsche upt noerden ende dat convent vander Apel upt zueden ende Wygbolt
Lewe upt westen naest by gezwettet synen. Hyr en tegens so dragen up ende geven over provisoer ende voghe
den vorscr. voer oer ende oere nacomelingen den Erbaren Clawes vorscr. ende zyne erffgenamen een stucke
landes gelegen tendes buten den hogenwal byden Groenenborch so als Albert de meyer dat
nu inde huere hevet ende bruket bet vyff grase landes streckende byden hogen wal langes daer
de hogee (sic) wal int zueden by licht dat Albert oick inde huere hevet beholtelick Albert Papens ende
Grete zyn echte huesfrouwe dyt vorscr. landt inde huere oer levent lanck upsodane huere als
oer dat de vogeden vorscr. voerhuert hebben na vermeldinge segel ende breve de se daer van hebben
beholtlick oick dat vorscr. convent tot ewygen dagen een wech doer dyt vorscr. landt omme oer
reyt hoey ende rys daer uut to halen als hem dat van noeden ys sunder wederseggen oick sint
vorworden dat de parten vorscr. sullen desse wyssel malckanderen vry leveren ende waren voer alle
ansprake Ende hyr van sullen provisoer ende vogeden Clawes vorscr. stoick leggynge doen so wanner
het dat begert Sunder argelist Dat orkunde wy myt onsen Stadtz Segel gegeven inden iare onses heren dusent
vyffhundert veer ende twintich vrydages na Valentini do Peter Sickinge Luloff Coenrades Reint Duers ende Lub-
bert Clant Borgemestere weren onser Stadt.
DORSO : Item de stocklegginge desen breves hebben gedaen Willem Wycheringe ende Clawes Hinricksoen alle vulmachtich van des provisoers ende ander voegeden wegen dair by is gewest Hilbrant Roltman Evert Coenrades Derck Coenrades Iacob Luetyens Jan Tengnagel ende Hansken Drent ende Hermen Drent alle Egenarveden ende bueren van Helpman Actum in meester Jan Baertscherer hues by dat karchoff Sondages letare anno XXIIIIo
Claes Schaffer De Oevelgunne.
Beschreven zegelstaart.
x
| Archief | Groninger Archieven |
|---|---|
| Fonds | H.A. Gruys |
| Toegangsnummer | 521 |
| Inventarisnr. | 260 |
| Jaar | 1524 |
| Datumcode | VpValent |