| Nummer:hag100 | Datum: | Überlieferung:Origineel | Fundstelle:H.A. Gruys, inv.nr. 100 |
Ter eeren godes almachtich ys echtschup ende hylick tusschen des erbaren borghermester Albert Coenrades soene Berent Coenrades ende de erbare juffer Luetyen
Roltemans, zaelige Albert ende Wennetyen Roltemans dochter, by mande frunde raedt beraempt ghededinget ende besloten yn manieren ende hylixsforworden als nae
beschreven. Inden eersten soe ghyfft de Erbare Albert Coenrades vorscreven synen soene Berent Coenrades vorgen. yn hylixsforworden mede tho bodell
een heerdt lands groot synde dre ende tachtentich grasen landes die de meyer Johan van Ulsen nhu ther tydt gebruekende ys daer tho noch sess grasen
landes by den dyck de Peter Brundes nhu ghebruekende ys welckeer vorscr. dre ende tachtentich ende ses grasen landes (nha lude seghell ende breve daer
aff synde) gheleghen sinnen in dat karsspell tho Engelbert myt dyken ende all hoer thobehoer soe de aldaer gelegen sinnen. Noch twalff grasen landes
ghelegen yn dat karsspell tho Nordtwolde gheheten de Lamme Venne myt hoer thobehoer soe groot ende kleen als se aldaer gelegen sinnen de die meyer
Johan Krabbe yn groeningen nhu ther tydt bruekende ys Daer tho noch een hues by de Jacopyne daer Albert Glasemaeker nhu ter tydt yn
woent. Dusse vorscr. guederen sollen vry unde unbelastet wesen van enighe renten behalven de pacht de up de vor screven stede des hueses steyt de Grete
Gaeykema daer uuth hefft tho weten een philips gulden des jaers unde dusse vorscr. guederen sall Berent Coenrades niet weder ynbrebghen
dan sall daer mede affgescheyden wesen van syn leve vader ende zaelighe moeders guederen soe lange als syn leve vader vorscr. yn dem levende ys allent
nha lude der hylykesforworden de tusschen den Erbaren Albert Coenrades unde Koppen syn huesfrouwe ghemaket sinnen. Tho weten dat Berent Coenra-
des vorscr. sall then ende synes vaders doet in alle de overgebleven ghoederen tho vuller scheydinge gaen myt syne andere broederen unde susteren
als tho weten een broder sall soe voele untfangen als twe susters. Hyr en tegens brenckt de erbare Juffer Luetyen Roltemans yn
hylykesforworden anden Erbaren Berent Coenrades alle sodanige goederen als hoer van hoer salighe vader unde moeder grotevader ende grotemoeder
nhagelaten tho scheydinghe ghevallen sinnen nha lude des scheydebreves de tusschen hoer unde hoer leve broeder Wiltho Rolteman unde hoer leve susteren
ghemaket ys. Voert oeck alle sodanige guederen als se myt hoer suster Lamme Roltemans noch inde mande mach hebben. Noch sinnen hy-
lykesforworden storve Berent Coenrades offte Juffer Luety en Roltemans ene van beyden sunder wittelyke levendige geboerte in den levende
nhalatende soe sollen des doden angebrochte guederen weder arven up dat sibbeste bloeth daer se uuth heer gekomen sinnen myt de halve schade ende
bathe unde de halve tho gekoffte ende thogewunnen ghueder myt de halven tilber ghoeder unde wath tho des doden lyve hefft behoert. Ende off Berent
Coenrades vorscreven (daer Godt voer sy) storve voer Juffer Luetyen soe sall Juffer Luetyen vorscreven verbetert wesen uuth Berent Coen-
rades ghuederen myt veertich Embder guldens jaerlyke lyffrenthe de se myt allen rechten sall moegen manen uuth Berendts vorscreven ghue-
deren waer hoer dat best belevet. Storve oeck Juffer Luetyen vorscreven (daer Godt voer sy) voer Berent vor screven soe sall Berent vorscreven uuth
Juffer Luetyensghoederen verbetert wesen myt veertich Embder guldens jaerlyke lyffrenthe de he myt allen rechten sall moegen
maenen uuth Luetyens vorscreven guederen whaer hem best belevet. Gheve oeck Godt hem beyden kyndt offte kynderen ende ene van
hem beyden afflyvich worde soe sall dat kyndt offte kynderen hebben des doden angebrachte guederen myt scade unde de halve tho gewunnen unde thogekoffte
ghoederen myt de halve tylber guederen unde wath tho des doden lyve behoert hefft. Storve oeck alssdan noch dat kyndt offte kynderen
eer dat ghoet vorder bethogen where soe sall dat kyndt offte kynderen arven up synes vorstorven olders sibbeste bloeth daer de guederen uuth
heer gekomen sinnen. Noch ys bevorwert wheere idt saeke dat de Erbare Albert Coenrades vorscreven syne andere kynderen yn hylixsfor-
worden belovede dat kyndt offte kynderen sollen staen yn hoer olderen stede so sollen de kynder de Berent Coenrades vorscreven by Juffer Luetyen
vorscreven muchte krygen in hoers vaders Berent Coenrades stede staen gelyck dat in des Erbaren Johan Coenrades by lixsfbreeff (sic) verhaelt
ys. Sunder arghelist. In oerkunde der waerheydt soe hebben wy Albert Coenrades ende Wilthe Rolteman elck unsse szegell
witlyken an desen hylixsbreeff gehanghen inden iaere unses heren dusent vyffhundert acht ende vyfftich des vrydaghes voer Lichtmisse.
Roltemans, zaelige Albert ende Wennetyen Roltemans dochter, by mande frunde raedt beraempt ghededinget ende besloten yn manieren ende hylixsforworden als nae
beschreven. Inden eersten soe ghyfft de Erbare Albert Coenrades vorscreven synen soene Berent Coenrades vorgen. yn hylixsforworden mede tho bodell
een heerdt lands groot synde dre ende tachtentich grasen landes die de meyer Johan van Ulsen nhu ther tydt gebruekende ys daer tho noch sess grasen
landes by den dyck de Peter Brundes nhu ghebruekende ys welckeer vorscr. dre ende tachtentich ende ses grasen landes (nha lude seghell ende breve daer
aff synde) gheleghen sinnen in dat karsspell tho Engelbert myt dyken ende all hoer thobehoer soe de aldaer gelegen sinnen. Noch twalff grasen landes
ghelegen yn dat karsspell tho Nordtwolde gheheten de Lamme Venne myt hoer thobehoer soe groot ende kleen als se aldaer gelegen sinnen de die meyer
Johan Krabbe yn groeningen nhu ther tydt bruekende ys Daer tho noch een hues by de Jacopyne daer Albert Glasemaeker nhu ter tydt yn
woent. Dusse vorscr. guederen sollen vry unde unbelastet wesen van enighe renten behalven de pacht de up de vor screven stede des hueses steyt de Grete
Gaeykema daer uuth hefft tho weten een philips gulden des jaers unde dusse vorscr. guederen sall Berent Coenrades niet weder ynbrebghen
dan sall daer mede affgescheyden wesen van syn leve vader ende zaelighe moeders guederen soe lange als syn leve vader vorscr. yn dem levende ys allent
nha lude der hylykesforworden de tusschen den Erbaren Albert Coenrades unde Koppen syn huesfrouwe ghemaket sinnen. Tho weten dat Berent Coenra-
des vorscr. sall then ende synes vaders doet in alle de overgebleven ghoederen tho vuller scheydinge gaen myt syne andere broederen unde susteren
als tho weten een broder sall soe voele untfangen als twe susters. Hyr en tegens brenckt de erbare Juffer Luetyen Roltemans yn
hylykesforworden anden Erbaren Berent Coenrades alle sodanige goederen als hoer van hoer salighe vader unde moeder grotevader ende grotemoeder
nhagelaten tho scheydinghe ghevallen sinnen nha lude des scheydebreves de tusschen hoer unde hoer leve broeder Wiltho Rolteman unde hoer leve susteren
ghemaket ys. Voert oeck alle sodanige guederen als se myt hoer suster Lamme Roltemans noch inde mande mach hebben. Noch sinnen hy-
lykesforworden storve Berent Coenrades offte Juffer Luety en Roltemans ene van beyden sunder wittelyke levendige geboerte in den levende
nhalatende soe sollen des doden angebrochte guederen weder arven up dat sibbeste bloeth daer se uuth heer gekomen sinnen myt de halve schade ende
bathe unde de halve tho gekoffte ende thogewunnen ghueder myt de halven tilber ghoeder unde wath tho des doden lyve hefft behoert. Ende off Berent
Coenrades vorscreven (daer Godt voer sy) storve voer Juffer Luetyen soe sall Juffer Luetyen vorscreven verbetert wesen uuth Berent Coen-
rades ghuederen myt veertich Embder guldens jaerlyke lyffrenthe de se myt allen rechten sall moegen manen uuth Berendts vorscreven ghue-
deren waer hoer dat best belevet. Storve oeck Juffer Luetyen vorscreven (daer Godt voer sy) voer Berent vor screven soe sall Berent vorscreven uuth
Juffer Luetyensghoederen verbetert wesen myt veertich Embder guldens jaerlyke lyffrenthe de he myt allen rechten sall moegen
maenen uuth Luetyens vorscreven guederen whaer hem best belevet. Gheve oeck Godt hem beyden kyndt offte kynderen ende ene van
hem beyden afflyvich worde soe sall dat kyndt offte kynderen hebben des doden angebrachte guederen myt scade unde de halve tho gewunnen unde thogekoffte
ghoederen myt de halve tylber guederen unde wath tho des doden lyve behoert hefft. Storve oeck alssdan noch dat kyndt offte kynderen
eer dat ghoet vorder bethogen where soe sall dat kyndt offte kynderen arven up synes vorstorven olders sibbeste bloeth daer de guederen uuth
heer gekomen sinnen. Noch ys bevorwert wheere idt saeke dat de Erbare Albert Coenrades vorscreven syne andere kynderen yn hylixsfor-
worden belovede dat kyndt offte kynderen sollen staen yn hoer olderen stede so sollen de kynder de Berent Coenrades vorscreven by Juffer Luetyen
vorscreven muchte krygen in hoers vaders Berent Coenrades stede staen gelyck dat in des Erbaren Johan Coenrades by lixsfbreeff (sic) verhaelt
ys. Sunder arghelist. In oerkunde der waerheydt soe hebben wy Albert Coenrades ende Wilthe Rolteman elck unsse szegell
witlyken an desen hylixsbreeff gehanghen inden iaere unses heren dusent vyffhundert acht ende vyfftich des vrydaghes voer Lichtmisse.
x
| Archiv | Groninger Archieven |
|---|---|
| Bestand | H.A. Gruys |
| Zugangsnummer | 521 |
| Inventarnr. | 100 |
| Jahr | 1558 |
| Datumcode | VaPurMar |