| Nummer:hag097 | Datum: | Überlieferung:Origineel | Fundstelle:H.A. Gruys, inv.nr. 97 |
Wy Borgermestere ende Raidt in Gronyngen ??.. betuegen myt dessen openen breve dattet echt
schup ende hillick tusschen den erbaren Johan Mepsche unde Anna Fecken dochter
upt Sandt ?. ? ?.. nde raet geraempt gededinget ende besloten in maneren
na byscreven. Inden eersten sint se an beyden tsyden myt Johan Mepschenn
guederen tho vreden. Hyr tegens gyft Ffecke myt syn zoens ale Hinrick unde
Menolt mede vulmachtich hoer ander broderen syn dochter vorscr. in hillix vorwor
den mede tho bodele Zygersumma heert gelegen tho Engeweer inden kerspele tho
Wytwert myt alle syn toe behoer soe hem de angearvet sy, ende ofte daer enigen
renten up stunden lovet Ffecke myt synen zoenen daer voer tho staen Ock
sint hillix vorworden wert sake Ffeckem goede vorstorve sollen Johan Mepsche
unde Anna ofte hoer erffgenamen den heert soe se de ontffangen hebben weder inbren-
gen unde gaen als dan myt hoer broderen unde muster ter scheydinge na lant
rechte Oeck sint vorworden wert sake Johan unde Anna in huesynge wegen
vortymerden sall staen weder toe betalen Johan unde Annen tot gueder manna
seggen Oeck sint vorworden ofte hem godt witlicke geboerte geve unde den ene
van beyden storve soe soelon dat kint ofte kinderen de dan inde levende synt
nemen des doden guedt ofte daer dan gene kindere inden levende weren unde dan
ene van hem beyden storve soe solen de guedere van beyden arven daer sie
heer gekomen sint ofte oeck Johan dan starve voer Anne sunder witlicke
geboerte nalatende inden levende seo sall Anna vorbetert wesen uut Johan
Mepschen guederen dartich rynsen golden iaerlicker lyffrenten Storve oeck
Anna voer Johan Mepsche soe voescr. soe sall Johan vorbetert wesen twintich
rynsen gulden iaerlicker lyffrenten syn levent lanck unde neet langer Oeck sint
hillix vorworden dat alle toe gewunnen guederen schade unde bate soelen wesen
halff unde halff Sunder argelist dat orkunde wy myt unsen Stadts Segell gege-
ven inden iare unses heren dusent vyffhundert Soeven unde twintich saterdages na
conversionis Pauli doe Hilbrant Rolteman Evert Mepsche Eltet toe Lellens ende
Johan Scatter Borgermestere weren unser Stadt.
DORSO: Ffecke upt Sant.
Zegel verloren.
schup ende hillick tusschen den erbaren Johan Mepsche unde Anna Fecken dochter
upt Sandt ?. ? ?.. nde raet geraempt gededinget ende besloten in maneren
na byscreven. Inden eersten sint se an beyden tsyden myt Johan Mepschenn
guederen tho vreden. Hyr tegens gyft Ffecke myt syn zoens ale Hinrick unde
Menolt mede vulmachtich hoer ander broderen syn dochter vorscr. in hillix vorwor
den mede tho bodele Zygersumma heert gelegen tho Engeweer inden kerspele tho
Wytwert myt alle syn toe behoer soe hem de angearvet sy, ende ofte daer enigen
renten up stunden lovet Ffecke myt synen zoenen daer voer tho staen Ock
sint hillix vorworden wert sake Ffeckem goede vorstorve sollen Johan Mepsche
unde Anna ofte hoer erffgenamen den heert soe se de ontffangen hebben weder inbren-
gen unde gaen als dan myt hoer broderen unde muster ter scheydinge na lant
rechte Oeck sint vorworden wert sake Johan unde Anna in huesynge wegen
vortymerden sall staen weder toe betalen Johan unde Annen tot gueder manna
seggen Oeck sint vorworden ofte hem godt witlicke geboerte geve unde den ene
van beyden storve soe soelon dat kint ofte kinderen de dan inde levende synt
nemen des doden guedt ofte daer dan gene kindere inden levende weren unde dan
ene van hem beyden storve soe solen de guedere van beyden arven daer sie
heer gekomen sint ofte oeck Johan dan starve voer Anne sunder witlicke
geboerte nalatende inden levende seo sall Anna vorbetert wesen uut Johan
Mepschen guederen dartich rynsen golden iaerlicker lyffrenten Storve oeck
Anna voer Johan Mepsche soe voescr. soe sall Johan vorbetert wesen twintich
rynsen gulden iaerlicker lyffrenten syn levent lanck unde neet langer Oeck sint
hillix vorworden dat alle toe gewunnen guederen schade unde bate soelen wesen
halff unde halff Sunder argelist dat orkunde wy myt unsen Stadts Segell gege-
ven inden iare unses heren dusent vyffhundert Soeven unde twintich saterdages na
conversionis Pauli doe Hilbrant Rolteman Evert Mepsche Eltet toe Lellens ende
Johan Scatter Borgermestere weren unser Stadt.
DORSO: Ffecke upt Sant.
Zegel verloren.
x
| Archiv | Groninger Archieven |
|---|---|
| Bestand | H.A. Gruys |
| Zugangsnummer | 521 |
| Inventarnr. | 97 |
| Jahr | 1527 |
| Datumcode | SpConPau |