| Nummer:haf272 | Datum: | Overlevering:Origineel | Vindplaats:H.A. Farmsum, inv.nr. 0785, reg. 272 |
Wy Borgemester ende Raidt in Groningen betuegen myt desen openen breve dat voir ons synte gekomen de vulmach
tigen myt genoechsum bevel Luert Caters hoveling to Ffraem welker nu tohoeren sodanen leen
guederen als up de wester zydt van Ffolkeringe strate bynnen onsen Stad gelegen synt ende bekanden
dat se vordragen ende eens geworden synt myt den weerdigen ende hoichgeleerten mester
Hinrick Elderwolt doctor als hyr nabescreven is. Inden eersten dat mester Hinrick vorscr. ende sine nacomelingen
solen moegen up orer cost een holten staecket in de krimpe tusschen salige Johan Hoernekens
ende mester Hinrick vorgen. achterhuesen van Johan Hoernkens vorhues zuder gevel af hen int
zueden so veer als Johan Hoernken achterhues gaet. Dan so sal mester Hinrick vorgen. liggen laten
tusschen dat staeket ende de mure van Johan Hoernkens achterhues vyff voeten breet hen int
oesten so lanck als dat vorscr. arve is Ende off Luert vorgen. intocomenden tyden belevede de crimpe
myt mester Hinrick int gemeen to brueken so sal mester Hinrick vorscr. off syn nacomelingen
to vreden wesen dat Luert vorgen. dat staeket afbreket buten Luertz vorscre. scaden Ende mede sal mester
Hinrick vorscr. ende syne nacomelingen moegen bevreden up oir cost den ganck van syn achter
hues aff hen in Folkeringe strate ende de to brueken myt wagenen offt caren in ende uuth tho varen
gaen ende staen oir jairmalen uuth na oeren wyllen welcker ganck o ick mede brueken soelen
moegen Wolter steenmesseler ende Hanneke syn huesfrouwe oir levent lanck Ende in den Luert
vorscr. oft syn arfgenamen wolden den genck vorscr. den dair na mede brueken sal in oeren
wyllen staen Ende hyr voir sal mester Hinrick voirgen. ende syn nacomelingen geven des Iaers vyff stuver
Peter Steenmesseler syn iairmalen lanck de he nu hevet ende niet langer dairomme dat he
syn zytmure by den ganck langes loetrecht sal maken ende niet vorder uuth setten int noerden
dan syn mure an de strate nu is ende dair mede sal Peter vorscr. ende salige Yle Benninge
nacome linge ende erfgenamen van den ganck vorscr. alinge ende al afgeschot wesen sunder argelist Dat
Orkunde wy myt onsen Stadt Segel Gegeven inden iare onses heren dusent vyfhudert ende
vyfftyn des vrydages voir sunte Neerten inden winter do Hermen Lewe Peter Sickinge Luloff
Coenrades ende Roleff Huginge Borgemester weren onser Stadt.
DORSO: Doctor Elderwolt.
Zegelstaart beschreven.
tigen myt genoechsum bevel Luert Caters hoveling to Ffraem welker nu tohoeren sodanen leen
guederen als up de wester zydt van Ffolkeringe strate bynnen onsen Stad gelegen synt ende bekanden
dat se vordragen ende eens geworden synt myt den weerdigen ende hoichgeleerten mester
Hinrick Elderwolt doctor als hyr nabescreven is. Inden eersten dat mester Hinrick vorscr. ende sine nacomelingen
solen moegen up orer cost een holten staecket in de krimpe tusschen salige Johan Hoernekens
ende mester Hinrick vorgen. achterhuesen van Johan Hoernkens vorhues zuder gevel af hen int
zueden so veer als Johan Hoernken achterhues gaet. Dan so sal mester Hinrick vorgen. liggen laten
tusschen dat staeket ende de mure van Johan Hoernkens achterhues vyff voeten breet hen int
oesten so lanck als dat vorscr. arve is Ende off Luert vorgen. intocomenden tyden belevede de crimpe
myt mester Hinrick int gemeen to brueken so sal mester Hinrick vorscr. off syn nacomelingen
to vreden wesen dat Luert vorgen. dat staeket afbreket buten Luertz vorscre. scaden Ende mede sal mester
Hinrick vorscr. ende syne nacomelingen moegen bevreden up oir cost den ganck van syn achter
hues aff hen in Folkeringe strate ende de to brueken myt wagenen offt caren in ende uuth tho varen
gaen ende staen oir jairmalen uuth na oeren wyllen welcker ganck o ick mede brueken soelen
moegen Wolter steenmesseler ende Hanneke syn huesfrouwe oir levent lanck Ende in den Luert
vorscr. oft syn arfgenamen wolden den genck vorscr. den dair na mede brueken sal in oeren
wyllen staen Ende hyr voir sal mester Hinrick voirgen. ende syn nacomelingen geven des Iaers vyff stuver
Peter Steenmesseler syn iairmalen lanck de he nu hevet ende niet langer dairomme dat he
syn zytmure by den ganck langes loetrecht sal maken ende niet vorder uuth setten int noerden
dan syn mure an de strate nu is ende dair mede sal Peter vorscr. ende salige Yle Benninge
nacome linge ende erfgenamen van den ganck vorscr. alinge ende al afgeschot wesen sunder argelist Dat
Orkunde wy myt onsen Stadt Segel Gegeven inden iare onses heren dusent vyfhudert ende
vyfftyn des vrydages voir sunte Neerten inden winter do Hermen Lewe Peter Sickinge Luloff
Coenrades ende Roleff Huginge Borgemester weren onser Stadt.
DORSO: Doctor Elderwolt.
Zegelstaart beschreven.
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0785 |
| Regestnr. | 272 |
| Jaar | 1515 |
| Datumcode | VaMartin |