| Nummer:haf084 | Datum:16 jan. 1444 | Überlieferung:Origineel | Fundstelle:H.A. Farmsum, inv.nr. 0561, reg. 084 |
Wy Borgermestere ende raet in Groningen bekennen ende tughen mit dessen openen breve dat voer ons sint ghekomen ingherichte op onse raethuse Johannes Klant een clagher opde ene siit Idze Tuwinge also een schuldener
daer de claghe op ghinck ande ander siit. Also dat Johanes vorgenoemd claghede op Idsen vorgenoemd dat hie em ontweldeghede ende benaude siin andeel van Gaykumma heert ende lande mit sinen tobehoren gheleghen to
Kantense in Husinge lande dar saleghe Hero to Berum wandaghes plach tobehoeren daer hie int besit van
hadde gheweest ende de hure plach van to boren daer Idse vorgenoemd neen te seghede he en ontweldeghede em
neens landes vanden vorscreven heerde dat an siin andeel hoerde van welker claghe ende sake wy van beyden perten
woerde ende wederwoerde ghehoert hebben ende oer beyder bewiis vorstaen hebben. Also dat wy mit ordele
ende rechte Johan Klant vorscreven ende sinen erffgenamen wysen weder int besit vanden andeel van Gaykema heert ende
land mit sinen tobehoeren daer hie int besit van is gheweest ende de hure van gheboert hevet al want ter
tiit dat Idze vorgenoemd ofte sine erffgenamen Johannes ofte sine erffgenamen mit landrechte daer weder uutwynnen inden rechte
daer Gaykumma heerd ende de lande gheleghen sint. Ende mede bewyset ho groet ende wo vele dat Heren to
Berum vorscreven andeel was inder tiit oppe datum desses breves do hie siin andeel vorsatte ende vertichnisse dede an Reneke
Reensma hande daer Johannes Kland dat andeel van Gaykumma heerde ende lande vorgenoemd to Kantense voert van
ghecoft hevet also wy in breven gheseen hebben. In orkonde hebben wy onsen stad secreet hiir an ghehangen
Ghegeven ende ghewiist inden jaer onss heren dusent veerhondert veerendeveertich des donredaghes na sunte
Poncianus dach.
Zegel sur simple queue.
daer de claghe op ghinck ande ander siit. Also dat Johanes vorgenoemd claghede op Idsen vorgenoemd dat hie em ontweldeghede ende benaude siin andeel van Gaykumma heert ende lande mit sinen tobehoren gheleghen to
Kantense in Husinge lande dar saleghe Hero to Berum wandaghes plach tobehoeren daer hie int besit van
hadde gheweest ende de hure plach van to boren daer Idse vorgenoemd neen te seghede he en ontweldeghede em
neens landes vanden vorscreven heerde dat an siin andeel hoerde van welker claghe ende sake wy van beyden perten
woerde ende wederwoerde ghehoert hebben ende oer beyder bewiis vorstaen hebben. Also dat wy mit ordele
ende rechte Johan Klant vorscreven ende sinen erffgenamen wysen weder int besit vanden andeel van Gaykema heert ende
land mit sinen tobehoeren daer hie int besit van is gheweest ende de hure van gheboert hevet al want ter
tiit dat Idze vorgenoemd ofte sine erffgenamen Johannes ofte sine erffgenamen mit landrechte daer weder uutwynnen inden rechte
daer Gaykumma heerd ende de lande gheleghen sint. Ende mede bewyset ho groet ende wo vele dat Heren to
Berum vorscreven andeel was inder tiit oppe datum desses breves do hie siin andeel vorsatte ende vertichnisse dede an Reneke
Reensma hande daer Johannes Kland dat andeel van Gaykumma heerde ende lande vorgenoemd to Kantense voert van
ghecoft hevet also wy in breven gheseen hebben. In orkonde hebben wy onsen stad secreet hiir an ghehangen
Ghegeven ende ghewiist inden jaer onss heren dusent veerhondert veerendeveertich des donredaghes na sunte
Poncianus dach.
Zegel sur simple queue.
x
| Archiv | Groninger Archieven |
|---|---|
| Bestand | H.A. Farmsum |
| Zugangsnummer | 619 |
| Inventarnr. | 0561 |
| Regestnr. | 084 |
| Jahr | 1444 |
| Datumcode | JpPontia |