| Nummer:haf068 | Datum:19 mei 1440 | Overlevering:Origineel | Vindplaats:H.A. Farmsum, inv.nr. 0778, reg. 068 |
.
Ic Heddo to Ghershusen ende Aleke myn echte wyf bekennen ende tughen in dessen openen breve dat ic
hebbe vercoft stedes kopes ende vercope Blideken Fradema dre hundert landes gheleghen yn
Ghershuser hamric yn ene fenne gheheten de Neghen hundert dar op de noert syt licht Eppe
Sybakama lant ende op der suet syt ('Eppe) Hedden lant vorscreven licht ter swette streckende mitten osteren eynde op Ghershuser Maer mitten westeren eynde op Hedden heem vorscreven vor ene
summe gheldes de my wal betalt is tot mynen willen. Dit vorscreven lant wil ic Heddo vorscreven Blideken
vorscreven vry ende verdich waren to vercopene, to verwesselne ende to versetten oren vryen willen
daer mede to done sonder arghelist ende nye vonde. In orkunde der waerheit so hebbe ic Heddo vorscreven
ghebeden her Clawes nu ter tyt cureet to Ghershusen dessen breef voer my, voer Aleken myn
wyff ende voer onse erfgenamen to beseghelne ende ic Nycolaus cureet vorscreven hebbe myn seghel om bede
willen Hedden vorscreven beneden vorscreven beneden [sic] an dessen breef ghehanghen. Ghescreven int jaer ons heren
dusent vierhundert ende viertich des donredagen nae pinxsteren daghe.
AANTEKENINGEN: DORSO:
OVERLEVERING: origineel, perkament.
AUTHENTICERING: zegel sur double queue, verloren.
VINDPLAATS: RAGr, FARMSUM 778 R 68.
UITGAVE:
Ic Heddo to Ghershusen ende Aleke myn echte wyf bekennen ende tughen in dessen openen breve dat ic
hebbe vercoft stedes kopes ende vercope Blideken Fradema dre hundert landes gheleghen yn
Ghershuser hamric yn ene fenne gheheten de Neghen hundert dar op de noert syt licht Eppe
Sybakama lant ende op der suet syt ('Eppe) Hedden lant vorscreven licht ter swette streckende mitten osteren eynde op Ghershuser Maer mitten westeren eynde op Hedden heem vorscreven vor ene
summe gheldes de my wal betalt is tot mynen willen. Dit vorscreven lant wil ic Heddo vorscreven Blideken
vorscreven vry ende verdich waren to vercopene, to verwesselne ende to versetten oren vryen willen
daer mede to done sonder arghelist ende nye vonde. In orkunde der waerheit so hebbe ic Heddo vorscreven
ghebeden her Clawes nu ter tyt cureet to Ghershusen dessen breef voer my, voer Aleken myn
wyff ende voer onse erfgenamen to beseghelne ende ic Nycolaus cureet vorscreven hebbe myn seghel om bede
willen Hedden vorscreven beneden vorscreven beneden [sic] an dessen breef ghehanghen. Ghescreven int jaer ons heren
dusent vierhundert ende viertich des donredagen nae pinxsteren daghe.
AANTEKENINGEN: DORSO:
OVERLEVERING: origineel, perkament.
AUTHENTICERING: zegel sur double queue, verloren.
VINDPLAATS: RAGr, FARMSUM 778 R 68.
UITGAVE:
x
| Archief | Groninger Archieven |
|---|---|
| Fonds | H.A. Farmsum |
| Toegangsnummer | 619 |
| Inventarisnr. | 0778 |
| Regestnr. | 068 |
| Jaar | 1440 |
| Datumcode | JpPentec |