| Nummer:fal107 | Datum:2 dec. 1549 | Overlevering:Origineel | Vindplaats:F.A. Lewe, inv.nr. 0628, reg. 107 |
Ick Elso ten Veenhuijs Richter to Westerwolde, van wegen und Beveell des Edelen und Walgeboren Heren Kaerl Schenck Gheborenn
vrijheer to Toutenborch Heer toe Wedde und des landes Westerwolt dho kundt und bekenne mijt dussen mijnen openen
besegelden breve, wo voir mij sijnt gekomen und erschenen, in enen openen gehegeden gerichte, dair ick stede und stoell des
gherichtes hadde bekledet mijt kornoten und umbstandes als sick na rechte geboirde De Erentfeste und Erbare Juncker
Haije Addijngha van Westerwolde upter ener sijdt, und Nanne Johan to Lutkeloe Barber sijne echte huijsfrouwe und oren
oldesten sone Johanne und bekanden voir mij Richter vors. Eendrechtlijcken Inden selven gerichte Wo se samptlijckenn
mijt walbedachten und voirberaden Mode In enen steden unverbroken vasten erffwijssell Mit malkanderen haddenn
liefflijcken ghewijsselt und verdragen In nabescreven maneren Inden eersten dracht up und gift over de Erentfeste und
Erbare Juncker Haijo Addijnga voir em und sijnen erffgen. in enen steden vasten erffwijssell, Nanne Johans Berber sijn huijsfrow
Johan sijnen oldesten sone und oren erffgen. sodane gantze erven mijt heijden weijden holtinghen visscherien oick mijt alle
egendomen de to deselve arven behoren muchten, soe deselve arven to dusser tijt besitten und gebruken Hillewerts Rentes
to Vrisscheloe und oick bet Johan Hinrix to Vrijsscheloe Nichts dairvan utbesundert, so oir nabers an beiden sijden de besitten
und gebruken, und lovet voirt sunder emants wedderseggen sodane beijde arven vrij und veerdich sunder enige belasten
oft beswaringe darup sijnde to leveren an handen Nanne Johans Berber sijn huijsfrouw und oren sone Johan, und deselve
arven genoechsam mit breeff und segele to bekreftigen, und oft oick nader tijt olde breeff und segell to voirschijne quemen, soe
love wij perten vors. deselven, altijt to overleveren in handen dair se behoren. Hijr en tegen dragen up und geven over in enen
steden unverbroken erffwissell Nanne Johans Berber sijn huijsfrou und oren oldesten sone Johan, den Erentfesten unde
Erbaren Juncker Haije Addijnga van Westerwolde sodane arve to Lutkeloe, so Nanne Johans Berber sijn huijsfrouwe und Johan
oren sone selven gebruken und eme van sijnen saligen vader angeardt is mijt allen egendomen heijde weijde to water und
to lande, wo dat muchte gelegen wessen nijchtes dair van utbesundert, und loven datsulve arve, dem selven Erentfesten
Juncker Haije vors. sunder enighe lasten, off beswaringe dairup sijnde vrij to leveren, und malkanderen tot ewijghen
dagen sulx erffwissell vrij voir alle ansprake to waren, Darmit an beijden sijden to handelen, to verkopen, verwisselen
verpanden so idt een Ider gelevet und evenkompt sunder emants besperent Hijrmit hebben dusse vors. partien
sulcken erffwissell buten allen schaden voir den gemenen gerichte, met enen gronen struke malkanderen overgelevert
und alle gerechticheiden dairmit overgedragen nummer dairbet umme to spreken, oft niemants van orent wegen, geboren
oft ungeboren geestlijck off wertlijck, den stede und vast unverbroken to holden sunder enich argelist und nije vunden
dair meer in to trecken de dussen Jegenwoirdigen breeff muchte hinderen oft schaden und is gescheen In bijwesen als
kornoten des gerichtes Berent Langhe, Hinrick Langhe, Hermen then Lutkeloe, und meer vromen lude genoech Inn
merer oirkunde der wairheit hebbe ick Elso vors. mijn gerichte segell van rechtes wegen sampt de Erentfesten Juncker
Haijen segell under an dussen breeff gehangen In dem Jaer uns Heren dusent vijfhundert negen und veertich
den anderden dach december.
vrijheer to Toutenborch Heer toe Wedde und des landes Westerwolt dho kundt und bekenne mijt dussen mijnen openen
besegelden breve, wo voir mij sijnt gekomen und erschenen, in enen openen gehegeden gerichte, dair ick stede und stoell des
gherichtes hadde bekledet mijt kornoten und umbstandes als sick na rechte geboirde De Erentfeste und Erbare Juncker
Haije Addijngha van Westerwolde upter ener sijdt, und Nanne Johan to Lutkeloe Barber sijne echte huijsfrouwe und oren
oldesten sone Johanne und bekanden voir mij Richter vors. Eendrechtlijcken Inden selven gerichte Wo se samptlijckenn
mijt walbedachten und voirberaden Mode In enen steden unverbroken vasten erffwijssell Mit malkanderen haddenn
liefflijcken ghewijsselt und verdragen In nabescreven maneren Inden eersten dracht up und gift over de Erentfeste und
Erbare Juncker Haijo Addijnga voir em und sijnen erffgen. in enen steden vasten erffwijssell, Nanne Johans Berber sijn huijsfrow
Johan sijnen oldesten sone und oren erffgen. sodane gantze erven mijt heijden weijden holtinghen visscherien oick mijt alle
egendomen de to deselve arven behoren muchten, soe deselve arven to dusser tijt besitten und gebruken Hillewerts Rentes
to Vrisscheloe und oick bet Johan Hinrix to Vrijsscheloe Nichts dairvan utbesundert, so oir nabers an beiden sijden de besitten
und gebruken, und lovet voirt sunder emants wedderseggen sodane beijde arven vrij und veerdich sunder enige belasten
oft beswaringe darup sijnde to leveren an handen Nanne Johans Berber sijn huijsfrouw und oren sone Johan, und deselve
arven genoechsam mit breeff und segele to bekreftigen, und oft oick nader tijt olde breeff und segell to voirschijne quemen, soe
love wij perten vors. deselven, altijt to overleveren in handen dair se behoren. Hijr en tegen dragen up und geven over in enen
steden unverbroken erffwissell Nanne Johans Berber sijn huijsfrou und oren oldesten sone Johan, den Erentfesten unde
Erbaren Juncker Haije Addijnga van Westerwolde sodane arve to Lutkeloe, so Nanne Johans Berber sijn huijsfrouwe und Johan
oren sone selven gebruken und eme van sijnen saligen vader angeardt is mijt allen egendomen heijde weijde to water und
to lande, wo dat muchte gelegen wessen nijchtes dair van utbesundert, und loven datsulve arve, dem selven Erentfesten
Juncker Haije vors. sunder enighe lasten, off beswaringe dairup sijnde vrij to leveren, und malkanderen tot ewijghen
dagen sulx erffwissell vrij voir alle ansprake to waren, Darmit an beijden sijden to handelen, to verkopen, verwisselen
verpanden so idt een Ider gelevet und evenkompt sunder emants besperent Hijrmit hebben dusse vors. partien
sulcken erffwissell buten allen schaden voir den gemenen gerichte, met enen gronen struke malkanderen overgelevert
und alle gerechticheiden dairmit overgedragen nummer dairbet umme to spreken, oft niemants van orent wegen, geboren
oft ungeboren geestlijck off wertlijck, den stede und vast unverbroken to holden sunder enich argelist und nije vunden
dair meer in to trecken de dussen Jegenwoirdigen breeff muchte hinderen oft schaden und is gescheen In bijwesen als
kornoten des gerichtes Berent Langhe, Hinrick Langhe, Hermen then Lutkeloe, und meer vromen lude genoech Inn
merer oirkunde der wairheit hebbe ick Elso vors. mijn gerichte segell van rechtes wegen sampt de Erentfesten Juncker
Haijen segell under an dussen breeff gehangen In dem Jaer uns Heren dusent vijfhundert negen und veertich
den anderden dach december.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0628 |
| Regestnr. | 107 |
| Jaar | 1549 |
| Datumcode | 0212 |