Nederlands (NL)  German (DE)
Nummer:fal091 Datum: Overlevering:Afschrift Vindplaats:F.A. Lewe, inv.nr. 0080, fol. 40r, reg. 091

Bron Recto Dorso Vertaling Relatie Zegels Materiaal Literatuur Index N.B.
Ick Herman van Woldenborch Richter tot Genderyngen
end thot etten van wegen end uth bevell des Eddelen end Walge-
barenn Junckeren Oissewoldt Graeff van den Berge Heer thom
Bilandt Hedell Homoet end Wis Do kondt end bekenne Dat
vor my end gerichtz lude hir nabesch. gekomen is de Erber Haye
van Westerwolde end sprack an mit Recht Berndt van Hack
fordt Drost des Landes van den Berge, end thoe Schulenborch
um eyn kundt der warheit wes en wittich und kundich weer
van der ynnemynge des Husses Wedde up Westerwoldyger
Landt welck gescheyt weer by tyden myns selgen Heren van
Gelre dar Berndt vors. mede was als eyn averst van wegen
des fursten vors durch watt orsack de furste sulxs hefft laten
doen end werdt sacke Dat de Drost vors. sijn warheyt dar
mit van segen en wolde, en wolde Haye vors. nit lyden um
twe Dusent gl. gl. end den scaden mit recht end gestandes gerichts
eyn recht anthwort Darup antwort Berndt van Hackfordt sych
den scaden unschuldich end secht Dat eth eyn tidt geleden ys
Int Jaer van xxx umtrent mitfasten Dat de furst van Gelre
eyn deell knecht hefft laten vergaderen end my tho der tidt bevel
dede Ick solde mit den vors. knechten trecken up Westerwolde
mit Roleff Hugynck Drost ynt Olde ampt end beseen offt
Ick van syn f.G. wegen konde dat hues Wedde eraveren, um
dat Olde Ampt tho velyger mogen beschermen end oick de van
Gronyngen tho bett yn dwange tho holden end dat dor eth ver=
follich van Roleff Huginck als eyn Drost van den Olden Ampt
vors. Oick vragede Haye vorsch. den Drosten vors. off dat hues
so yngenamen weer dorch enige orsack de die furst up de weduwe
van Westerwolde myt eren kinderen gehadt hefft off niet sacht
Berndt vors. Dat en nit kundich en wer van eynigen Reden
offt orsack de furst up de vors. weduwe offt er kinder hebben
mocht, Dan allein dorch eth vervollich end onderrichtunge van
de Drosten Roleff Hugijnck Dit vors. hefft de Drost Berndt
van Hackfordt van my Herman van Woldenborch Richter
vors. geholden als recht ys Orkunde gerichtz lude Johannes
van Reynen end Frederick Horstinck so men dan schuldich is eyn
Ideren eyn getuch der warheit tho geven. Heb Ick Herman van
Woldenborch Richter vors. myn segell upt spatium desses brieffs
gedruckt. Gegeven in dem Jaer unsses Heren Dusent viffhun=
dert end verttich des Maendages na Sancte Dionisij.
Recto:
x
x
Archief Groninger Archieven
Fonds F.A. Lewe
Toegangsnummer 547
Inventarisnr. 0080
Fol.nr. fol. 40r
Regestnr. 091
Jaar 1540
Datumcode LpDionys
x
x
Materiaal papier