| Nummer:fal087 | Datum:25 aug. 1538 | Overlevering:Afschrift | Vindplaats:F.A. Lewe, inv.nr. 0124, fol. 27r, reg. 087 |
Kaerle Byder gracien gods Roomssche keyser altyt
vermeerder srycx Coninck van germanien van Castillien van
Leon van grenade van Arragon van Navarre van napels van
Cecillien van Maillorque van sardenie vanden eylanden van
Indien ende vasten lande vander Zee occeane etc. Ertshertoghe
van Oistenrycke Hertoge van bourgoingnen van Lothric van
brabant van lembourg van Luxembourg ende van Gelre,
Grave van vlaenderen van artois van bourgoingnen
Palsgrave ende van Henegouwe van Hollandt van Zeelandt
ferrette van Haguenault van Namen ende van Zutphen,
Prince van Zwane marcgrave des Heylich Rycx, heere van
vrieslandt van salms van mechelen vander stadt steden ende
landen van Utrecht Overyssel ende groeningen, Ende dommaten
In asie ende In affrique. Allen den genen die desen onsen
brieff sullen sien saleyt, Also wy by andere onse opene
brieven up huyden datum van desen ende om de Redenen
Daer Inne begrepen onsen lieven ende getrouwen Redder van
onser ordene Raidt ende stathouder generael van onsen landen
van vrieslandt Overyssel ende Groningen mitten toebehoerten
Heren georgien Schenck vryheere tot tautemburgh,
Begifftet hebben van thuys ende slot tot Wedden mitten landen
Dorpen ende Heerlyckheyden van westerwoldingerlant ende
bellinckwolde ende Heuren toebehoorten Inde plaetse ende In
minderinge van eene Rente van duysent gulden current
tsiaers ter lossinge den penninck sesthiene hem van onsen
wegen geputeert ende toegeseyt In Recompensie vandie
Diensten by hem gedaen Int conquesteren van groeningen
vanden dam Delffzyl wedden coevorden metter Drenthe,
ende andere vlecken Int Jaer sessendertich lestleden, Maer
want tvoorschreven Huys ende slot tot wedden mitten Landen
Dorpen ende Heerlyckeyden van westwoldingerlant, bellinckwolde
ende Hueren toebehoorten nae de estimacie Hieraff gedaen
Jaerlicx bevonden Is weerdich te wesene De somme van
soven hondert gulden current tsiaers zoe dat hem noch gebreken
te bewysen drye hondert gulden tsiaers. Doen te wetene dat
des voors Is aengemerct zunderlinge de goede menichfuldige
ende getrouwe Diensten Die de voern. Heere georgie schenck
ons gedaen heeft soe voors Is ende hopen noch In toecommende
tyden Doen sall. Wy om dese ende andere Redenen ons daertoe
mouverende Gehadt hierup tadvys ende goetbedunckt van
onser zeer lieve ende fruntlicker suster vrouwe marie Coninginne
Donagiere van Hongrien van bohemen rc. voer ons Regente
gouvernante In onsen landen van Herwertsoner hebben den
voern. Heeren georgien schenck voer hem ende syne wettige
soenen ende dochteren ende andere naecommelingen van hem
wettigen bedde ende Rechte linye nederdalende ende
Descenderende, Gegunt geaccordeert ende bewesen gunnen
accorderen ende bewysen by desen voor ons onse erven ende
naecommelingen van heeren ende vrouwen van groningen
ende groningerlandt Eene erffelycke Rente van drye
hondert gulden corrent tsiaers tot twintich stuvers stuck
In voldoeninge vande duysent guldenen tsiaers hem van
onsen wegen gegunt ende In minderinge vande welcke
tvoors slot van wedde De Heerlycheden van westwoldingerlant
bellinckwolde ende Huere toebehoorten hem by ons gegeven
syn zoe voers Is, Om vande voors Rente van drye hondert
guldenen Jaerlycx betaelt te worddene van onsen Jaertax
van twaelff Duysent guldenen tsiaers Die wy Jaerlicx
heffen van onser stadt van groningen mitten omlanden
By handen van onsen Rentmeister aldaer Indertyt synde
telken telken kerssavont Daeraff kerssavont XVC negen
ende Dertich Dat eerste Jaer verschenen sall wesen.
Behoudelick dat de voern. Heere georgie schenck syne
vors erven ende nacomelingen gehouden werden de selve
Rente van drye hondert guldenen tsiaers te houden te leene
van ons onse voers erven ende naecommelingen In alder
manieren als de andere Heerlicheyden van wedde westwoldingerlant
bellinckwolde ende huere toebehoerten ter tyt toe dat die
verstorven oft gelost zullen wesen by ons onse erven ende
nacommelingen mitten penninck sesthiene, Daeroff de voern.
Heere georgie schenck gehouden wert syne contrebrieven
In behoerlicke vorme te gevene ende geselve mit desen
onsen tegenwoerdigen brieff te leveren In ons Rekencamere
van hollant om aldaer besteet ende tonser sekerheyt
geregistreert te wordene Ende dat bynnen Eenen Jaere
naestcommende Ontbieden daeromme ende bevelen onsen
lieven ende getrouwen Die hoofft ende luyden van onsen
Raede van staete secreten ende fynancien den luyden van
onsen Rekeningen In hollant Hooftmannen van groningen
ende allen anderen onsen Rechteren officieren ende ondersaten
Dien Dit angaen sall, Dat zy Den voern. Heeren
Georgen schenck syne erven ende naecommelingen doen laten
ende gedoogen van dese onse ghifte accordt ende bewysinge op
de condicien ende Inder manieren voers Rustelick ende
vredelick genyeten ende gebruicken, Procederende byden
Hooffden tresorier generael ende gecommitteerde van onsen
fynancien ende luyden van onsen Rekencamere In hollandt
verifficatie ende Intermement van desen nae huere vorme
ende Inhouden, Ende overbringende by onsen Rentmeester
van groningen voor eens ende Deerste Reyse vidimus oft
copie autentycke van desen onsen brieve ende tot elcken
termyne ende betalinge quitancie Hierop Dienende alleenlic.
Wy willen all tgene Dat den voern. Heren Georgien schenck
syn erven ende nacommelingen ter causen vors betaelt
sall wesen, geleden ende gepasseert zy Int vuytgeven der
Rekeningen ende affgecort vanden ontfanck ons vors Rentens
Inder tyt zynde Byden voern. luyden van onsen Rekenmr.
In hollandt, Den welcken wy bevelen Dat alsoo te doene
zonder eenige zwaricheyt want ons alsoe gelieff, Nyet
Jegenstaende eenige ordonnancen Restrictien mandementen
geboden oft verboden ter contraryen Des torconden zoe hebben
wy onsen zeghel hier aen doen hangen, Gegeven In onsen
stadt van brussel den vyff ende twintichsten dach van augusto
Int Jaer ons Heren Duysent vyffhondert acht ende dertich
van onsen keyserrycke Txixte Ende van onsen Coninckrycke
van Castillien ende anderen Txxiite Opten plicke staet gescr.
Byden keyser Die Coninginne Regente die eerweersichste
eersbisschop van palerme hooft vanden secreten Rade Die grave van
Hoichstrate Die Heer van molenbars hooffden Heer Jan Ressault
Heer van nenseille Ridder mr. vincent Cornelis ende gecommitteerde
vanden financien ende ander Jegewordich, Onderteyckent G pensart
Noch staet upten pliche geschreven Gesien byden vanden
Rekenmr. In hollant Desen brieve, Hebben zy die doen
Regren. Inden eersten Regre. der saicken des lants van
Overyssele beginnende In marcio Dertich folys XLII ende XLIIIo
conform dordennancien vander keyr. mat. hier boven, den IXden
Dach septembris anno XVC negen ende dertich, Onderteyckent
Renoy, Ende upten Rugge staet geschreven Die hooffden
tresorier generael ende gecommitteerde up tstuck vanden Demeynen
ende financien ons Heeren Des keysers Consenteren zoe verre als
In hen Is Dat tinhouden Int witte van Desen worde gefurneert
ende volbracht In alder vormen ende manieren als de zelve
zyne maiesteyt Dat willt ende bevele by de zelve brieven gedaen
te wordene, Geschreven onder de hanteyckenen vanden
zelven hoffden tresorier ende gecommitteerde opten XXIII Dach van meerte
anno XVC XXXVIII voor paesschen, Onderteyckent R. de
Lalaing Phle de lanoy, Ruffault, XXC Cornelis
Is besegelt myt keyr. mat. wthangende seghel van Roden
wasse.
Collationeert tegens tprincipael
ende Concordeert By my
Bartholt Cloij
vermeerder srycx Coninck van germanien van Castillien van
Leon van grenade van Arragon van Navarre van napels van
Cecillien van Maillorque van sardenie vanden eylanden van
Indien ende vasten lande vander Zee occeane etc. Ertshertoghe
van Oistenrycke Hertoge van bourgoingnen van Lothric van
brabant van lembourg van Luxembourg ende van Gelre,
Grave van vlaenderen van artois van bourgoingnen
Palsgrave ende van Henegouwe van Hollandt van Zeelandt
ferrette van Haguenault van Namen ende van Zutphen,
Prince van Zwane marcgrave des Heylich Rycx, heere van
vrieslandt van salms van mechelen vander stadt steden ende
landen van Utrecht Overyssel ende groeningen, Ende dommaten
In asie ende In affrique. Allen den genen die desen onsen
brieff sullen sien saleyt, Also wy by andere onse opene
brieven up huyden datum van desen ende om de Redenen
Daer Inne begrepen onsen lieven ende getrouwen Redder van
onser ordene Raidt ende stathouder generael van onsen landen
van vrieslandt Overyssel ende Groningen mitten toebehoerten
Heren georgien Schenck vryheere tot tautemburgh,
Begifftet hebben van thuys ende slot tot Wedden mitten landen
Dorpen ende Heerlyckheyden van westerwoldingerlant ende
bellinckwolde ende Heuren toebehoorten Inde plaetse ende In
minderinge van eene Rente van duysent gulden current
tsiaers ter lossinge den penninck sesthiene hem van onsen
wegen geputeert ende toegeseyt In Recompensie vandie
Diensten by hem gedaen Int conquesteren van groeningen
vanden dam Delffzyl wedden coevorden metter Drenthe,
ende andere vlecken Int Jaer sessendertich lestleden, Maer
want tvoorschreven Huys ende slot tot wedden mitten Landen
Dorpen ende Heerlyckeyden van westwoldingerlant, bellinckwolde
ende Hueren toebehoorten nae de estimacie Hieraff gedaen
Jaerlicx bevonden Is weerdich te wesene De somme van
soven hondert gulden current tsiaers zoe dat hem noch gebreken
te bewysen drye hondert gulden tsiaers. Doen te wetene dat
des voors Is aengemerct zunderlinge de goede menichfuldige
ende getrouwe Diensten Die de voern. Heere georgie schenck
ons gedaen heeft soe voors Is ende hopen noch In toecommende
tyden Doen sall. Wy om dese ende andere Redenen ons daertoe
mouverende Gehadt hierup tadvys ende goetbedunckt van
onser zeer lieve ende fruntlicker suster vrouwe marie Coninginne
Donagiere van Hongrien van bohemen rc. voer ons Regente
gouvernante In onsen landen van Herwertsoner hebben den
voern. Heeren georgien schenck voer hem ende syne wettige
soenen ende dochteren ende andere naecommelingen van hem
wettigen bedde ende Rechte linye nederdalende ende
Descenderende, Gegunt geaccordeert ende bewesen gunnen
accorderen ende bewysen by desen voor ons onse erven ende
naecommelingen van heeren ende vrouwen van groningen
ende groningerlandt Eene erffelycke Rente van drye
hondert gulden corrent tsiaers tot twintich stuvers stuck
In voldoeninge vande duysent guldenen tsiaers hem van
onsen wegen gegunt ende In minderinge vande welcke
tvoors slot van wedde De Heerlycheden van westwoldingerlant
bellinckwolde ende Huere toebehoorten hem by ons gegeven
syn zoe voers Is, Om vande voors Rente van drye hondert
guldenen Jaerlycx betaelt te worddene van onsen Jaertax
van twaelff Duysent guldenen tsiaers Die wy Jaerlicx
heffen van onser stadt van groningen mitten omlanden
By handen van onsen Rentmeister aldaer Indertyt synde
telken telken kerssavont Daeraff kerssavont XVC negen
ende Dertich Dat eerste Jaer verschenen sall wesen.
Behoudelick dat de voern. Heere georgie schenck syne
vors erven ende nacomelingen gehouden werden de selve
Rente van drye hondert guldenen tsiaers te houden te leene
van ons onse voers erven ende naecommelingen In alder
manieren als de andere Heerlicheyden van wedde westwoldingerlant
bellinckwolde ende huere toebehoerten ter tyt toe dat die
verstorven oft gelost zullen wesen by ons onse erven ende
nacommelingen mitten penninck sesthiene, Daeroff de voern.
Heere georgie schenck gehouden wert syne contrebrieven
In behoerlicke vorme te gevene ende geselve mit desen
onsen tegenwoerdigen brieff te leveren In ons Rekencamere
van hollant om aldaer besteet ende tonser sekerheyt
geregistreert te wordene Ende dat bynnen Eenen Jaere
naestcommende Ontbieden daeromme ende bevelen onsen
lieven ende getrouwen Die hoofft ende luyden van onsen
Raede van staete secreten ende fynancien den luyden van
onsen Rekeningen In hollant Hooftmannen van groningen
ende allen anderen onsen Rechteren officieren ende ondersaten
Dien Dit angaen sall, Dat zy Den voern. Heeren
Georgen schenck syne erven ende naecommelingen doen laten
ende gedoogen van dese onse ghifte accordt ende bewysinge op
de condicien ende Inder manieren voers Rustelick ende
vredelick genyeten ende gebruicken, Procederende byden
Hooffden tresorier generael ende gecommitteerde van onsen
fynancien ende luyden van onsen Rekencamere In hollandt
verifficatie ende Intermement van desen nae huere vorme
ende Inhouden, Ende overbringende by onsen Rentmeester
van groningen voor eens ende Deerste Reyse vidimus oft
copie autentycke van desen onsen brieve ende tot elcken
termyne ende betalinge quitancie Hierop Dienende alleenlic.
Wy willen all tgene Dat den voern. Heren Georgien schenck
syn erven ende nacommelingen ter causen vors betaelt
sall wesen, geleden ende gepasseert zy Int vuytgeven der
Rekeningen ende affgecort vanden ontfanck ons vors Rentens
Inder tyt zynde Byden voern. luyden van onsen Rekenmr.
In hollandt, Den welcken wy bevelen Dat alsoo te doene
zonder eenige zwaricheyt want ons alsoe gelieff, Nyet
Jegenstaende eenige ordonnancen Restrictien mandementen
geboden oft verboden ter contraryen Des torconden zoe hebben
wy onsen zeghel hier aen doen hangen, Gegeven In onsen
stadt van brussel den vyff ende twintichsten dach van augusto
Int Jaer ons Heren Duysent vyffhondert acht ende dertich
van onsen keyserrycke Txixte Ende van onsen Coninckrycke
van Castillien ende anderen Txxiite Opten plicke staet gescr.
Byden keyser Die Coninginne Regente die eerweersichste
eersbisschop van palerme hooft vanden secreten Rade Die grave van
Hoichstrate Die Heer van molenbars hooffden Heer Jan Ressault
Heer van nenseille Ridder mr. vincent Cornelis ende gecommitteerde
vanden financien ende ander Jegewordich, Onderteyckent G pensart
Noch staet upten pliche geschreven Gesien byden vanden
Rekenmr. In hollant Desen brieve, Hebben zy die doen
Regren. Inden eersten Regre. der saicken des lants van
Overyssele beginnende In marcio Dertich folys XLII ende XLIIIo
conform dordennancien vander keyr. mat. hier boven, den IXden
Dach septembris anno XVC negen ende dertich, Onderteyckent
Renoy, Ende upten Rugge staet geschreven Die hooffden
tresorier generael ende gecommitteerde up tstuck vanden Demeynen
ende financien ons Heeren Des keysers Consenteren zoe verre als
In hen Is Dat tinhouden Int witte van Desen worde gefurneert
ende volbracht In alder vormen ende manieren als de zelve
zyne maiesteyt Dat willt ende bevele by de zelve brieven gedaen
te wordene, Geschreven onder de hanteyckenen vanden
zelven hoffden tresorier ende gecommitteerde opten XXIII Dach van meerte
anno XVC XXXVIII voor paesschen, Onderteyckent R. de
Lalaing Phle de lanoy, Ruffault, XXC Cornelis
Is besegelt myt keyr. mat. wthangende seghel van Roden
wasse.
Collationeert tegens tprincipael
ende Concordeert By my
Bartholt Cloij
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0124 |
| Fol.nr. | fol. 27r |
| Regestnr. | 087 |
| Jaar | 1538 |
| Datumcode | 2508 |