| Nummer:fal063 | Datum: | Overlevering:Origineel | Vindplaats:F.A. Lewe, inv.nr. 0006, reg. 063 |
Ick Roleffh van Munster inder tyt droste averste rychter ende amptman to Covorde ende des lands van Drenthe
make kondt allen lueden myt desen openen besegelden breve dat ick in enen openen gehegeden gherychte geseten
hebbe myne koernoten nabescreven by my gehadt als recht is dair voir my is gekomen die Erbere Wigbolt
Lewe myt jonffer Wobbe syn echte huesfrouwe thonende hoeren hylixbrieff van der stadt van Gronynghen
besegelt den ick ongecancelliert ende onverbroken bevonden heb dair inne bevorwoert sie beyden malkanderen
tmoighen belyfftuchtighen. Des te meerder sekerheyt hefft Wigbolt Lewe aldair inden selven gherychte
gegheven ende gemaket jonffer Wobben synre huesfrouwen voirscreven tot ener rechter lyfftucht syn erve ende guedt
toe Peyse dair sie nu ter tyt op wonen myt hues ende have ende myt alle synen to behoeren dat hie ende syn
huesfrouwe voirscreven dair toe gebruyken ende inden ker- spill van Peyse geleghen unde dair to hefft Wigbolt Lewe
voirscreven gegeven ende gemaket jonffer (sic) synre hues- frouwen voirscreven ter lyfftucht ende jonffer Wobbe myt hoeren
gekoeren ende gesatten momber Steven ter Borch weder ge- gheven ende gemaket Wigbolt Lewen hoeren echten manne
ende lieven huesheren ter lyfftucht elck den anderen ter rechter lyfftucht vollenkomelyke ende onverbroecklyck
beghyfftighet ende betuchtighet myt alle hoiren tylberen guede replick ende onreplick levendighe have
klenoden golt silver gemuntet ende ongemuntet dat sie nu ter tyt hebben oft noch kryghen moighen
nyet dair van uutgenomen. Oick ghene witlyke boerte noch nymants dair ane behynderende beholtlyken
wes nae dode hoeren beyden van den voirscreven guede achtergelaten mochte worden dat dat sall weder erven
dair dat nae rechte behoirt offte gheervet solde hebben gelyck ende als oft dese lyftucht nycht gemaket
hadde geweest. Ende loveden elck den anderen dit allent voirgeruert to waeren ende rechte wairschap tdone
voir hem ende voir hoeren erfgenamen ende voir all die dair myt rechte up spreken moighen sonder
all argelist. Hyr hebben an ende over geweest koernoten deses gerychts Johan Visscher, Inloff? Spaen ende
meer gueder luede genoich in een tuech der wairheyt so heb ick Roloff van Munster droste ende rychter
voirscreven van gerychts weghen ende mede omme bede Wig bolt Lewen ende synre huesfrouwen myt hoeren
momber voirscreven myn segell tot ener rechter oirkonde hyr beneden angehanghen. Gegheven inden jair
unss heren vyffthynhondert ende elven op Mey avont.
make kondt allen lueden myt desen openen besegelden breve dat ick in enen openen gehegeden gherychte geseten
hebbe myne koernoten nabescreven by my gehadt als recht is dair voir my is gekomen die Erbere Wigbolt
Lewe myt jonffer Wobbe syn echte huesfrouwe thonende hoeren hylixbrieff van der stadt van Gronynghen
besegelt den ick ongecancelliert ende onverbroken bevonden heb dair inne bevorwoert sie beyden malkanderen
tmoighen belyfftuchtighen. Des te meerder sekerheyt hefft Wigbolt Lewe aldair inden selven gherychte
gegheven ende gemaket jonffer Wobben synre huesfrouwen voirscreven tot ener rechter lyfftucht syn erve ende guedt
toe Peyse dair sie nu ter tyt op wonen myt hues ende have ende myt alle synen to behoeren dat hie ende syn
huesfrouwe voirscreven dair toe gebruyken ende inden ker- spill van Peyse geleghen unde dair to hefft Wigbolt Lewe
voirscreven gegeven ende gemaket jonffer (sic) synre hues- frouwen voirscreven ter lyfftucht ende jonffer Wobbe myt hoeren
gekoeren ende gesatten momber Steven ter Borch weder ge- gheven ende gemaket Wigbolt Lewen hoeren echten manne
ende lieven huesheren ter lyfftucht elck den anderen ter rechter lyfftucht vollenkomelyke ende onverbroecklyck
beghyfftighet ende betuchtighet myt alle hoiren tylberen guede replick ende onreplick levendighe have
klenoden golt silver gemuntet ende ongemuntet dat sie nu ter tyt hebben oft noch kryghen moighen
nyet dair van uutgenomen. Oick ghene witlyke boerte noch nymants dair ane behynderende beholtlyken
wes nae dode hoeren beyden van den voirscreven guede achtergelaten mochte worden dat dat sall weder erven
dair dat nae rechte behoirt offte gheervet solde hebben gelyck ende als oft dese lyftucht nycht gemaket
hadde geweest. Ende loveden elck den anderen dit allent voirgeruert to waeren ende rechte wairschap tdone
voir hem ende voir hoeren erfgenamen ende voir all die dair myt rechte up spreken moighen sonder
all argelist. Hyr hebben an ende over geweest koernoten deses gerychts Johan Visscher, Inloff? Spaen ende
meer gueder luede genoich in een tuech der wairheyt so heb ick Roloff van Munster droste ende rychter
voirscreven van gerychts weghen ende mede omme bede Wig bolt Lewen ende synre huesfrouwen myt hoeren
momber voirscreven myn segell tot ener rechter oirkonde hyr beneden angehanghen. Gegheven inden jair
unss heren vyffthynhondert ende elven op Mey avont.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0006 |
| Regestnr. | 063 |
| Jaar | 1511 |
| Datumcode | vMei |