Nederlands (NL)  German (DE)
Nummer:fal046 Datum:8 maart 1486 Overlevering:Origineel Vindplaats:F.A. Lewe, inv.nr. 0615, reg. 046

Bron Recto Dorso Vertaling Relatie Zegels Materiaal Literatuur Index N.B.
Wy Hinrick van gots genaden Bisscop to Munster ende der hilger kercken to Bremen Administrator doen kundt Als unse leve getruwe Haye Adinges van Westerwolde sich boven dat he syne
olderen, vorfaeren unde gemeyne Raetmannen, undersaten ende inwonners des alingen landes to Westerwolde unsen vorfaeren uns unde unser kercken unde unsen gestichte van Munster togedaen unde verbunden
gewest hebn unde noch synt nu to uns unser kercken nakomelingen unde gestichte van Munster vorder gegeven dat Slott to Wedde ingegeven unde gedaen hevet dar up he uns ock etzlige
verschrivinge hevet gedaen de van worden to worden hyr na volget ludende aldus:
VOLGT : LEWE 45 INV. 615.
..... So bekennen wy Hinrick Bisscop unde Administrator vorscr. vor uns unde unse nakomelinge dat wy den vorscr. Hayen Adinges
van Westerwolde unde syne erven in unse unser nakomelinge kercken unde gestichts vorscr. beschuddinge bescherminge undersateschap unde tobehoringe genomen hebben unde nemen avermitz
dessen breve der to mogen gebruken unde willense verdedingen der wy erer mechtich synt by uns rechtes to plegende als ander unse undersaten unde hebn ock dat Slott to Wedde mit allen
synen tobehoringen to des guden sunte Pauwels unser unser (sic) kercken nakomelingen unde gestichts van Munster nut behoff unde besten ontfangen unde angenomen dar de vorscr. Haye unde syne
erven vorscr. unse Amptlude zyn unde bliven unde dat van unser wegen unde to unsen besten vorwaren sollen. Doch mogen se der Renthen unde tobehoringen des Slots vorscr. to eren besten
gebruken sunder upslach off rekenschap uns unde unsen nakomelingen dar van to derven doen utgesacht unse honregulde unde Haye vorscr. unde mach dat vorscr. Slott weder laten tymmeren
unde vesten in maten unde nicht anders als dat de verschrijvinge Hayen vorscr. hyr vorgeschreven uthwiset. Beholtlick ock uns unde unsen nakomelingen verledeginge des Slots vorscr. mit
syner tobehoringe off Haye vorscr. sunder echte kynder dat god verbede storve ende afflyvich worde als dat ock des vorscr. Hayen vorgerorde verschrijvinge uthwyst unde hebn des in Orkunde
unde to tuge der warheit unse Segell vor uns unde unse nakomelinge an dessen breff doen hangen. Gegeven in dem Iare unses heren Dusent vierhundert Sess ende Tachtentich des gudensdages
na demen Sundage Letare welcker was de Achtede dach des Maendes Martij.
Recto:
Dorso:
x
x
Archief Groninger Archieven
Fonds F.A. Lewe
Toegangsnummer 547
Inventarisnr. 0615
Regestnr. 046
Register Feith 1486.041
Jaar 1486
Datumcode 0803
x
x
x
Materiaal perkament