| Nummer:fal044 | Datum: | Overlevering:Origineel | Vindplaats:F.A. Lewe, inv.nr. 0614, reg. 044 |
Wy Herman van Boneborch van godesgnaden abt des ffrigen Stifftes Corveije Bekennen openbar in dussem breffe vor uns unse
nakomen und Stiffte dat wy hebbet beleynt und in macht dussen breffes beleyen Heygen Addinghe hovetschoppe to Westerwolde
und syn lives Erven beyder kunne to eynen rechten Erffleyne myt dussen nagescreven guderen Int erste myt dem gantzen lande
to Westerwolde und alle syner tobehoringe geistlick unde wertlick und sunderling myt der kercken to Unswedde myt aller
rechticheyt Erven und luden de dar Inn hort Item myt dem dorpe Smerlike uthgescheden dre hus Tangklinckhus Edin
ghehus und Lottringehus Item mijt der kercken to Sellingen und dem gantzen dorpe myt alle oren rechte Erven und lude
und sunderlinges de Borch de Har de Melme de Walslage und de Wisk uthgescheden Wedelinghus Item myt dem
gantzen dorpe to lande mit den Erven und luden Item myt der kercken to Flachtwedde myt al oren Erven und luden
myt dem gantzen dorpe Waldingehusen Diringehusen Coelershus und Wiltingehus myt dem gantzen dorpe und allen
Erven unde luden de dar in horen in dat dorp to Wende Rensingehus Evestingehus de huses stede und Buskmans
hus myt alle oren Erven und luden de dar inn horen Item myt der kercken to Wedde myt allen rechten husen luden und
Erven alzo Meyinck Erve Redwerdinck Bruninck und Wycherinck Item myt der kercken to Ffreschenloe myt
aller tobehoringe und rechten Vortmer beleynen wy den vorgen. Heygen und syns lives Erven beyder kunne
to eynen rechten Erffleijne myt unser vogedige to Wynschotte myt aller rechticheyt und to behoringe geistlick
und wertlick wor de gelegen syn in holte in felde in watere in wyschen und weyden nichtes dar van
uthgescheden so de to unserem Stiffte horen und syn vader vor van unserem vorfaren und Stiffte to leijne
hadde und wy vorgenanten Herman abt willen des genanten Heygen und synes lives Erffen dussen vorgescreven
leyns und gudes bekante gichtige here und warent syn woe wanne und wu dicke en des not und
behoff is dat eyschen und uns in rechte geboren mach doch uns und unsem Stiffte unschedelik des
in bekantnusse hebben wy unse Ingesegel vor uns unse nakomen und Stiffte vestliken an dussen breff
don hangen up Sunavent des hiligen Cruces dag Exaltacionis anno domini M IIIIc LXXXII.
nakomen und Stiffte dat wy hebbet beleynt und in macht dussen breffes beleyen Heygen Addinghe hovetschoppe to Westerwolde
und syn lives Erven beyder kunne to eynen rechten Erffleyne myt dussen nagescreven guderen Int erste myt dem gantzen lande
to Westerwolde und alle syner tobehoringe geistlick unde wertlick und sunderling myt der kercken to Unswedde myt aller
rechticheyt Erven und luden de dar Inn hort Item myt dem dorpe Smerlike uthgescheden dre hus Tangklinckhus Edin
ghehus und Lottringehus Item mijt der kercken to Sellingen und dem gantzen dorpe myt alle oren rechte Erven und lude
und sunderlinges de Borch de Har de Melme de Walslage und de Wisk uthgescheden Wedelinghus Item myt dem
gantzen dorpe to lande mit den Erven und luden Item myt der kercken to Flachtwedde myt al oren Erven und luden
myt dem gantzen dorpe Waldingehusen Diringehusen Coelershus und Wiltingehus myt dem gantzen dorpe und allen
Erven unde luden de dar in horen in dat dorp to Wende Rensingehus Evestingehus de huses stede und Buskmans
hus myt alle oren Erven und luden de dar inn horen Item myt der kercken to Wedde myt allen rechten husen luden und
Erven alzo Meyinck Erve Redwerdinck Bruninck und Wycherinck Item myt der kercken to Ffreschenloe myt
aller tobehoringe und rechten Vortmer beleynen wy den vorgen. Heygen und syns lives Erven beyder kunne
to eynen rechten Erffleijne myt unser vogedige to Wynschotte myt aller rechticheyt und to behoringe geistlick
und wertlick wor de gelegen syn in holte in felde in watere in wyschen und weyden nichtes dar van
uthgescheden so de to unserem Stiffte horen und syn vader vor van unserem vorfaren und Stiffte to leijne
hadde und wy vorgenanten Herman abt willen des genanten Heygen und synes lives Erffen dussen vorgescreven
leyns und gudes bekante gichtige here und warent syn woe wanne und wu dicke en des not und
behoff is dat eyschen und uns in rechte geboren mach doch uns und unsem Stiffte unschedelik des
in bekantnusse hebben wy unse Ingesegel vor uns unse nakomen und Stiffte vestliken an dussen breff
don hangen up Sunavent des hiligen Cruces dag Exaltacionis anno domini M IIIIc LXXXII.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0614 |
| Regestnr. | 044 |
| Register Feith | 1482.025 |
| Jaar | 1482 |
| Datumcode | ExaCru |