| Nummer:fal040 | Datum: | Overlevering:Origineel | Vindplaats:F.A. Lewe, inv.nr. 0613, reg. 040 |
To wettenn als des erwerdigen hogebornen forsten unses gnedigen leven hern van Munster unde van Bremen Amptman to Wedde in syner gnaden Westerwoldinger lande
Haye Addings unde syner gnaden undersaten desselven landes myt eynanderen unwillich unde twysthellich gewest zin unde der schellinge unde gebrecke na lude
eyner nottelen by synen gnaden als beyder parte lantheren vorbleven ere ansprake unde antworde umb dar up recht to sprekenn besegelt overgegeven
hebben dat nu de selve unse gnedige leve here umb des meesten vredes unde vorder umb alles besten willen so syne gnade besorgen de rechtsprocke
vorderen unwillen tusschen en maken solde de ergenanten beyde parthije ton Bevergerne vor syne gnade unde vor syner gnaden Reede unde
dieplige frunde syner gnaden Capittels unde stades Munster hevet doen komen unde se mit erer belevinge unde consente by der ergenante syner Reede
unde Capittels unde Stades frunde Rade umb alle erer schellinge unde gebrecke willen bes ab dessen dach data desses sthedes breves tusschen en
gewest guetligen unde in fruntscopen hevet doen scheyden. Also offt we van den ergenante undersaten sick beduncken leten dat se van Hayen vader
seliger dachte eder van Hayen selves ungeboirligen off boven des landes recht eder olde gewontte mit brocken off
anders bedranget unde
overschattet weren wes dan Hayen vader eder he solves dar aff vor desen dage van den undersaten gebort hebben dat sollen de undersaten
dar by laten unde an Hayen eder syne ervende darumb myne ansprake beholden hedden ock de undersaten dorch borgen eder zick solves Hayen
vader eder eme selves dar aff wes gelovet dat noch in deele off all nicht betalt weren wes des dan bes an dessen dach unbetalt bleven
is. Dat sollen ock Haye unde syne ervenn dar by laten des an den schuldigen eder ere borgen ock nijne ansprake to beholdenn unde Haye sall
aldar van stuntan eynen bequemen vromen vorstendelen richter setten unde deme vor myns heren Amptman in Emes- landen off syner gnaden gestlickeden
reeden in bywesenn des gemeynen landes laten loven unde sweren to holdenn alle de puncte de eyn richter van rechte schuldich is to golden unde sall
ock demen Richter de semptlige puncte vor lesen laten umb de to wettenn sick dar na to richtenn unde dar to sollen de undersaten under zick keesen
willigen unde vormogen twelve van den vorstendelsten unde vromesten se meynen under zick to hebben dat to deynnenn de mede by demen gerichte
zyn. Unde dar to raden unde helpen dat beyden ryken unde armen na rechte unde gnaden gerichtet werden zick nymant ongeboirliges gerichtes
to beclagenn hebbe unde de selven twelve sollen dar to vor unses gnedigen heren Amptmann in Emeslande off vor syner gnaden geschickeden
Rade huldinge unde eede doen na eren gebore Haye eder syn ervenn noch de richter eder iemant anders van erer wegene en sollen ock nu
vortmer der brocke nicht hoger noch anders van den under- saten aldar vorderen eder boren dan dar in deme lande van oldes gewontlyk
plach to syne unde dar mede sollen ze zick genogen laten. Mer wolden se to jenniger tyt dar weme genediger mede zyn dat mochten ze
doen. He sall ock der Molenvleet unde water also passligen unde maetligen stuwen laten dat dorch unmatlick stuwen de undersaten an eren
lande unde weyden drenckhenshalven nijnen schaden neme. Dyt allet na vurgescreven sollen de ergenanten beyde pertthije holden unde vullenthoen
unde dar mede aller gebrecke vor dessemm dage tusschen en gewest watterleye de ock syn nicht utgenomen guetlick unde fruntlick geschey-
den wesen nemant van en den anderen darumb to archwilli gen. Unde we van en dar tegen dede so waken dat ock ge scheege sall so vaken
unsen gnedigen heren vurgescreven eder synen nakomelingen in demm hogesten Munstersschen geltbrocke vorfallen wesen den dan ock de Richter unde
de twelff gesworenn so vaken in syner gnaden behoeff vorderen sollen unde allet zunder argelist. Were ock sake dat hyr namaels tusschen
Hayen eder synen ervenn unde den ergenanten undersaten off erre jennich unwille errese van wat saken dat ock her queme des sollen de
Richter unde de twelff gesworne by sick alleyne off mit hulpe anderer vorstendeler se dar to nemen wolden guetlige off rechtlige schedinge
tusschen en vorsoken. Konden se der nicht vynden so sollen des de beyde twysthelige parte vor unsen gnedigen heren vurgescreven eder syne
nakomelinge komen, deshalven dorch ere gnaden gescheeden to werdenn mochte dat dan nicht in guetlicheit gescheen sollen se des rechtes
by synen gnaden offt synen nakomelingen verblyven unde gyne gewalt an malckanderen keren unde keerde erre jennich hyr en boven
gewalt an een den anderen de gewalt sall staen an unsen gnedigen heren eder synen nakomelingen de dorch eme selves eder de syne to mogen
sturen unde vorderen to syner gnaden willen. Offt ock in dessen schedesbreve jennich punct were des beyde perthye nicht wall vorstaen
konden off en wolden eder de eyne parthye anders vorstaen wolde dan de ander dat sollen se an unsen gnedigen leven heren vurgescreven eder
syne nakomelinge brengen woe de dat dan ercleert so sollen se dat dan ock vorstaen unde holden Allet zunder argelist. Unde want wij
Hinrick van Swartzeburch bisscop to Munster unde der hilliger kercken to Bremen administrator de ergenante parthye in maten vurgescreven
by rade onser Reede unde frunde unses Capittels unde stades Munster hebben doen scheeden. Hebben wy desser schedesbreve twe alleyne inne
holdende unde mit unses segele besegelt doen maken unde ytliger parthye eyne geven. Gededinget unde gegeven ton Bevergerne ymmen
jaere unses heren dusent veerhundert sessundeseventich des Sondages na unser Leven Vrouwen Visitacionis dage.
Haye Addings unde syner gnaden undersaten desselven landes myt eynanderen unwillich unde twysthellich gewest zin unde der schellinge unde gebrecke na lude
eyner nottelen by synen gnaden als beyder parte lantheren vorbleven ere ansprake unde antworde umb dar up recht to sprekenn besegelt overgegeven
hebben dat nu de selve unse gnedige leve here umb des meesten vredes unde vorder umb alles besten willen so syne gnade besorgen de rechtsprocke
vorderen unwillen tusschen en maken solde de ergenanten beyde parthije ton Bevergerne vor syne gnade unde vor syner gnaden Reede unde
dieplige frunde syner gnaden Capittels unde stades Munster hevet doen komen unde se mit erer belevinge unde consente by der ergenante syner Reede
unde Capittels unde Stades frunde Rade umb alle erer schellinge unde gebrecke willen bes ab dessen dach data desses sthedes breves tusschen en
gewest guetligen unde in fruntscopen hevet doen scheyden. Also offt we van den ergenante undersaten sick beduncken leten dat se van Hayen vader
seliger dachte eder van Hayen selves ungeboirligen off boven des landes recht eder olde gewontte mit brocken off
anders bedranget unde
overschattet weren wes dan Hayen vader eder he solves dar aff vor desen dage van den undersaten gebort hebben dat sollen de undersaten
dar by laten unde an Hayen eder syne ervende darumb myne ansprake beholden hedden ock de undersaten dorch borgen eder zick solves Hayen
vader eder eme selves dar aff wes gelovet dat noch in deele off all nicht betalt weren wes des dan bes an dessen dach unbetalt bleven
is. Dat sollen ock Haye unde syne ervenn dar by laten des an den schuldigen eder ere borgen ock nijne ansprake to beholdenn unde Haye sall
aldar van stuntan eynen bequemen vromen vorstendelen richter setten unde deme vor myns heren Amptman in Emes- landen off syner gnaden gestlickeden
reeden in bywesenn des gemeynen landes laten loven unde sweren to holdenn alle de puncte de eyn richter van rechte schuldich is to golden unde sall
ock demen Richter de semptlige puncte vor lesen laten umb de to wettenn sick dar na to richtenn unde dar to sollen de undersaten under zick keesen
willigen unde vormogen twelve van den vorstendelsten unde vromesten se meynen under zick to hebben dat to deynnenn de mede by demen gerichte
zyn. Unde dar to raden unde helpen dat beyden ryken unde armen na rechte unde gnaden gerichtet werden zick nymant ongeboirliges gerichtes
to beclagenn hebbe unde de selven twelve sollen dar to vor unses gnedigen heren Amptmann in Emeslande off vor syner gnaden geschickeden
Rade huldinge unde eede doen na eren gebore Haye eder syn ervenn noch de richter eder iemant anders van erer wegene en sollen ock nu
vortmer der brocke nicht hoger noch anders van den under- saten aldar vorderen eder boren dan dar in deme lande van oldes gewontlyk
plach to syne unde dar mede sollen ze zick genogen laten. Mer wolden se to jenniger tyt dar weme genediger mede zyn dat mochten ze
doen. He sall ock der Molenvleet unde water also passligen unde maetligen stuwen laten dat dorch unmatlick stuwen de undersaten an eren
lande unde weyden drenckhenshalven nijnen schaden neme. Dyt allet na vurgescreven sollen de ergenanten beyde pertthije holden unde vullenthoen
unde dar mede aller gebrecke vor dessemm dage tusschen en gewest watterleye de ock syn nicht utgenomen guetlick unde fruntlick geschey-
den wesen nemant van en den anderen darumb to archwilli gen. Unde we van en dar tegen dede so waken dat ock ge scheege sall so vaken
unsen gnedigen heren vurgescreven eder synen nakomelingen in demm hogesten Munstersschen geltbrocke vorfallen wesen den dan ock de Richter unde
de twelff gesworenn so vaken in syner gnaden behoeff vorderen sollen unde allet zunder argelist. Were ock sake dat hyr namaels tusschen
Hayen eder synen ervenn unde den ergenanten undersaten off erre jennich unwille errese van wat saken dat ock her queme des sollen de
Richter unde de twelff gesworne by sick alleyne off mit hulpe anderer vorstendeler se dar to nemen wolden guetlige off rechtlige schedinge
tusschen en vorsoken. Konden se der nicht vynden so sollen des de beyde twysthelige parte vor unsen gnedigen heren vurgescreven eder syne
nakomelinge komen, deshalven dorch ere gnaden gescheeden to werdenn mochte dat dan nicht in guetlicheit gescheen sollen se des rechtes
by synen gnaden offt synen nakomelingen verblyven unde gyne gewalt an malckanderen keren unde keerde erre jennich hyr en boven
gewalt an een den anderen de gewalt sall staen an unsen gnedigen heren eder synen nakomelingen de dorch eme selves eder de syne to mogen
sturen unde vorderen to syner gnaden willen. Offt ock in dessen schedesbreve jennich punct were des beyde perthye nicht wall vorstaen
konden off en wolden eder de eyne parthye anders vorstaen wolde dan de ander dat sollen se an unsen gnedigen leven heren vurgescreven eder
syne nakomelinge brengen woe de dat dan ercleert so sollen se dat dan ock vorstaen unde holden Allet zunder argelist. Unde want wij
Hinrick van Swartzeburch bisscop to Munster unde der hilliger kercken to Bremen administrator de ergenante parthye in maten vurgescreven
by rade onser Reede unde frunde unses Capittels unde stades Munster hebben doen scheeden. Hebben wy desser schedesbreve twe alleyne inne
holdende unde mit unses segele besegelt doen maken unde ytliger parthye eyne geven. Gededinget unde gegeven ton Bevergerne ymmen
jaere unses heren dusent veerhundert sessundeseventich des Sondages na unser Leven Vrouwen Visitacionis dage.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0613 |
| Regestnr. | 040 |
| Register Feith | 1476.038 |
| Jaar | 1476 |
| Datumcode | DpVisMar |