| Nummer:fal039 | Datum: | Overlevering:Origineel | Vindplaats:F.A. Lewe, inv.nr. 0610, reg. 039 |
Wy Hermen van godes genaden Abt des frygen Stifftes Corvey bekennen openbar in dussen breffe vor uns unse
nakomen unde Stiffte dat off wy wal nijes hebben belehent Eggen Addinge hovescope to Westerwolde und synen
lyves erven myt den lande to Westerwolde und aller syner to behoringe geystlick unde wertlick myt alle rechticheit
erven unde luden Vort mer myt unser Voghedyge to Wynschot myt aller rechticheyt unde to behoringe geystlick
und wertlick wor de gelegen syn. So bekennen wy nochtans openbar dat vorscreven Eggen Addinges slott to Wedde
myt alle syne rechticheyt erven landen und goderen dar to behorende wor de uppen Westerwolde gelegen syn nichtes
utgescheyden myt luessinge erve to Gipsingehusen dat van vorgen. Eggen utgaet to lehen sollen alle vry syn unde nu
noch hyr namaels onder de obgenante belenynge nicht myt gerekent oder getogen worden dan sollen de selve to allen
tijden vorscreven Eggen und syner erven vrije erff goderen unde allodial blijven. Des gelijken sal unse vorscr. belenijnge
dem hochgebornen fursten und heren Bisscope to Munster in syner genaden rechticheyt und honre gulde uppen
Westerwolde onschadelick syn, unde olde verdragesbreffe tusschen hochgedachten heren Bisscopen to Munster und
obgen. Eggen vorolderen upgerichtet sollen ock in vuller macht und werden sijn. Sunder jenigerhande argelist
Des to orkunde hebben wy onser Sbdygen Ingesegel vor uns unse nakomelinge unde Stiffte an dussen breffe
doen hangen Unde wij Gosschalcus prior Eheverardus provest unde vort gantze gemeijne Capittel
des obgen. vrijen Stifftes Corvey bekennen dat alle dusse stucken myt unser vulbort wisschap und willen
synd gescheijn, Unde des to tuge hebben wij unses Capittels Ingesegel mede an dussen breve gehangen.
Gegeven inden jare unses heren dusent vierhundert vier und seventich des gudensdagen na Vincula Petri.
nakomen unde Stiffte dat off wy wal nijes hebben belehent Eggen Addinge hovescope to Westerwolde und synen
lyves erven myt den lande to Westerwolde und aller syner to behoringe geystlick unde wertlick myt alle rechticheit
erven unde luden Vort mer myt unser Voghedyge to Wynschot myt aller rechticheyt unde to behoringe geystlick
und wertlick wor de gelegen syn. So bekennen wy nochtans openbar dat vorscreven Eggen Addinges slott to Wedde
myt alle syne rechticheyt erven landen und goderen dar to behorende wor de uppen Westerwolde gelegen syn nichtes
utgescheyden myt luessinge erve to Gipsingehusen dat van vorgen. Eggen utgaet to lehen sollen alle vry syn unde nu
noch hyr namaels onder de obgenante belenynge nicht myt gerekent oder getogen worden dan sollen de selve to allen
tijden vorscreven Eggen und syner erven vrije erff goderen unde allodial blijven. Des gelijken sal unse vorscr. belenijnge
dem hochgebornen fursten und heren Bisscope to Munster in syner genaden rechticheyt und honre gulde uppen
Westerwolde onschadelick syn, unde olde verdragesbreffe tusschen hochgedachten heren Bisscopen to Munster und
obgen. Eggen vorolderen upgerichtet sollen ock in vuller macht und werden sijn. Sunder jenigerhande argelist
Des to orkunde hebben wy onser Sbdygen Ingesegel vor uns unse nakomelinge unde Stiffte an dussen breffe
doen hangen Unde wij Gosschalcus prior Eheverardus provest unde vort gantze gemeijne Capittel
des obgen. vrijen Stifftes Corvey bekennen dat alle dusse stucken myt unser vulbort wisschap und willen
synd gescheijn, Unde des to tuge hebben wij unses Capittels Ingesegel mede an dussen breve gehangen.
Gegeven inden jare unses heren dusent vierhundert vier und seventich des gudensdagen na Vincula Petri.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0610 |
| Regestnr. | 039 |
| Jaar | 1474 |
| Datumcode | EpVinPet |