| Nummer:fal037a | Datum: | Overlevering:Afschrift | Vindplaats:F.A. Lewe, inv.nr. 0019, reg. 037 |
Wy Herman van godesgnaden abt des frigen stifftes Corveye Bekennen openbaer
in dussem breffe vor uns unde stiffte dat Eyge Addings Hoveschop to Westerwolde an Westerwol-
der lande unde Wintschote myt kercken, Erven Luden unde allem rechten geistlik unde wertlik sijne
Elderen over hundert yaren vor, unde he nu na und noch Hude to dage van unses ffrigen Stifftes wegen
unde unser mit rechte beseten hebben unde noch hute to dage besittet So Westerwolder land unde Wint-
schote mit aller tobehoringe unses stifftes Corveye Olde Erve is So he des unses Stifftes unde unse
opene vorsegelde breffe hefft Des wij ome in dussem sulven unsem openen breffe ok bekennen un-
de bekennich syn willen to allen tijden woe ome des not offte behoff wordde des Jn eyn tuchnisse der
warheyt hebben wij unser Ewedige Ingesegel up Spacium dusses breffes don drucken Nach christi ge-
bordt dusent verhundert Inden ver unde Seventigesten Jaren up Sundach neyst Jacobi.
in dussem breffe vor uns unde stiffte dat Eyge Addings Hoveschop to Westerwolde an Westerwol-
der lande unde Wintschote myt kercken, Erven Luden unde allem rechten geistlik unde wertlik sijne
Elderen over hundert yaren vor, unde he nu na und noch Hude to dage van unses ffrigen Stifftes wegen
unde unser mit rechte beseten hebben unde noch hute to dage besittet So Westerwolder land unde Wint-
schote mit aller tobehoringe unses stifftes Corveye Olde Erve is So he des unses Stifftes unde unse
opene vorsegelde breffe hefft Des wij ome in dussem sulven unsem openen breffe ok bekennen un-
de bekennich syn willen to allen tijden woe ome des not offte behoff wordde des Jn eyn tuchnisse der
warheyt hebben wij unser Ewedige Ingesegel up Spacium dusses breffes don drucken Nach christi ge-
bordt dusent verhundert Inden ver unde Seventigesten Jaren up Sundach neyst Jacobi.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0019 |
| Regestnr. | 037 |
| Register Feith | 1474.027 |
| Jaar | 1474 |
| Datumcode | DpJacobi |