Wy Ebbo Sluchtinck ende Elteke in den Oirt Ulffert ende Aybe to Kantens Bolo
Wyens Menno to Diddingehuysen Sywert Thedema Aylco Rengersma Asega Dyurdes
soene Gereko to Watwert Tyart Bowema Hereko Hemmema Hiddo Ottoma Reneko
Abbema Ryckel Tyardesma ende Butto Enekoma Nu ter tyd Rechters in der Oesteramp
te bekennen ende betugen myt dessen openen breve dat voer ons is gekomen
Joncker Occo to Loeckwert ende bekande voer em ende syne erffgenamen dat hie hevet
verkofft upgedragen ende overgegeven Aylcken Onnema ende Blydeken to Frama
echteluyde hoeftlingen to Huysdinge, ende hoiren erffgenamen eyn heert landes to Hel
wert gelegen Herwerda heert genompt groet wesende acht ende tsestichste
halve grasen die nu Popko Tammes gebruket myt alle heerlicheyt ende
Redgerecht als daer up valt na der Clawen ommeganck in Sandtweerster
Reetschap ende als vorg. Joncher Occo dat solve van syn zalige vader aengearvet
is vry ende quijt erfflyken ende ewelyken myt allen rechte ende eygendome to bruken
ende to besitten, Voer ene summe geldes die Joncker Occo vorsc. bekande dat em
vull ende all is betaelt, In orkunde der waerheyt so hebben wy gemene Rechters
vorg. unse amptes zegel aen dessen brieff doen hangen, In den jaer ons heren
dusent vierhundert vier ende viertich des dinxdages voer Cathedra Petri Apostoli.

x

x

Archief	Groninger Archieven
Fonds	F.A. Lewe
Toegangsnummer	547
Inventarisnr.	0808
Regestnr.	023
Register Feith	1444.023
Jaar	1444
Datumcode	MaCatPet

x

x

x

Materiaal	perkament