| Nummer:fal006 | Datum:8 sept. 1400 | Overlevering:Origineel | Vindplaats:F.A. Lewe, inv.nr. 0604, reg. 006 |
Wij Otto van Godes genaden Bisscop to Munster bekennet in dessen openen breve vor allen luden dat wij vor uns
unde unse nakomelinge und gestichte na rade und myt vulbord unses Capuittels to Munster und unser vrende
vrentlike vor eyniget und vordregen hebbt myt Haygen Addingh und Bolen Addingh broderen Eggen sonen
Addinghes in aldusdanen vorworden dat wij und unse nakomelinghe Bisscope to Munster desse vorgen. Haygen
und Bolen Addingh brodere und ere rechten erven indem gerichte uppen Westerwolde und in aller alsodaner
rechticheit alse wij und unse gestichte hebbt uppen Westerwolde uthgeseget unse honregulde de wij und unse
gestichte dat hebbt und vortmer in allen eren olden rechte alse ere olderen und se dar aldus lange gehat
hebbt solen und willet restlike und vredelike besitten laten und en solen ofte en willet se dar an nicht
enghen ofte hynderen in nynerleygewijs noch nymand van unser wegene. Vortmer sole wij und wilt se
truwelike vorbidden und vordegedingen dar wij ener mechtich synd rechtes bij uns to plegene tegen alle
de gene dar en des noet is und se des behovet und des van uns gesynnet gelijk wij andere unse land und
lude to verbiddene und to vordegedingen pleget und were dat se dar en boven iemand overvallen unde
vorunrechten wolde so sole wij en beholpelich wesen gelijk wij anderen unsen lande und luden pleget to done
und were dat wij ofte de unse en volghe doen solden ofte deden so solen se uns vor unse leverancien geven und
doen dat redelik is na seggene unser vrende uppe beiden sijden und se uns dat land und de lude uppen Westerwolde
solen uns unde unsen nakomelingen und gestichte truwe und holt wesen und solen uns und unsen amptluden
in Emeslande volgen alse uns und en van unser wegene des noet und to done is und se van unser wegene
dar to eysschet werdet to voet und to perde sunder toussie (?) gelijk unse meyne land van Emeslande volget und
were dat wij ofte unse vrende van unser wegene en volge deden und schaden dar over nemen an vangnen ofte
an perden dat to solden se unse hoverheren wesen were ock dat se uns ofte unsen amptluden volge deden und
schaden dar over nemen an vangnen ofte an perden so solde wij des gelijkes ere hoverheren dar to wesen und
were dat se und unse vrende myt eynander name nemen de solde wij to gelijke deylen were ock dat se myt
eynander vangnen venghen de solde men schatten uppen hus to Wedde uppen westerwolde na rade unser vrende
unde de anders nergens voren und wes dar van queme to schattinge dat solde wij ock to gelijke deylen ed
en were dat men myt der vangnen welck eyne sone krijgen und beherden mochte na unsem rade so solde
wij unse genade dar to keren und hijr umb hebbt desse vorgenoemde Hayge und bole und ere vormunder van erer
wegene und gelend und gedaen vijfhundert mark pennynghe alse in unser stad to Munster gencge und geve
synd und wanner wij off unse nakomelingen und gestichte en ofte eren erven desse vorgenoemde vijfhundert mark
weder geven und betalen willet dat sole wij en eyn halff jaer to voren kundich doen und wanner wij se en
dan betalet hebbt so sole wij und unse nakomelinghe und gestichte und se und ere erven dan weder sitten
und wesen malk in alle sijnen rechte uppen Westerwoldt alse wij weren vor gifte dessen breves und also
langhe alse en desse betalinge nicht gescheyn en is alse vorgenoemd is so sole wij und unse nakomelinge en und eren
erven alle desse vorgenoemde punte stede vast und unverbroken holden. Sunder jenigerhande argelist und hebbt
des to tuge unse ingesegel vor uns und vor unse nakomelinge und gestichte myt ingesegele unses Capittels
to Munster an dessen breff doen hancgen und wij domdeken und Capittel der kerken to munster bekennet
dat alle desse vorgenoemde stucke myt unser vulbord wis- schap und willen synd gescheyn und des to tuge hebb wij unses
Capittels segel mede an dessen selven breff gehancgen. Gegeven inden jaren unses heren dusent veyrhundert
des gudensdages up unser vrouwen dagh den men scrift Nativitas Marie.
unde unse nakomelinge und gestichte na rade und myt vulbord unses Capuittels to Munster und unser vrende
vrentlike vor eyniget und vordregen hebbt myt Haygen Addingh und Bolen Addingh broderen Eggen sonen
Addinghes in aldusdanen vorworden dat wij und unse nakomelinghe Bisscope to Munster desse vorgen. Haygen
und Bolen Addingh brodere und ere rechten erven indem gerichte uppen Westerwolde und in aller alsodaner
rechticheit alse wij und unse gestichte hebbt uppen Westerwolde uthgeseget unse honregulde de wij und unse
gestichte dat hebbt und vortmer in allen eren olden rechte alse ere olderen und se dar aldus lange gehat
hebbt solen und willet restlike und vredelike besitten laten und en solen ofte en willet se dar an nicht
enghen ofte hynderen in nynerleygewijs noch nymand van unser wegene. Vortmer sole wij und wilt se
truwelike vorbidden und vordegedingen dar wij ener mechtich synd rechtes bij uns to plegene tegen alle
de gene dar en des noet is und se des behovet und des van uns gesynnet gelijk wij andere unse land und
lude to verbiddene und to vordegedingen pleget und were dat se dar en boven iemand overvallen unde
vorunrechten wolde so sole wij en beholpelich wesen gelijk wij anderen unsen lande und luden pleget to done
und were dat wij ofte de unse en volghe doen solden ofte deden so solen se uns vor unse leverancien geven und
doen dat redelik is na seggene unser vrende uppe beiden sijden und se uns dat land und de lude uppen Westerwolde
solen uns unde unsen nakomelingen und gestichte truwe und holt wesen und solen uns und unsen amptluden
in Emeslande volgen alse uns und en van unser wegene des noet und to done is und se van unser wegene
dar to eysschet werdet to voet und to perde sunder toussie (?) gelijk unse meyne land van Emeslande volget und
were dat wij ofte unse vrende van unser wegene en volge deden und schaden dar over nemen an vangnen ofte
an perden dat to solden se unse hoverheren wesen were ock dat se uns ofte unsen amptluden volge deden und
schaden dar over nemen an vangnen ofte an perden so solde wij des gelijkes ere hoverheren dar to wesen und
were dat se und unse vrende myt eynander name nemen de solde wij to gelijke deylen were ock dat se myt
eynander vangnen venghen de solde men schatten uppen hus to Wedde uppen westerwolde na rade unser vrende
unde de anders nergens voren und wes dar van queme to schattinge dat solde wij ock to gelijke deylen ed
en were dat men myt der vangnen welck eyne sone krijgen und beherden mochte na unsem rade so solde
wij unse genade dar to keren und hijr umb hebbt desse vorgenoemde Hayge und bole und ere vormunder van erer
wegene und gelend und gedaen vijfhundert mark pennynghe alse in unser stad to Munster gencge und geve
synd und wanner wij off unse nakomelingen und gestichte en ofte eren erven desse vorgenoemde vijfhundert mark
weder geven und betalen willet dat sole wij en eyn halff jaer to voren kundich doen und wanner wij se en
dan betalet hebbt so sole wij und unse nakomelinghe und gestichte und se und ere erven dan weder sitten
und wesen malk in alle sijnen rechte uppen Westerwoldt alse wij weren vor gifte dessen breves und also
langhe alse en desse betalinge nicht gescheyn en is alse vorgenoemd is so sole wij und unse nakomelinge en und eren
erven alle desse vorgenoemde punte stede vast und unverbroken holden. Sunder jenigerhande argelist und hebbt
des to tuge unse ingesegel vor uns und vor unse nakomelinge und gestichte myt ingesegele unses Capittels
to Munster an dessen breff doen hancgen und wij domdeken und Capittel der kerken to munster bekennet
dat alle desse vorgenoemde stucke myt unser vulbord wis- schap und willen synd gescheyn und des to tuge hebb wij unses
Capittels segel mede an dessen selven breff gehancgen. Gegeven inden jaren unses heren dusent veyrhundert
des gudensdages up unser vrouwen dagh den men scrift Nativitas Marie.
x
| Archief | Groninger Archieven |
|---|---|
| Fonds | F.A. Lewe |
| Toegangsnummer | 547 |
| Inventarisnr. | 0604 |
| Regestnr. | 006 |
| Jaar | 1400 |
| Datumcode | NatMar |