| Nummer:fae543 | Datum:22 okt. 1559 | Overlevering:Origineel | Vindplaats:F.A. Van Ewsum, inv.nr. 0673, reg. 543 |
Wij Ivo Auwema, Albert Ifftema, Sicko Harkema, Es Bunnema, Ilo Grathema, Hedde Enema, Ffocko Sappema, Warner Tamminga, Peter Bennema, Haio
Bennema mijt allen den ingeseten ende gemenen egenarffden int Oldbert und Nijeberth unde die daer egen veenen hebben in disen twen karspelen bekennen ende
rectificieren vermidts desen openen bezegelden brieve voer ons, onsen arven arffgenamen und naecomelingen naedenmaell int jaer vijfftienhondert vive
unde veertich tusschen den erwerdigen unde religiosen prelaet und heeren den abt des godhuises toe Aedwert den ingesetenen inder Helle und den karspell toe Roeden an
die eenre unde ons boven geruerten mitten anderen unsen adherenten sekere schelinge questien voergevallen sijnth. Alsoe dat die vorgescreven abt mit sijn adherenten
vermeenden berechtiget toe sijn vander Hellen om nae Iwema Busch int Niebert doer die Vredewoltmere venen toe graven Wij nochtants ter contrarien die voer-
benoembde veenen van den noeren int zueden hen om den Swarten Rijth van onsen leijdijck und ackeren streckende voer onsen egen veenen hijlden wo gelijck wall
ongeachtet dat wij in die possessis weeren die voergescreven abt met sijnen adherenten sick annam sonder voergaende rechtlicke erkantenisse uns van onsen possessie
mit graven tho turbieren so hebben wij tot verdedinge onses egendoms om allerleiprescriptien to verhoeden den uutgegraven torff weder ingeworpen
unde hebben sick die daken tusschen beiden parthijen so wijth verloepen dat dese scelinge bijnnen alndes uut erheven beweichlicken oirsaicken niet kunden
gesleten worden dan uut onvermijdelijker onser noetdruft dorch supplicatien to Bruissell an der durchluchtichsten hoichgebornen koninginne vrouwen
Marien koninginne tho vergeven ende der tijt der Ro. Keij. Mat onser aller genedichsten heren Stadtholderinne unde Regentinne der Nederlanden
gebracht woe voert van haer Ko Mat anden wallgeboren und edelen heeren Johan van Ligne graven van Arenberch, Vrijheer to Barbanson ende
Stadtholder generael onsen genedigen heren gecommittiert daer uut dan durch inleijdinge menichvoldiger kuntspap [sic] unde sware vereijsenis mercke-
lijcke unde grote unkosten op geloepen also dat ons den vorscreven samptlicken liticonsorten onmoegelicken was so geswinden process uut to voeren
hebben der oirsaicken halver wij vorscreven den van Ewssum als mit belandet und deell hebbende in onsen veenen mit itlicken anderen dit process in onser
alleren naemen uut toe voeren gedeputiert ende vulmechtich gemaickt ende sonderlinge die van Ewssum die unkosten bes to uutdracht der saicken to verleggen gebeden
ende bewilliget der wij hoer wederomme beloeft und tosegginge gedaen sie van hoeren uutgelachten penningen, unkoste unde schaden vrij unde scadeloes to holden alles
nae wijder vermeldt ende inholt eenes genoichsam bezegelden brieff daer van sijnde. o dan die saicken sick vast lanckwijlich unde went bes in dat XIIII
jaer verlopen oick die unkosten van dage toe daege swaerder gevallen is geschien dat durch tusschen sprekinge des Erwerdigen und religiosen heeren Gerhardus
Dwingell abbas to Jerusalem oick den Erentfesten Erbaren und vromen Georgen Jarges und Mester Haro Winckens dise twijvelafftige gebreken tusschen ons ende
den vorscreven abt und sijnen litisconsorten int jaer vijfftienhondertnegen ende vijftich in vruntschap is opgenomen und verdragen worden nae luijt ende inholt der bezegelden
scheijdes unde verdrages brieven daer ons dan van beijden deelen wall angenuecht. Sulckes gedaen sijnde hebben die gestrengen unde Edelen heeren Johan ende
Wigbolt van Ewssum gebroderen heeren to Ewssum ende Nienoerth ons vorscreven samptlicken in Oldberder kercke convociert ende bij den anderen latyen koemen
nae vermoegen onser overgegeven certification daer in hier boven meldinge geschien om hoerer uutgelachten penningen unkosten unde schaden erkenninge toe
ontfangen und voert der uutgelachten penningen und unkosten restitutie gevordert etc. So wij nuu meth swaere timmeringe eenes nijen zijls omme onss water uut
to voren oick daerbeneven in landtschattinge benauwet bijnnen dat ons sulken verloep und vuldaet der uutgelachter penningen wie wall billich met reden gelde
den meesten deell to vergelden ondoenlicken was. Sijnnen derhalven eendrachtelicken verdragen naedenmaell dat sulke vuldaet eene ideren anpart veenes
moste genomen worden oick disse unkosten van wegen der veenen erresen hebben der wegen den gestrengen ende Edelen heeren Johan und Wigbolt van Ewssum etc. sulcke
onser beswaringe des sijls ende lantschattinge voergedragen unde gesollicitiert dath sie bewillicht voer die verguedinge der uutgelachten unkosten, interesse moijt unde
schaden sick mit een stucke veenes to willen affsoenen laeten gelijck wij hoer dat voert hebben to gespecificierte soe dat ...... scheidinge die wij mit den vorscreven
abt und sinen litisconsorten van den getekenden partie in den oisten wie dat nuu affgeraijt, affgepaelt unde gegraven hent aan die Nues gelegen is unde soe
verre sick dat uut den noirden int suiden an die Swarte Rijth strecket ofte soe verre als die veenen voert in tsuideen moegen uutgaen togestaen, uutgewesen
hebben ende hoeren Gestrengen lieffden sulcken stucke veenes also samptlicken mit handen ende monden wetenlicken mit walbedachten moede sonder alle
omme voeringe vrij veerdich voer die verguedinge unde affsoeninge der unkosten intesse ende schaden soe voele dat onser beijder dorpen Oldeberth ende Nijebert beloepen mach
overdragen unde to gestaen hebben, dragen oick up unde overgeven dat voerbenoembde stucke veens den Gestrengen unde Edelen heeren Johan und Wigbolt van
Ewssum gebroederen ende hoeren erven, erffgenamen ende naekoemelingen in den alder bester unde bestendichster fforme unde maniere van recht wie dat immer bestendichst
bundichste unde krafftichst gescheen kan offte mach also dat sie ende hoer erffgenamen moegen unde macht hebben sullen mit dit voergescreven stucke veenes gelijck anderen hoeren
eijgen vrijen guederen hoerers gevallenth tho handelen, to verkopen, verwisselen wie hoer dat believet best sonder eenigs onser ofte der onsere inseggen verhinder-
nissen den wij hijer mit wetentlijcken aller gerechticheit so wij daer to gehadt ganslicken affgeven vertien ende begeven beloeven ende verspreken voer ons onsen arven ende
arffgenamen to ewigen dagen geene ansprake to den specificierden stucke veenes nummermeer tho hebben noch to gewinnen sonder alle arge;ist ende nijefunde wie die
erdacht ofte in tokumpstigen tijden erdacht moegen worden. In oirkunde der waerheit so hebben wij eijgen arveden ende ingeseten van Oldbert ende Nijeberth sampt-
licken ende eendrachtelicken gebeden den Erentfesten Erbaren ende vromen Luert Grevijnck grietman in Langewolt ende oick onsen pastoren als her Johannes Hopper
nuu ter tijt pastoer int Oldebert ende heer Anthonius pastoer int Nijebert desen contract ende overkompsten over ons to bezegelen twelcke ick Luert Grevinck
grietman voergenoembt also gedaen hebbe ende hebben dat gemeen landts zegell van Langewolt beneden an dessen contract brieff ende overdrachty gehangen. Ende wij pastoren
vorscreven hebben onsen gewoentlijken zegelen beneden an dessen breeff gehangen om der vorscreven beijder karspelen eijgen arveden ende ingeseten beede wille. gegeven inden jaer ons
heeren dusent vijffhondert negen ende vijftich den twe ende twintichsten dach des maents octobris.
Bennema mijt allen den ingeseten ende gemenen egenarffden int Oldbert und Nijeberth unde die daer egen veenen hebben in disen twen karspelen bekennen ende
rectificieren vermidts desen openen bezegelden brieve voer ons, onsen arven arffgenamen und naecomelingen naedenmaell int jaer vijfftienhondert vive
unde veertich tusschen den erwerdigen unde religiosen prelaet und heeren den abt des godhuises toe Aedwert den ingesetenen inder Helle und den karspell toe Roeden an
die eenre unde ons boven geruerten mitten anderen unsen adherenten sekere schelinge questien voergevallen sijnth. Alsoe dat die vorgescreven abt mit sijn adherenten
vermeenden berechtiget toe sijn vander Hellen om nae Iwema Busch int Niebert doer die Vredewoltmere venen toe graven Wij nochtants ter contrarien die voer-
benoembde veenen van den noeren int zueden hen om den Swarten Rijth van onsen leijdijck und ackeren streckende voer onsen egen veenen hijlden wo gelijck wall
ongeachtet dat wij in die possessis weeren die voergescreven abt met sijnen adherenten sick annam sonder voergaende rechtlicke erkantenisse uns van onsen possessie
mit graven tho turbieren so hebben wij tot verdedinge onses egendoms om allerleiprescriptien to verhoeden den uutgegraven torff weder ingeworpen
unde hebben sick die daken tusschen beiden parthijen so wijth verloepen dat dese scelinge bijnnen alndes uut erheven beweichlicken oirsaicken niet kunden
gesleten worden dan uut onvermijdelijker onser noetdruft dorch supplicatien to Bruissell an der durchluchtichsten hoichgebornen koninginne vrouwen
Marien koninginne tho vergeven ende der tijt der Ro. Keij. Mat onser aller genedichsten heren Stadtholderinne unde Regentinne der Nederlanden
gebracht woe voert van haer Ko Mat anden wallgeboren und edelen heeren Johan van Ligne graven van Arenberch, Vrijheer to Barbanson ende
Stadtholder generael onsen genedigen heren gecommittiert daer uut dan durch inleijdinge menichvoldiger kuntspap [sic] unde sware vereijsenis mercke-
lijcke unde grote unkosten op geloepen also dat ons den vorscreven samptlicken liticonsorten onmoegelicken was so geswinden process uut to voeren
hebben der oirsaicken halver wij vorscreven den van Ewssum als mit belandet und deell hebbende in onsen veenen mit itlicken anderen dit process in onser
alleren naemen uut toe voeren gedeputiert ende vulmechtich gemaickt ende sonderlinge die van Ewssum die unkosten bes to uutdracht der saicken to verleggen gebeden
ende bewilliget der wij hoer wederomme beloeft und tosegginge gedaen sie van hoeren uutgelachten penningen, unkoste unde schaden vrij unde scadeloes to holden alles
nae wijder vermeldt ende inholt eenes genoichsam bezegelden brieff daer van sijnde. o dan die saicken sick vast lanckwijlich unde went bes in dat XIIII
jaer verlopen oick die unkosten van dage toe daege swaerder gevallen is geschien dat durch tusschen sprekinge des Erwerdigen und religiosen heeren Gerhardus
Dwingell abbas to Jerusalem oick den Erentfesten Erbaren und vromen Georgen Jarges und Mester Haro Winckens dise twijvelafftige gebreken tusschen ons ende
den vorscreven abt und sijnen litisconsorten int jaer vijfftienhondertnegen ende vijftich in vruntschap is opgenomen und verdragen worden nae luijt ende inholt der bezegelden
scheijdes unde verdrages brieven daer ons dan van beijden deelen wall angenuecht. Sulckes gedaen sijnde hebben die gestrengen unde Edelen heeren Johan ende
Wigbolt van Ewssum gebroderen heeren to Ewssum ende Nienoerth ons vorscreven samptlicken in Oldberder kercke convociert ende bij den anderen latyen koemen
nae vermoegen onser overgegeven certification daer in hier boven meldinge geschien om hoerer uutgelachten penningen unkosten unde schaden erkenninge toe
ontfangen und voert der uutgelachten penningen und unkosten restitutie gevordert etc. So wij nuu meth swaere timmeringe eenes nijen zijls omme onss water uut
to voren oick daerbeneven in landtschattinge benauwet bijnnen dat ons sulken verloep und vuldaet der uutgelachter penningen wie wall billich met reden gelde
den meesten deell to vergelden ondoenlicken was. Sijnnen derhalven eendrachtelicken verdragen naedenmaell dat sulke vuldaet eene ideren anpart veenes
moste genomen worden oick disse unkosten van wegen der veenen erresen hebben der wegen den gestrengen ende Edelen heeren Johan und Wigbolt van Ewssum etc. sulcke
onser beswaringe des sijls ende lantschattinge voergedragen unde gesollicitiert dath sie bewillicht voer die verguedinge der uutgelachten unkosten, interesse moijt unde
schaden sick mit een stucke veenes to willen affsoenen laeten gelijck wij hoer dat voert hebben to gespecificierte soe dat ...... scheidinge die wij mit den vorscreven
abt und sinen litisconsorten van den getekenden partie in den oisten wie dat nuu affgeraijt, affgepaelt unde gegraven hent aan die Nues gelegen is unde soe
verre sick dat uut den noirden int suiden an die Swarte Rijth strecket ofte soe verre als die veenen voert in tsuideen moegen uutgaen togestaen, uutgewesen
hebben ende hoeren Gestrengen lieffden sulcken stucke veenes also samptlicken mit handen ende monden wetenlicken mit walbedachten moede sonder alle
omme voeringe vrij veerdich voer die verguedinge unde affsoeninge der unkosten intesse ende schaden soe voele dat onser beijder dorpen Oldeberth ende Nijebert beloepen mach
overdragen unde to gestaen hebben, dragen oick up unde overgeven dat voerbenoembde stucke veens den Gestrengen unde Edelen heeren Johan und Wigbolt van
Ewssum gebroederen ende hoeren erven, erffgenamen ende naekoemelingen in den alder bester unde bestendichster fforme unde maniere van recht wie dat immer bestendichst
bundichste unde krafftichst gescheen kan offte mach also dat sie ende hoer erffgenamen moegen unde macht hebben sullen mit dit voergescreven stucke veenes gelijck anderen hoeren
eijgen vrijen guederen hoerers gevallenth tho handelen, to verkopen, verwisselen wie hoer dat believet best sonder eenigs onser ofte der onsere inseggen verhinder-
nissen den wij hijer mit wetentlijcken aller gerechticheit so wij daer to gehadt ganslicken affgeven vertien ende begeven beloeven ende verspreken voer ons onsen arven ende
arffgenamen to ewigen dagen geene ansprake to den specificierden stucke veenes nummermeer tho hebben noch to gewinnen sonder alle arge;ist ende nijefunde wie die
erdacht ofte in tokumpstigen tijden erdacht moegen worden. In oirkunde der waerheit so hebben wij eijgen arveden ende ingeseten van Oldbert ende Nijeberth sampt-
licken ende eendrachtelicken gebeden den Erentfesten Erbaren ende vromen Luert Grevijnck grietman in Langewolt ende oick onsen pastoren als her Johannes Hopper
nuu ter tijt pastoer int Oldebert ende heer Anthonius pastoer int Nijebert desen contract ende overkompsten over ons to bezegelen twelcke ick Luert Grevinck
grietman voergenoembt also gedaen hebbe ende hebben dat gemeen landts zegell van Langewolt beneden an dessen contract brieff ende overdrachty gehangen. Ende wij pastoren
vorscreven hebben onsen gewoentlijken zegelen beneden an dessen breeff gehangen om der vorscreven beijder karspelen eijgen arveden ende ingeseten beede wille. gegeven inden jaer ons
heeren dusent vijffhondert negen ende vijftich den twe ende twintichsten dach des maents octobris.
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0673 |
| Regestnr. | 543 |
| Jaar | 1559 |
| Datumcode | 2210 |