| Nummer:fae540 | Datum:26 juli 1559 | Überlieferung:Origineel | Fundstelle:F.A. Van Ewsum, inv.nr. 0677, reg. 540 |
Ick Reyner Krumma droste tho Norden bekenne mydt
dussen schrijfften vor ider mennichlick und alsweme dat vor
my in egener personen gekomen und erschenen de erbar
und voldogetsame Wilhem Korenpoerte mydt orenn
gekorenenn monbar und bekande vrygwillich dat se in aller
brifen gestaelt und forme als se nha rechte eder ge-
woenheit am bestendichsten und kreffligesten solde konde
eder mochte doen dem Ersamen und vromen Harteleyff
Mollencamp vulmechtige hadde und makede ende vulmech
tich mydt macht desses sodane actije alss se thegen dem
convente van Warffum heyfft eyn erve landes belangend
im lande van drenthe belegen gerichtlichen eder fruntlichen
tvorfoederen vormanen und uithterichten alle narufft wat
tho behoeff dusser sake nodich thovoren und gebrucken und
generalyken und specialyken in dusser sake tho doen unnd
laten wat se solvest darynne doen und laten solde konde
eder mochte so se solvest persoenlick iegenwardich were
und oick stoick legginghe tho doen na landtrechte in Drente
oick eynen vyffte meher procuratores in syne stede tho
substituerenn und dsolve substitution so vake und vele
des nodich wedder an sick tho nemen darmede dan dusse
vulmacht in werden blyven schall. Belovede oick upgfemelte
Wilhem Korenpoerte mydt handtgeloffte by gueden warenden
truwent an edes stadt alles wie baven geschreven
stede und vast tho holden mydt vertuchnisse und renuntia
tion aller previlegien und gerechticheiden. Alles getru
welick und sunder argelist. In by wesendt Johan ther
Hoerst und Henrick van Witmonde mydt burgeren alhir
des tho mer oirkunde der waerheit hebbe ick myns
bevollen amptz insegel witlichen hir under upt spatium
doen drucken dem 26 julij anno etc. 59.
dussen schrijfften vor ider mennichlick und alsweme dat vor
my in egener personen gekomen und erschenen de erbar
und voldogetsame Wilhem Korenpoerte mydt orenn
gekorenenn monbar und bekande vrygwillich dat se in aller
brifen gestaelt und forme als se nha rechte eder ge-
woenheit am bestendichsten und kreffligesten solde konde
eder mochte doen dem Ersamen und vromen Harteleyff
Mollencamp vulmechtige hadde und makede ende vulmech
tich mydt macht desses sodane actije alss se thegen dem
convente van Warffum heyfft eyn erve landes belangend
im lande van drenthe belegen gerichtlichen eder fruntlichen
tvorfoederen vormanen und uithterichten alle narufft wat
tho behoeff dusser sake nodich thovoren und gebrucken und
generalyken und specialyken in dusser sake tho doen unnd
laten wat se solvest darynne doen und laten solde konde
eder mochte so se solvest persoenlick iegenwardich were
und oick stoick legginghe tho doen na landtrechte in Drente
oick eynen vyffte meher procuratores in syne stede tho
substituerenn und dsolve substitution so vake und vele
des nodich wedder an sick tho nemen darmede dan dusse
vulmacht in werden blyven schall. Belovede oick upgfemelte
Wilhem Korenpoerte mydt handtgeloffte by gueden warenden
truwent an edes stadt alles wie baven geschreven
stede und vast tho holden mydt vertuchnisse und renuntia
tion aller previlegien und gerechticheiden. Alles getru
welick und sunder argelist. In by wesendt Johan ther
Hoerst und Henrick van Witmonde mydt burgeren alhir
des tho mer oirkunde der waerheit hebbe ick myns
bevollen amptz insegel witlichen hir under upt spatium
doen drucken dem 26 julij anno etc. 59.
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0677 |
| Regestnr. | 540 |
| Jahr | 1559 |
| Datumcode | 2607 |