| Nummer:fae473 | Datum:11 febr. 1553 | Overlevering:Origineel | Vindplaats:F.A. Van Ewsum, inv.nr. 0651, reg. 473 |
Inden jaer ons heren dusent vyffhundert drie ende vyfftich den elfften dach februarij Soe is de gestrenge ende
Erenfeste heer Wigbolt van Euwessum gescheyden ende verdragen myt den Erenfesten Johan van Euwessum synen leven
broder van die gehofften huesinge rechticheyden ende heerlicheyden van Euwessum ende den Nyen ordt in formen ende mane-
ren hyr nae beschreven, Inden yrsten soe dracht op, gyfft over ende steyt toe in erfflicker besittinge de gestrenghe
ende Erenfeste Wigbolt van Euwessum synen leven broder Johan van Euwessum zyn andiel toe wetten dat derde parth van
Euwessum hemenghe, huesinge, gehofften singelwal koelthuen betijmmerth ende onbetymmerth grafften ende alles soe
dat nu ter tyt in syn vierkant gelegen ende begrepen is, myt noch alle de gerechticheyden ticheyden ende heerlicheyden toe Middel
stum, Dornwert ende Engheweer, myt collatien, karcken gyfften capellanien ende ander lenen verghevenge in dessen drie verscr.
kanspelen. Soe sie duslange toeden huese van Euwessum gebruecket geholden ende vergeven sinnen noch bet de heerlich
heyden ende gerechticheyden van karckstoelen, begrovenisse molen ende alle andere gerechticheyden toe dem huese van
Euwessum behorende Soe dat die gebroderen van Euwessum toe desen daghe toe gebruecket hebben inden dre vorscr.
karspelen. Hyr en tegens dracht op, steyt toe ende gyfft over de Erenfeste Johan van Euwessum sinen leven
broder Wigbolt van Euwessum zyn parth vanden Nyen Ordt soe hem dat nu toekompt myt den gerechticheyden heer
licheyden gheestlyck ende wartlyck collatien ende karcken gyfften ghestoelten ende begrovengen ende andere gheestelicke
vergevenghe, myt de moelen ende alle andere guederen ende landen in Vredewolt op datum van desen gelegen Soe ons
gebroderen de toe komen Noch beth soe voele my toe komen mochte nae dat verstarff dat godt verbieden moeth onses
leven moders vantghene wy nu offte onse leve moder daer nu ter tyt in Vredewolt hebben angelecht myn
parth, als dat darde broders diel van die hanwele Soe ons drie gebroderen toe kompt Noch beth myn andiel van
die huesinge ende plaetzen betymmerth ende onbetymmerth soe dat gelegen is toe Groningen in de Botteringe strate beholt
licken ons dre gebroderen toe de veenen in Vredewolt ende op die hanwele gelycke nae toe wesen Ende van dyt
sulve als vorscr. ons Wigbolt ende Johan van Euwessum soe belevet onverbroken sonder alle argelyst malckanderen
achtervolgen willen In Orkunde der warheyt ende meerder bevestenisse van desen Soe hebben wy gebroderen heer
Wigbolt ende Johan Euwessum onse beyder angeboren segele witlicken beneden an dessen brieff gehanghen.
Actum ut supra.
Noch beth geloven wy gebroderen malckanderen mit de landen ende guederen ons best geleghen
omme Euwessum, Nijen Oerdt ende anders in onse scheydinge ende dielinge toe gaeden ende be
helpen myt gelycke verguedinge.
Johan van Ewszum (handtekening)
Wigbolt van Ewsszum (handtekening)
Erenfeste heer Wigbolt van Euwessum gescheyden ende verdragen myt den Erenfesten Johan van Euwessum synen leven
broder van die gehofften huesinge rechticheyden ende heerlicheyden van Euwessum ende den Nyen ordt in formen ende mane-
ren hyr nae beschreven, Inden yrsten soe dracht op, gyfft over ende steyt toe in erfflicker besittinge de gestrenghe
ende Erenfeste Wigbolt van Euwessum synen leven broder Johan van Euwessum zyn andiel toe wetten dat derde parth van
Euwessum hemenghe, huesinge, gehofften singelwal koelthuen betijmmerth ende onbetymmerth grafften ende alles soe
dat nu ter tyt in syn vierkant gelegen ende begrepen is, myt noch alle de gerechticheyden ticheyden ende heerlicheyden toe Middel
stum, Dornwert ende Engheweer, myt collatien, karcken gyfften capellanien ende ander lenen verghevenge in dessen drie verscr.
kanspelen. Soe sie duslange toeden huese van Euwessum gebruecket geholden ende vergeven sinnen noch bet de heerlich
heyden ende gerechticheyden van karckstoelen, begrovenisse molen ende alle andere gerechticheyden toe dem huese van
Euwessum behorende Soe dat die gebroderen van Euwessum toe desen daghe toe gebruecket hebben inden dre vorscr.
karspelen. Hyr en tegens dracht op, steyt toe ende gyfft over de Erenfeste Johan van Euwessum sinen leven
broder Wigbolt van Euwessum zyn parth vanden Nyen Ordt soe hem dat nu toekompt myt den gerechticheyden heer
licheyden gheestlyck ende wartlyck collatien ende karcken gyfften ghestoelten ende begrovengen ende andere gheestelicke
vergevenghe, myt de moelen ende alle andere guederen ende landen in Vredewolt op datum van desen gelegen Soe ons
gebroderen de toe komen Noch beth soe voele my toe komen mochte nae dat verstarff dat godt verbieden moeth onses
leven moders vantghene wy nu offte onse leve moder daer nu ter tyt in Vredewolt hebben angelecht myn
parth, als dat darde broders diel van die hanwele Soe ons drie gebroderen toe kompt Noch beth myn andiel van
die huesinge ende plaetzen betymmerth ende onbetymmerth soe dat gelegen is toe Groningen in de Botteringe strate beholt
licken ons dre gebroderen toe de veenen in Vredewolt ende op die hanwele gelycke nae toe wesen Ende van dyt
sulve als vorscr. ons Wigbolt ende Johan van Euwessum soe belevet onverbroken sonder alle argelyst malckanderen
achtervolgen willen In Orkunde der warheyt ende meerder bevestenisse van desen Soe hebben wy gebroderen heer
Wigbolt ende Johan Euwessum onse beyder angeboren segele witlicken beneden an dessen brieff gehanghen.
Actum ut supra.
Noch beth geloven wy gebroderen malckanderen mit de landen ende guederen ons best geleghen
omme Euwessum, Nijen Oerdt ende anders in onse scheydinge ende dielinge toe gaeden ende be
helpen myt gelycke verguedinge.
Johan van Ewszum (handtekening)
Wigbolt van Ewsszum (handtekening)
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0651 |
| Regestnr. | 473 |
| Jaar | 1553 |
| Datumcode | 1102 |