| Nummer:fae428 | Datum:24 mei 1550 | Overlevering:Origineel | Vindplaats:F.A. Van Ewsum, inv.nr. 0646, reg. 428 |
Hindrick Hofman van wegen Romischer keyserliker Majesteit schultz tho
Roden bekenne ende lie myt desen openen besegelden rochtbreeve dat ick
hebbe gesetenn op der buirmarcke to Roden op enen vullen rochte my[t] mijnen
tween gekoren bisitters als Steven Smyt unnd Hillebrant Crums gelick ick vann
rechtz wegenn schuldich wat to doene, darvoer in den selvigen gerichte
is erschenen Johan Husinge ende sprack an den pater van Bargum
dat recht an tho seene ende tho horen unnd beklaget sick voert Johan over
den pater vors. hoe de selvige boven onse lantrechten ende privilegien
is gebruykende alsodane arfnyssen ende guideren als Johans vors.
oem ende moeye angearvet was bynnen Roden unde onder der selvigen
clocken, heercomende van zalige Johan Meepsche to Dalen unnd myt
rechte ingewonnen hebben van den pater vors. Waeromme daerna de
pater ermelt dat vors. guidt heft mytten vors. frunde laten eerstenn
werderygenn unnd sulker weerde voert afgekoft, welcker koep
(dorch verblindinge des naesten bloetz) in sijne koepbref een geschenck
heft laten noemen, dat des gelijcks nyet vole gehoert een is, tho
weten dat emantz vremde den anderen solde achte ofte negenhondert
guldens schencken, unnd den erfgenamen ontrecken unnd noch dat
selfte in cloestren to geven oftet also mochte gescheen, als 't nyet
een mach. Noch tot wider hinder unnd schade des naesten bloetz,
heft de ernante pater mytten vors. frunden enen obligatien breef ge-
maket. Also dat wanneer hij den stock van den verkopers weer
begerende solden sij hem alsdan leggen, recht ofte hij dat vors. guidt
wolde gebruikenn tot sijnen lusten sunder stocklegginge. So doch nemantz
arfguit sunder stocklegginge rechtliken kan tot arfnysse besittenn
ofte dat moeste hem angearvet wesenn. Heft noch de selvige pater
boven den vors. breef unnd sijns selvers hantschryft gehandelt, unnd
heft den stock begeert van den vors. frunden, und als sij den selvigen
hem overbodich weren to leggenn wolde hij hem nyet ontfangenn,
omme dat naeste bloet den naerderkoep to behinderen unnd want men
op alsodane formen als vors. arfguidt mochte besitten, weren alle
naerderkopen in den gantzen lande nedergelacht, unde ofte alschoen
den pater ende sijnen convente den stock rede were gelacht unnd
geschonkenn dat selveste guidt vors. (als hij secht) konde hem noch
enen wall nyet batenn tot arfnysse to besitten. Nae luith onse tractaten
ende privilegien, wante so men buten consente der rechten erfgenamen in gene
cloesteren arfachtige guider moet verkopen, ick swige dan hen to geven
ofte in enen ovell to gaene, als onse privilegien wider mede brengen, waer-
op ene guide sententie voerhen gegaen van den e. droste und xxiiii
van den vors. guide tusschenn den pater unnd vercopers ermelt. Also dat dat vorgemelte guidt geenreleye wijse in den vors. cloester mochte
arven, unnd want dan alsodane privilegien ende sententien bij ver-
scheydenn heren tijdenn, geconfirmeert unde nu am laesten noch van
keyserlicker majesteit geaugeert ende geconforteert, waerup Johan vors. van den
ermelten pater begheert hyrvoer recht den naederkoep te nemen, van
den vors. guide, unnd want hij noch genen stock darvan ontfan-
gen heft. Dat hij den selven noch sal ontfangen na luit sijns egenn
hantschryften, nadem de vuilmacht van den vors. erfgenamen hyr
noch overbodich ys, hem den stock to leggen tot welcker erfgenamen
Johan vors. naestbloet bewante is ende vulmoyen sonne unnd bodt
darup koer unnd tall in 't gerichte unnd den koper schadeloes to
holdenn, na de waerheit van den vercopers ende koper, voert de-
dinges ofte wijnkopsluiden als lantrecht is, unnd dat de pater
de waerheyt sal seggenn ho vele geltz hij vor dat vors. guidt gegeven
heft to koepe ofte geschenck als he secht. Noch sprect hij an Johan
Doens als vuilmacht van den verkopers ende erfgenamen vors. dat
hij den pater vors. den stock sal leggen na luidt des paters selvest
hantschryft, vort seker unnd buiren ende alle belade handen den klager
rechtz to helpen ende doen gemants onrecht. Des hebbe ick schultz vors.
den pater vor recht geesschet, ofte een vuilmachtich van sijner wegen
und gemantz is erschenen. Des begert noch wider Johan Huisinge
een ordel van de sekers. Nademale dat des paters van Bargum
egene hant hyr in den gerichte getoent is. Dat de pater vors. gyn
stock tot deser tijdt to gehadt heft, unnd begeert heft denn stock
to leggen up een bestemmede tijdt, welck hem nu verwittiget is
umme to entfangen unnd nycht gecompareert is noch emantz
vuilmachtich van sijnent wegenn, ende de verkopers vuilmacht
overbodich steet den pater vors. den stock to leggenn na vermelt
des paters egenn hantschryft, wel he dan den leggen sal ofte nycht,
des ontbundenn de sekers horem eedt, unnd wijseden, dat de vuilmacht
mach den stock leggen na inholt des paters selfs hantschryft, unnd
so dar gynt vuilmacht is van des paters wegen de den stock ent-
fanget, dat de schulte myt sijnen buren dan den entfange ofte up-
neme, unnd want dar gyne vuilmacht van den pater is gewesen
so hebbe ick schultz den stock upgenomen up een recht, vor als
Steven Smyt unnd Hillebrant Crumens. Vorder begert Johan
Huisinge vors. noch een ordel van de sekers, na dem male dat he
in den gerichte bewesenn heft dat he dat naeste bloet is van de
vors. guiderem tot salige Johan Mepsche unnd den schulten unnd
buiren den stock gelacht is, unnd de pater nicht heft entfangenn
wyllen, ofte nemant van sijnent wegen, woe he dan den naerder-
koep sal krijgenn, na dem he hoer unnd tal buth unde denn
koeper schadeloes to holdenn, des wijsenn de sekers Johan Husinge
den naerderkoep to unnd dat de schulte sal Johan Husinge denn stock
weder leggenn na lantrechte, na demme he vul koer unnd tal
gelacht heft in den gerichte unnd heft dar wel beter bewijs to, dat
wijse wij hem nycht af. Des hebbe ick schulte vors. hem den stock
weder gelacht na de seker wijsinge unnd vor de vors. burenn.
Des heft he in rechts handenn wederinne gelacht veerhundert
rider, unnd hundert arnsgulden. De seven buren tugeden de seker
wijsinge van weerdenn unnd wyl daer wel vorder tot verclaring
des drostum unnd xxiiii. Dat dit dus is gerichtlick gescheet vor
mij schultz vors. unnd kornoten vors., so hebbe ick mijn segel op
desenn breef gedruckt unnd de kornoten hoer namen unnd
hant hyrunder gesath. Gescheen in des jaer ons Heren dusent
vijfhunndert unnd vijftich, den verenntwynstichstenn maii.
[i.m.: Acta sunt hec in vigilia
Penthecostes in Roeden.]
[Handtekeningen:] Steven Smyt
Hylbrant Krumans
Roden bekenne ende lie myt desen openen besegelden rochtbreeve dat ick
hebbe gesetenn op der buirmarcke to Roden op enen vullen rochte my[t] mijnen
tween gekoren bisitters als Steven Smyt unnd Hillebrant Crums gelick ick vann
rechtz wegenn schuldich wat to doene, darvoer in den selvigen gerichte
is erschenen Johan Husinge ende sprack an den pater van Bargum
dat recht an tho seene ende tho horen unnd beklaget sick voert Johan over
den pater vors. hoe de selvige boven onse lantrechten ende privilegien
is gebruykende alsodane arfnyssen ende guideren als Johans vors.
oem ende moeye angearvet was bynnen Roden unde onder der selvigen
clocken, heercomende van zalige Johan Meepsche to Dalen unnd myt
rechte ingewonnen hebben van den pater vors. Waeromme daerna de
pater ermelt dat vors. guidt heft mytten vors. frunde laten eerstenn
werderygenn unnd sulker weerde voert afgekoft, welcker koep
(dorch verblindinge des naesten bloetz) in sijne koepbref een geschenck
heft laten noemen, dat des gelijcks nyet vole gehoert een is, tho
weten dat emantz vremde den anderen solde achte ofte negenhondert
guldens schencken, unnd den erfgenamen ontrecken unnd noch dat
selfte in cloestren to geven oftet also mochte gescheen, als 't nyet
een mach. Noch tot wider hinder unnd schade des naesten bloetz,
heft de ernante pater mytten vors. frunden enen obligatien breef ge-
maket. Also dat wanneer hij den stock van den verkopers weer
begerende solden sij hem alsdan leggen, recht ofte hij dat vors. guidt
wolde gebruikenn tot sijnen lusten sunder stocklegginge. So doch nemantz
arfguit sunder stocklegginge rechtliken kan tot arfnysse besittenn
ofte dat moeste hem angearvet wesenn. Heft noch de selvige pater
boven den vors. breef unnd sijns selvers hantschryft gehandelt, unnd
heft den stock begeert van den vors. frunden, und als sij den selvigen
hem overbodich weren to leggenn wolde hij hem nyet ontfangenn,
omme dat naeste bloet den naerderkoep to behinderen unnd want men
op alsodane formen als vors. arfguidt mochte besitten, weren alle
naerderkopen in den gantzen lande nedergelacht, unde ofte alschoen
den pater ende sijnen convente den stock rede were gelacht unnd
geschonkenn dat selveste guidt vors. (als hij secht) konde hem noch
enen wall nyet batenn tot arfnysse to besitten. Nae luith onse tractaten
ende privilegien, wante so men buten consente der rechten erfgenamen in gene
cloesteren arfachtige guider moet verkopen, ick swige dan hen to geven
ofte in enen ovell to gaene, als onse privilegien wider mede brengen, waer-
op ene guide sententie voerhen gegaen van den e. droste und xxiiii
van den vors. guide tusschenn den pater unnd vercopers ermelt. Also dat dat vorgemelte guidt geenreleye wijse in den vors. cloester mochte
arven, unnd want dan alsodane privilegien ende sententien bij ver-
scheydenn heren tijdenn, geconfirmeert unde nu am laesten noch van
keyserlicker majesteit geaugeert ende geconforteert, waerup Johan vors. van den
ermelten pater begheert hyrvoer recht den naederkoep te nemen, van
den vors. guide, unnd want hij noch genen stock darvan ontfan-
gen heft. Dat hij den selven noch sal ontfangen na luit sijns egenn
hantschryften, nadem de vuilmacht van den vors. erfgenamen hyr
noch overbodich ys, hem den stock to leggen tot welcker erfgenamen
Johan vors. naestbloet bewante is ende vulmoyen sonne unnd bodt
darup koer unnd tall in 't gerichte unnd den koper schadeloes to
holdenn, na de waerheit van den vercopers ende koper, voert de-
dinges ofte wijnkopsluiden als lantrecht is, unnd dat de pater
de waerheyt sal seggenn ho vele geltz hij vor dat vors. guidt gegeven
heft to koepe ofte geschenck als he secht. Noch sprect hij an Johan
Doens als vuilmacht van den verkopers ende erfgenamen vors. dat
hij den pater vors. den stock sal leggen na luidt des paters selvest
hantschryft, vort seker unnd buiren ende alle belade handen den klager
rechtz to helpen ende doen gemants onrecht. Des hebbe ick schultz vors.
den pater vor recht geesschet, ofte een vuilmachtich van sijner wegen
und gemantz is erschenen. Des begert noch wider Johan Huisinge
een ordel van de sekers. Nademale dat des paters van Bargum
egene hant hyr in den gerichte getoent is. Dat de pater vors. gyn
stock tot deser tijdt to gehadt heft, unnd begeert heft denn stock
to leggen up een bestemmede tijdt, welck hem nu verwittiget is
umme to entfangen unnd nycht gecompareert is noch emantz
vuilmachtich van sijnent wegenn, ende de verkopers vuilmacht
overbodich steet den pater vors. den stock to leggenn na vermelt
des paters egenn hantschryft, wel he dan den leggen sal ofte nycht,
des ontbundenn de sekers horem eedt, unnd wijseden, dat de vuilmacht
mach den stock leggen na inholt des paters selfs hantschryft, unnd
so dar gynt vuilmacht is van des paters wegen de den stock ent-
fanget, dat de schulte myt sijnen buren dan den entfange ofte up-
neme, unnd want dar gyne vuilmacht van den pater is gewesen
so hebbe ick schultz den stock upgenomen up een recht, vor als
Steven Smyt unnd Hillebrant Crumens. Vorder begert Johan
Huisinge vors. noch een ordel van de sekers, na dem male dat he
in den gerichte bewesenn heft dat he dat naeste bloet is van de
vors. guiderem tot salige Johan Mepsche unnd den schulten unnd
buiren den stock gelacht is, unnd de pater nicht heft entfangenn
wyllen, ofte nemant van sijnent wegen, woe he dan den naerder-
koep sal krijgenn, na dem he hoer unnd tal buth unde denn
koeper schadeloes to holdenn, des wijsenn de sekers Johan Husinge
den naerderkoep to unnd dat de schulte sal Johan Husinge denn stock
weder leggenn na lantrechte, na demme he vul koer unnd tal
gelacht heft in den gerichte unnd heft dar wel beter bewijs to, dat
wijse wij hem nycht af. Des hebbe ick schulte vors. hem den stock
weder gelacht na de seker wijsinge unnd vor de vors. burenn.
Des heft he in rechts handenn wederinne gelacht veerhundert
rider, unnd hundert arnsgulden. De seven buren tugeden de seker
wijsinge van weerdenn unnd wyl daer wel vorder tot verclaring
des drostum unnd xxiiii. Dat dit dus is gerichtlick gescheet vor
mij schultz vors. unnd kornoten vors., so hebbe ick mijn segel op
desenn breef gedruckt unnd de kornoten hoer namen unnd
hant hyrunder gesath. Gescheen in des jaer ons Heren dusent
vijfhunndert unnd vijftich, den verenntwynstichstenn maii.
[i.m.: Acta sunt hec in vigilia
Penthecostes in Roeden.]
[Handtekeningen:] Steven Smyt
Hylbrant Krumans
x
| Archief | Groninger Archieven |
|---|---|
| Fonds | F.A. Van Ewsum |
| Toegangsnummer | 696 |
| Inventarisnr. | 0646 |
| Regestnr. | 428 |
| Jaar | 1550 |
| Datumcode | 2405 |